هبدء معاكوا حكايه غريبه معتقدتيش انها ممكن تحصل لناس كتير
يحصل ايه لو دخلت جوا بوق واحد 😂😂 اه والله زى ما بقول ليكم كده
طبعا انتوا بتسئلوا أنا مين ، اهو ده نفس السؤال اللى أنا بسئله لنفسى من ساعه اللى حصل أنا مين ؟!!روايه أنا مين ؟!!
Dêrôó
نبدء بسم الله★★★★★★★★★★★★★★★★★★★★★★★★★★
مساء الخير على مستمعينا اللى واحشونى كتييررر كتيررر و حلقه جديده من برنامجكم ميوشه للحكاوى النعنوشه ومعانا اتصال تليفونى و نقول الوو
متصله : مساء الخير يا مى
مى : يا مساء الجمال كله ، نتشرف ب اسمك
متصله: معاكى زينه
مى : عاشت الاسامى يا زينه ، حابه تحكى عن ايه أنا كلى آذان صاغيه
زينه بنبره حزينه : أنا معجبه ب واحد و مش عارفه اصارحه و المشكله انى حاسه ان فى تبادل بينا بس مش راضى يقول
مى : ومش هيقول يا حبيبتى والله
زينه بنبره بكاء : اااايه يعنى ايه
مى : بصى يا زينه البنات كلها ، صنف الرجاله دول كلهم عاملين زى طابع البوسطه تتفى عليهم يلزقوا اكتر والله
زينه بعدم فهم : يعنى اعمل ايه مش فاهمه
مى : يعنى تسيبك منه و تشوفى مستقبلك و دنيتك و ركزى فى حياتك
زينه : طب ما كده ممكن يمشي
مى : ما يمشي يا حبيبتى ، يروح قرد يجى مكانه غزال يا قلبي وهو لو عاوزك هيجيلك وهيقلب الدنيا علشان يوصلك
ودلوقتي نسمع مع بعض اغنيه تامر حسنى خلينا اخوات
" استوووب انا مى الابصيرى بطله الروايه عندى ٢٧ سنه و خريجه. هندسه بس كالعاده خرجت عن المألوف واشتغلت مذيعه فى الراديو و تعالوا شوفوا حكايتى"
ممتاز ف الميك بصراخ : اقفلى الميك و اخرجى برررررره
مى باللامبالاه : ابتدينا
* خارج الاوضه*
مى : اؤمر يا مستر ممتاز
ممتاز : انتى ايه حكايتك بقي معايا
مى : الاه وانا عملت ايه يا مستر اكسلانت اللاه
ممتاز : عملتى ايه ، تقولى للبنت يروح قرد ويجى غزال وتقولى عملت ايه ، وتف ايه و طابع بوسطه ايه الله يخربيتك هتوقفلى المحطه بسببك
مى بغرور : مستر اكسلانت
ممتاز بعصبيه : مسميش زفت اسمى ممتاز
مى بسخريه : ومالو ممتاز و نجمه وعشره من عشره كمان
ممتاز ويكاد يصاب بذبحه صدريه : هتشلينى ، هتشل بسببك
مى بصوت مسموع بسيط : مش بعيد عن ربنا
ممتاز : بتقولى ااايه
" اااه نسيت اقولك ده مستر ممتاز ، او مستر اكسلانت هو مفيش حد بيقوله كده غيرى😂😂 الراجل الكباره اللى عندنا فى المحطه من الاخر الراجل اللى بيقبضنا "
مى : مبقولش بقول أهدى بس كده و روق ، وبعدين الاسطوانه دى حضرتك ماسكها ليا كل شويه فى ايه ، ثم أكملت بغرور ، طب عينى ف عينك كده البرنامج بتاعى واخد اكبر ضجه ولا لا لو مش عاوزنى اسيبه و امشي
ممتاز : أنا لاخر مره هلفت نظرك يا مى ، خدى بالك من كلامك احنا ف اذاعه محترمه مش شارع هو
مى : متقلقش يا مستر اكسلانت وحط ف بطنك بطيخه صيفى
ممتاز وهو يمشي يضرب كف ع كف : مفيش فايده فيها
مى : مستر ممتاز ، يا مستر ، القبض طيب امتى ، يلا مشى هو أنا ناسيه ايه ثم لطمت ع وجها ياااااختى انا نسيت الميك مفتوح يااااالهوى
ثم اتجهت مسرعه الى الغرفه وحمدت الله أن المساعد لها قام بتشغيل اغنيه اخرى وكانت لمحمد حماقى
و رجعنا تانى ليكم و مستنيه كل ايميلتكم و مكالمتكم مع ميوشه للحكاوى النعنوشه ومعانا اتصال تليفونى تانى و نقول الوو
متصل : مساء الخير يا ميوشه
مى : مساء الانوار كلها ، نتعرف بيك
متصل : محمود
مى : منورنا يا حوده ، حابب تتكلم عن ايه
محمود : أنا خاطب ، والمفروض بحبها يعنى
مى باستغراب : المفروض !!
محمود : اه يعنى كنت مبهور بيها ، بس بعد كده لقت ان تفكيرها سطحى اووى وكل تفكيرها ف الموضه بس
مى : طب تمام ، هى خطيبتك دى قريبتك ولا زميتلك ولا ايه بالظبط
محمود : لا دى زميلتى فى الشغل بقالها ٥ سنين وبعد كده اختطبنا و بقالنا سنتين مخطوبين
مى برفعه حاجب : يعنى تعرفها بقالك ٧ سنين
محمود : المفروض
مى بنبره ساخره : هو ايه المفروض المفروض ، المفروض ده عند المكواجى يا حوده
محمود: افندم
مى : اسمعيني بس الاول كده ، واحده تعرفها بقالك خمس سنين معرفتيش طبعها ازاى و متقولش المفروض
محمود : عادى لقتها بنت حلوه و جميله ف خطبتها
مى : اهااا قوتلى ، مشكلتك يا حوده انك عامل زى العيل
محمود : نعم !!!
مى : خلينى بس أكمل ، انت عامل زى العيل اللى شبط ف لعبه شكلها حلو و لما زهق منها أو شاف لعبه تانيه احلى راح سابها ، انت ولا حبتها ولا حاجه ف بتدور على حجه تطلع بيها من الموضوع ده شكلك بس كويس مش اكتر ، ونسمع مع بعض اغنيه ابو الرجاله ل شيرين عبد الوهاب
ثم قامت بغلق الميكرون لحين انتهاء الاغنيه ، فقطع عليها تركيزها دخول وائل زمليها ضاحكا
وائل ضاحكا : يخربيت جنانك يا شيخه ، ده مستر ممتاز حالف ليخصملك يومين
مى بتبرير: اللاه طب اعمل ايه انت مش شايف المكالمات اللى بتجيلى تشل ازاى ، يعنى اسكت يعنى ، يرضيك يجرالى حاجه ، أنا لو مردتيش عليهم زى ما انا عاوزه هيحصلى حاجه
وائل : بس مش كده يا ميوش ، مستر ممتاز عنده حق
" ده بقى وائل اكتر من اخويا وده الوحيد اللى بيساعدنى هنا ، وخريج تجاره بس لبس هنا معانا فى الاذاعه وعنده ٣٠ سنه قدام هتعرفوه"
مى باللامبالاه : يا عم اسكت انت و مستر بتاعك ده
وائل وهو يخبطها ع رأسها : لمى لسانك ده شويه
مى ضاحكا وهى تفتح الميك : ده بعينك ، ورجعنا تانى ليكم و معانا تليفون و نقول الووو
متصله : مساء النور يا ميوشه
مى : مساء الخير ، نتشرف بيكى
نوال : معاكى نوال ، وكنت حابه أهدى اغنيه على ذوقك ل خطيبى علشان عيد ميلاده
مى بضحك : على ذوقى أنا ما بلاش يا نوال
نوال بضحك : لا أنا بثق في اختياراتك اووى
مى : أنا يا بنتى ، شكرا على ثقتك الغاليه دى ، طب تمام هو بيحب مين بقي
نوال : بيحب اصاله جداا
مى : يبقى نسمع كلنا اغنيه اكتر ل اصاله بقي
★★★★★★★★★★★★★★★★★★★★★★★★★★
فى ذلك الوقت فى مستشفى الابصيرى التخصصى
كان الدكتور يقوم ب إجراء جراحة لمريض خطيره استغرقت عدة ساعات و انتهت كالعاده بالنتيجه المطلوبه و انقاذ حياه ذلك المريض و بدايه حياه له جديده و من يكون سوى الطبيب العالمى دكتور صلاح الابصيرى و المالك لهذه المستشفى ، و عند انتهاء هذه العمليه قيامه ببث الطمأنينة ف قلوب أهل المريض اتجه إلى غرفته الخاصه لكى ينعم ببعض الراحه ولكن قطع راحته دخول ابنته عليه
صلاح: تعالى يا حبيبتى
حنين بابتسامه : مبروك يا دكتور ، عمليه تانيه خطيره تتضاف لرصيدك وخبرتك الكبيره
صلاح : اه يا لمضه انتى ، متعرفيش يا حنين أنا فرحتى بتبقي ازاى لما ربنا يكرمنى و اكون سبب ف شفاء مريض
حنين بنظره فخر ل والدها : انا فخوره والله يا بابا انى بنتك
صلاح و هو يقوم من مجلس و يقوم باحتضان ابنته: و انا فخور بيكى يا حبيبتى
حنين بضحك: فاتك انت بقى حلقه مى النهارده
صلاح ضاحكا : للاسف فاتننى ، بسبب العمليه ، بس خير عملت ايه المرة دى
حنين وهى تقوم بسحب الكرسى و تجلس أمام مكتب ابيها : لاااا ، ده انت تسمع التسجيل بنفسك أنا سجلت الحلقه و لازم تشوف بنت اخوك عملت ايه
صلاح بحزن : الله يرحمك يا كريم يا اخويا ، كان نفس دماغها كده لاسع زيها
حنين : الله يرحمه و يرحم طنط زينب و مامى
صلاح: امين ، يلا سمعينى بقى التسجيل لما اسمع عملت ايه
" دكتور صلاح او صلوحه زى ما بقوله ، ده دنيتى كلها عمى اللى ربانى واهتم بيا بعد وفاه بابا ، اما بقى العسوله دى ف دى حنين بنت عمى و اختى وصحبتى ونعتبر فى نفس السن بس مش الطباع 😂😂 وهى دكتوره زى صلوحه "
★★★★★★★★★★★★★★★★★★★★★★★★★★
كان يجلس ف مكتبه فى ذلك الوقت المتاخر من الليل ليراجع هذه الصفقه التى إصابته بالأرق منذ عده اسابيع
" بابا انت لسه صاحى لحد دلوقتى ليه "
انتبه إليه محمد و خلع نظارته الطبيه قائلا: اه يا حببيى مشغول بس شويه
شهاب و هو يجلس امام أبيه: الصفقه برضو يا بابا
محمد المحمدى بابتسامه : ابوك عمره ما خسر ف شغل يا شهاب ، أنا موصلتيش للى أنا فيه ده من فراغ يا بنى
شهاب وهو يطبط على كف والده : ربنا يديك الصحه يا حج
محمد المحمدى : بس قولى صحيح ايه اللى اخرك كل ده بره
شهاب : كنت بخلص شويه حاجات ورايا و كان أسر عاوزنى ف مشوار كده
محمد المحمدى برفعه حاجب : أسر ، يبقى فى اكيد مصيبه
شهاب ضاحكا : ولا مصيبه ولا حاجه ، انا برتب معاه بس شويه حاجات كده قبل ما الوفد الألمانى يجى
محمد المحمدى: طمنى بس عليك انت ، انت كويس يا بنى
شهاب مبتسما : متقلقش ، أنا هطلع انام بقي عاوز حاجه منى
محمد المحمدى بابتسامه : سلامتك ، تصبح ع خير
" نيجى بقي للسبب فى اللى. انا فيه المهندس شهاب ، مهندس عقبال لما تفرج"
- " اتلمى يا مى "
" طيب طيب ماتزقش ، ده المهندس شهاب ، عنده ٥٠ سنه"
- " خمسين سنه فى عينه" 😡
" طيب خلاص عنده ٣٣ سنه ، بس برضو السبب فى اللى احنا فيه "
★★★★★★★★★★★★★★★★★★★★★★★★★★
فى صباح يوم جديد فى غرفه مى الابصيرى
حنين : مى اصحى ياا مى ، يا بنتى بقي قومى
مى : يووووه بقى ع الازعاج اللى الواحد فيه
حنين و هى تضرب مى بالوساده : قومى بقي اصحى
مى و هى شعرها منكوش و غاضبه الوجه: اتزفت قومت اهو
حنين ضاحكا : شكلك مسخره اوووى بالكنيش ده
مى وهى تأخذ من حنين الوساده وقامت بضربها : كنيش ف عينك ، ده كريلى يا جاهله
حنين : طب ياختى قومى بقى علشان بابا مستنينا على الفطار
مى باندهاش : صلوحه لسه هنا ، غريبه دى ساب مراته ازاى ، دى المستشفى بقت ضرتنا
حنين : اه ياختى قاعد اجازه النهارده ، و كان بيسئل عليكى امبارح بس قولته انك جايه من الشغل تعبانه
مى باندهاش : طب بابا صلاح عاوزنى ليه
حنين : الله اعلم ، يلا ننزل و نشوفه.
وقاموا بالركض على الدرج كما كانوا يفعلوا فى أيام طفولتهم و ركضوا يقبلون صلاح وجنتيه
مى / حنين : صباح الخير يا بابا
صلاح بابتسامه : صباح النور على بناتى الحلوين
مى بجوع : يا عينى يا عينى ، ايه الفطار الملوكى ده
صلاح : بالف هنا يا حبيبتى
حنين وهى تقوم بسكب الشاى ل والدها : اتفضل يا بابا
صلاح : أنا فى المكتب لما تخلصى فطار يا مى ابقي حصلينى ثم تركهم واتجه إلى مكتبه
مى : انتى فاهمه حاجه
حنين وهى تقوم باستكمال فطارها : العلم عند الله يا اوختى والله ، سبينى اكل بقي
★★★★★★★★★★★★★★★★★★★★★★★★★★
كان يدخل شركته بكل وقار و كاريزما و الثقه فى عينيه التى لم تخلق ولا تليق الا به ، ومن يكون سوى شهاب المحمدى
اتجه مصوب خطواته إلى مكتبه ، فقامت سكرتيره مكتبه الخاصه بالتحيه له واتجهت خلفه
شهاب و هو يجلس ع مكتبه : شيرين جهزى ليا ورق صفقه المانيا ضرورى و ألغى اى مواعيد ليا النهارده
شيرين : حاضر يا فندم ، حضرتك تؤمر بحاجه التانيه
شهاب : القهوه بتاعتى ، ثم أكمل بنبره صارمه ، ولاخر مرة بلفت نظرك أن الشركة دى ليها يونيفورم معين ، اللبس اللى انتى لابساه ده لو لمحتك بيه تانى هنا ف الشركه هيكون اخر يوم ليكى فيها هنا ثم أكمل بنبره قويه مفهوووم
شيرين بخوف : مفهوووم مفهوووم ، ثم خرجت مسرعا إلى مكتبها ف خوف تنفذ ما طلبه رب عملها
" دى بقي الاخت شيرين وليها حكايه معانا هنشوفها بعدين"
★★★★★★★★★★★★★★★★★★★★★★★★★★
كانت تجلس أمام عمها و دموعها تجرى على و جنتيها نظير ما سمعته من عمها و ابوها الروحى لها ومن تبقي لها من عائلتها
صلاح : مى ، أرجوكى اللى قولته ده حنين متعرفش بيه
مى وهى تمسح دموعها : حاضر يا بابا
يتبع .......
أنت تقرأ
أنا مين ؟!
Humorهبدء معاكوا حكايه غريبه معتقدتيش انها ممكن تحصل لناس كتير يحصل ايه لو دخلت جوا بوق واحد 😂😂 اه والله زى ما بقول ليكم كده طبعا انتوا بتسئلوا أنا مين ، اهو ده نفس السؤال اللى أنا بسئله لنفسى من ساعه اللى حصل أنا مين ؟!! روايه أنا مين ؟!! Dêrôó كو...