و بعد مرور الوقت وانتهاء زياره ممتاز و فريق الاذاعه التى لم تكن سوى اقل من ساعه وصل اسر وبرفقته المحمدى الى غرفه شهاب
اسر : يعنى ايه الكلام ده صح
شهاب : انت مش بتفهم عربى ولا ثقافتك هندى يا عم المهراجا
اسر بسخط : انت هتجننى يا بنى ، ازاى صفقه زى كده تديها ل عمران ، عديت صفقه وخلاص علشان تضرب ضربه ل رياض لكن صفقه زى كده ازاى تضيعها من ايدك ، ما تقول حاجه يا عمى
المحمدى : اسر عنده حق يا شهاب ، دى صفقه بمبلغ ازاى تخلى عمران هو اللى يقوم بيها لوحده
شهاب بهدوء : ده كان اتفاق بينى و بين عمران ، اساسا مفيش صفقه من الاول
اسر : نعمممم يا خويا
المحمدى : اهدى كده لما افهم ،يعنى ايه مفيش صفقه، ده انت بسببها حصلك اللى حصل ده
شهاب :هو فعليا الصفقه كانت الاتفاق بينى و عمران اننا نوقع رياض ، واهو وقع ومحدش سمى عليه
اسر بجنان : انت مجنون صح ، انت حصل لمخك حاجه ، انت كنت هتموت فاهمنى كانت حياتك هتنتهى ،ايه حياتك لعبه كده ، ايه مش خايف على حياتك
شهاب : ومن امتى بخاف على عمرى
اسر : طب عرفت يا ناصح ، ان شيرين كانت متفقه مع رياض عليك
شهاب : شيرين
اسر : تخيل بقي ، بس لعبتها صح بنت اللذينه لما لقيت كفه رياض مالت جريت على عمران وهى السبب انو يجى
شهاب : عمران انا بلغته قبل الحادث باسبوع انو ينزل علشان صفقه مهم بس ملهاش علاقه بالصفقه دى
اسر : يعنى انت خليتنى الف حوالين نفسى الشهرين دول فى صفقه هوا صح
شهاب بضحك : بالظبط كده
اسر بغيظ : انت تعرف ان لولا الوضع اللى انت فيه كنت ضربتك
شهاب : مالوا وضعى ، ما انا كويس اهو
اسر بمكر : لا محلو شوتين تلاته كده ، قمر
شهاب : طب انا بقول تاخد اابويا بقى و تخرج بره
فى ذلك الوقت دخلت حنين عليهم
حنين : صباح الخير
اسر بسرحان : ده صباح الخير اوووى
شهاب : اتفضلى يا دكتوره
حنين : انا جيت بس اقول لحضرتك يا بمشهندس تجهز علشان دكتور فخرى مستنى الجلسه بتاعتك انت ومى
اسر وهو يمد يده لحنين : طب انا مفيش حد مستنينى
حنين : افندم
المحمدى : ماشي يا بنتى ،احنا ١٠ دقائق و هنجهز على طول
شهاب : انا والله مش عارف اخره الجلسات دى ايه ، وبعدين انا هخرج امتى
حنين بلطف : حضرتك كويس مفيش اى حاجه ، بس وجودك هنا دكتور فخرى هو اللى يحدده بناءا على الجلسات ، بعد اذنكم
اسر بتوهان : عليها حته دكتور فخرى تفصل الواحد من العالم الافتراضى بتاعه حاجه هم
شهاب برفعه حاجب : ولااا ، انت ايه حكايتك بالظبط
اسر : حكايه ، دى روايات يا بنى ، روح انت اجهز وانا اروح اشوف الروايه اللى مشيت دى
المحمدى : عوض عليا عوض الصابرين يااارب
شهاب بضحك : شكلك كده هتفرح ب اسر قريب
المحمدى : حد يكره ، بس انت الاول با حبيبى ، علشان اخلص منكم فى ساعه واحده
★★★★★★★★★★★★★★★★★★★★★★★★★★
فى ذلك الاثناء بعد خروجه من غرفه شهاب
اتجه لكى يتمشي فى الممر الخاص بالمستشفى
ف وجد ذلك الابله امجد يقف مع حنين ثار غضبه ان يكون حنين قد وافقت على طلب ذلك الابله ، ف اتجه مسرعا اليهم ليقطع حديثهم قائلا
اسر : دكتوره حنين ، شهاب جهز
حنين : طب تمام ، دقيقه و مى هتكون موجود
امجد : طب يا دكتوره حنين ، استاذن انا بقي
اسر : اه يااريت والله
امجد : افندم
اسر : اه علشان نلحق وكده ، انت عارف بقي جلسه و علاج ،اتكل ع الله انت يا حماده طريق السلامه
امجد بغيظ : بعد اذنكم
حنين : هو انا ممكن اسئل حضرتك سؤال يا بمشهندس
اسر بفرحه : سؤال واحد ، اسئلى عشره ، بس الاول انا اسمى اسر بس من غير القاب
حنين بتوتر واحراج : ايوا بس يعنى
اسر : ولا اصل ولا فصل يا حنون
حنين : حنون !
اسر : مش عجبك حنون ، خلاص قوللى اسوره يا ستى
حنين بضحك : لا والله
اسر : طب تسمحيلى اعزمك على اى حاجه و تقولى الاسئله اللى انتى كنتى عوزاها
كادت ان تعترض حنين ولكن اسر قال
اسر بهزار : انا اللى عازم ايه البخل ده ، ده احنا بقينا اهل يا حنون
حنين بابتسامه : طب خلاص ، موافقه
اسر : ايوا كده يلا بينا
★★★★★★★★★★★★★★★★★★★★★★★★★★
كان فى طريقه الى عمله فى الاذاعه
ولكن قطع تركيزه اتصاله هاتفى من والده رياض
مصطفى : خير
رياض : انت ازاى يا ولد تمشي من غير ما خلص كلامى معاك ، انت اتجننت و من امبارح بتصل عليك مش بترد
مصطفى : مفيش كلام بينا يا رياض باشا ، اعتبرنى مش موجود
رياض : انت شكلك كده عاوز تتربى من اول وجديد ، متجيش بقى تلومنى على اللى هعمله ، سلام
مصطفى : الو الووو ، ثم ضرب بغل على يديه و قام بتغير وجهته الى الفيلا حيث موقع والده
★★★★★★★★★★★★★★★★★★★★★★★★★★
عوده مره اخرى للمستشفى
فخرى : شهاب ممكن تفرد ايدك الاتنين و تغمض عينك
شهاب : ليه هنلعب يوغا ، ما اجبلك رجلى عند قفايا بالمره
مى : ملكش دعوه برجلى انا بقولك اهو
فخرى : انا زهقت منكم ، انا قولت وبقولك تانى لازم يكون فى زفت تعاون
مى : صح ، انت عندك حق ، لازم يكون فى تعاون صح يا بمشهندس
شهاب : يلا زى بعضه
فخرى : على فكره انتوا اللى محتاجينى ، انا وجودى هنا فى مصلحتكم انتوا الاتنين
شهاب لمى : انتى سمعتى الاسطوانه دى كام مره
مى : والله يا كابتن من ساعه ما شرف علينا بطلته البهيه
فخرى بهدوء : اهدى يا فخرى ، اهدى
مى : ايوااا ، اهدى يا فخرى سيكااا هاااا ، سيكاااا هااا ، سيكااا هاا ربيعه
شهاب : ربيعه ! ، ربيعه مين
مى : يا عمى ما دوقش ، تاكل لب
شهاب : انتى جبت اللب ده منين
مى : قلبته من عيله صغيره ماشيه فى الممر
شهاب : ما شاء الله ، ده انتى فعلا حراميه
مى : بقولك ايه ، هو مالوا فخرى زى ما يكون بيطلع دخان من ودانه كده ليه
شهاب : سيبك منه هو هيفرقع كمان شويه ، ثم القى نظره عليه واكمل ، او هيتشل ايهما اقرب
مى : انت كويس يا ابن مبتسم الضحاك
فخرى : قسم بالله لو ما اتهديتوا لهكون عامل مصيبه هنا ، ده ايه الجلسه اللى ما يعمل بيها الا ربنا دى
مى وهى ما زلت تاكل لب : لا حلو
شهاب على نفس وضع مى : لا لذوذ
★★★★★★★★★★★★★★★★★★★★★★★★★★
عوده مره اخرى الى اسر و حنين
حنين : و بس فضلنا انا و مى دايما مع بعض بعد وفاه عمى و مرات عمى
اسر بتاثير : مسكينه من صغرها و حياتها متشقلبه
حنين وهى تشرب من قهوتها : هى دايما واخده حياتها تحدى و هزار
اسر : بس غريبه دخلت هندسه ، واستغلت ف الاذاعه
حنين : هى دخلت هندسه علشان كان حلم عمى ، بس لما توفى ، بابا قالها تختار اللى هى عوزاها ، بس ساعتها كان الوقت فات وكانت فى اخر سنه و على العكس كانت متفوقة جداا
اسر : طب ليه مشتغلتيش فى مجالها
حنين : نفس السؤال اللى الكل سئله ليها ، واجابتها انا مش بحب الروتين
اسر : طب واشتغلت فى الاذاعه ازاى
حنين : لا هى كانت مهوسه ببرامج الراديو ، راحت و قدمت و اشتغلت تحت التدريب ، ثم اكملت بضحك وفى مره دخلت الاوضه بتاعت تسجيل الحلقات ، وعاشت حياتها و اليوم ده كان حكايه فى الاذاعه
اسربضحك : لا هى باين عليها مجنونه فعلا
حنين : لو سمعتك هتزعلك
اسر : لا و على ايه ، الطيب احسن ، بس انا كنت عاوز اسئلك سؤال كمان
حنين : اسئلتك كترت
اسر : اخر سؤال
حنين : اتفضل
اسر : هو انتى هتوافقى على امجد ،انا اسف طبعا انا سمعت غصب عنى
حنين : طب بتسئل ليه ، هو الموضوع مهم انك تعرف اجابته
اسر بجراءه : الصراحه اه ، مهم جدااا انك ترفضى
حنين باستغراب : افندم
اسر :ايوا متستغربيش ، انا عارف مصلحتك كويس و مع مين
حنين بضحك : ومع مين بقي ؟
اسر : فى الاخر هتعرفى
قطع حديثهم ، هروله الممرضه مسرعه
حنين : ف ايه يا عليا بتجرى كده ليه
عليا : الحقى يا دكتورة ، الانسه مى و الاستاذ شهاب
اسر بقلق : مالهم
عليا : دكتور فخرى بيجرى وراهم المستشفى كلها و حالف ليقتلهم النهارده
اسر وحنين وهما ينظروا لبعضهم : اااااايه
يتبع .....
أنت تقرأ
أنا مين ؟!
Humorهبدء معاكوا حكايه غريبه معتقدتيش انها ممكن تحصل لناس كتير يحصل ايه لو دخلت جوا بوق واحد 😂😂 اه والله زى ما بقول ليكم كده طبعا انتوا بتسئلوا أنا مين ، اهو ده نفس السؤال اللى أنا بسئله لنفسى من ساعه اللى حصل أنا مين ؟!! روايه أنا مين ؟!! Dêrôó كو...