أنا مين ؟!

٨- انا ايه اللى جبنى هنا

       

اسر بضيق : الووو

حنين : احم ، استاذ اسر معايا

اسر : ايوا مين

حنين : دكتور حنين مع حضرتك

اسر باستغراب : دكتور حنين مين

شهاب بفرحه : حنيين ، افتح الاسكبير

اسر باستغراب : ثوانى كده يا دكتور ، و قام بفتح الاسكبير ، كما قامت حنين بفتح الاسكبير ايضا

شهاب / مى بنفس الوقت : الووو

عمت الدهشه على الجميع ولكن خرجوا من دهشتهم سريعا بسبب فعل كلا من شهاب و مى

شهاب / مى بنفس الوقت: صوتى ، انا ، حرااامى / حراااميه

حنين بصوت عالى : باااااااااس ، ثم اكملت حديثها مع اسر وكان الهاتف فى وضع الاسبيكر، استاذ اسر هو حضرتك موجود هنا فى المستشفى

اسر : ايوا انا فى اوضه شهاب

شهاب : انا مش زفت شهاب 

مى : انا زفت يا زفته انتى

شهاب : انا شكلى هقضيها اغنيه انا ايه اللى جبنى هنا فى مكان مش فى مكانى ، عااااااااا يانى ياااااما

مى بعصبيه : يخربيت صداعك ، هو انا اللى عجبنى حالى يعنى ،  و قام بكسر كل شئ حوله مما جعل صلاح يحقنه بحقنه مهدأ

حنين :  طب استأذن حضرتك تيجى حالا اوضه مى ، هتلاقيها اول اوضه بعد الممر من اوضه شهاب

اسر :  تمام ، وتم انهاء المكالمه

المحمدى : فى ايه يا اسر ، وايه اللى بيحصل ده

اسر بدون فهم : خير ان شاء الله يا عمى بس غالبا فى مصيبه احنا فيها

★★★★★★★★★★★★★★★★★★★★★★★★★★


فى شقه ما كان يجلس و حوله كل ما حرمه الله

رياض : لو طلعت الاخبار اللى انتى قوتليها دى فشنك حياتك هتبقي الثمن

شيرين وهى تبتلع ريقها : والله يا بيه ده اللى اعرفه ، حد من المستشفى كلم اسر بيه و قالوا انو فاق بس وضعه مش مطمن علشان كده مش هو والمحمدى بسرعه

رياض : واخبار الصفقه ايه

شيرين : اللى عرفته ان كل حاجه جاهزة ومستنين شهاب يفوق علشان هو اللى المفروض ينفذ الصفقه دى

رياض وهو يشرب دخانه : بكرا تجبيلى السعر المتحدد ف ورق الصفقه دى
وبالنسبه بقي ل حال شهاب انا هعرف بنفسي ايه اللى حصل بالظبط

★★★★★★★★★★★★★★★★★★★★★★★★★★

فى المستشفى و تحديدا فى غرفه مى

دخل اسر غرفه مى ، وكان كلا من حنين و صلاح متواجدين فقط ، حيث

ذهب وائل و دلال لاستكمال اعمالهم

اسر : انا جيت اهو يا دكتور ،انا اسف على التاخير بس كان معايا مكالمه شغلى،  ممكن افهم فى ايه بقي

حنين : ولا يهمك حضرتك ، ثم اشارت الى مى النائمه بفعل المهدأ و اكملت حديثها ، اقدملك شهاب

اسر : نعععععم  ، شهاب مين ، شهاب هناك

صلاح : استاذ اسر ، الموضوع صعب الشرح و حاليا احنا محتاجين معالج نفسي ل مى و شهاب

اسر : انا مش فاهم حاجه ، هو الغيبوبه ممكن تكون أثرت يعنى

حنين : للاسف لحد دلوقتى مفيش مؤشرات تقول ان المخ اتضرر ، بالعكس المخ كويس جداا و المؤشرات الحيويه للجسم كويسه ، بس وارد يكون اللى بيحصل ده ليه علاقه باثر نفسي رواحنى انا الحقيقه معنديش معلومه مؤكده عن اللى بيحصل ده سببه ايه

اسر : يعنى ايه شهاب مخه اتبدل يعنى ولا ايه انا مش فاهم

صلاح : والله يا بنى ولا احنا كمان فاهمين ، بس اكيد مش صدفه الموضوع ده يعنى وقت العمليه كانت حاله شهاب صعبه و كان احتماليه يدخل غيبوبه وارده لكن مى كمان دخلت ف غيبوبه ، تاثير الحادثه فعلا كان صعب عليها لكن مش لدرجه انها تدخل غيبوبه

حنين : وبرضو لما القلب شهاب اتوقف ، قلب مى كمان حصل فيه كده مع ان حالتها كانت مستقره جداا

اسر بحيره : يعنى ايه ، يعنى شهاب بقي مى ، ومى بقيت شهاب ، يااانهار اسووح و الصفقه ، طب حياتهم ايه اللغبطه دى

حنين : لحد دلوقتى منعرفش الوضع ايه علشان كده محتاجين معالج نفسي و هو اللى يكرر الوضع هيمشي ازاى والحل هيكون ايه

اسر : دكتور صلاح ، ارجوك الموضوع ميطلعش بره ، هتبقي كارثه لو الخبر ده اتسرب

حنين : اكيد طبعا يا استاذ اسر ، دى برضو اختى واكيد ان الخبر هيسرب ده مش هيبقى فى مصلحتنا وعلشان انا عارفه ان الوضع صعب يتصدق حبيت ان حضرتك تيجى بنفسك و تشوف الوضع ، و دلوقتى لازم نشوف شهاب ولو الوضع طلع فعلا زى ما قولت لحضرتك و شهاب اتعرف عليا على اساس انو مى يبقى لازم نتحرك بسرعه و نشوف معالج كويس

اسر : طب تمام ، يلا بينا


فى غرفه شهاب

شهاب و هو يتحرك فى الغرفه ذهابا و إيابا و : ما انا مش مجنونه ، انا مى
انا مى ، انا لازم اشوف مرايه هنا

وبالفعل قامت بالبحث عن مراءه الى حين وجدتها ، و عم الصراخ انحاء الغرفه و بالوقت التى دخلت به حنين و صلاح و اسر

حنين وهى تقترب برفق من شهاب: اهدى انا هنا

شهاب ببكاء : حنيييين ، انا مى يا حنين

حنين : اهدى طيب ، كل حاجه هتبقي كويسه

شهاب : انتى برضو مش مصدقانى ، طب انت يا بابا

صلاح و هو يقترب من شهاب و يضمه : اهدى احنا هنحل كل حاجه

شهاب بعصبيه :  هتتحل ازااااى بشكل مش شكلى ، ولا جسم غير جسمى ، ولا صوت غير صوتى ، ولا عيله ولا ناس هتتصلح ازاى

كاد ان يتحدث اسر ، ولكن دخل المحمدى ووجد ان صلاح يضم شهاب

المحمدى باستغراب : هو فى ايه ، ثم اقترب من شهاب ، انت كويس يابنى

اسر: الموضوع كبير يا عمى ، بس اللى قدامك ده مش شهاب ، دى الانسه مى اللى عملت الحادثه مع شهاب

المحمدى بصدمه : ازاااى يا بنى

صلاح : ممكن حضرتك تيجى معايا المكتب ، وهشرح لحضرتك كل حاجه

وبعد ذهاب صلاح و المحمدى

شهاب : انا مش فاهمه حاجه، مين شهاب ده ، و ازاى انا بقيت مكانه

حنين بلين : هتفهمى كل حاجه ، بس ارتاحى دلوقتى و بكرا الصبح هنحل كل حاجه ان شاء الله

شهاب : انا دلوقتى مطمنه قدام انتى صدقتينى

اسر : انا عارف ان الوضع ده متلغبط حتى انا مش عارف اوجه الكلام ليكى بانى طريقه ، الحقيقه حاجه تخلى الدماغ تشط

شهاب : كلها محصله بعضها والله يا كابتن ، بس انا عاوزه اشوف كابتن شهاب ده ، علشان اطلع عليه البلااا الازرق كله

اسر: ده انا لسه بتعامل معاكى على اساس انك بنت رقيقه

شهاب : رقييييقه ، اه ما انت اكيد متعرفنيش


حنين بضحك : اقدملك يا استاذ اسر، مى الابصيرى ، صاحب برنامج ميوشه للحكاوى النعنوشه

علت الصدمه على اسر : قوتلى مين

شهاب بفخر : اكيد طبعا مش مصدق

اسر : الحقيقه انا مش عارف اقول ايه بس انا مش اشد معجبينك

شهاب بطريقتها المعتاده : حبيبى تسلم ان شاله يخليك

اسر بضحك : كده انا اتاكدت انك مى ، اصل يستحل شهاب يتكلم بالطريقه دى ،خصوصا انو واخد موقف من البرنامج بتاعك

شهاب بضيق : يه منشبهش ولا مش عاجبين الباشا

حنين : خلاص بقي يا مى

شهاب بملل  : طيب ، الوضع دلوقتى ايه ظروفه

حنين : المفروض هنروح بكرا لمعالج نفسي علشان يحدد معانا ايه الوضع ، وطبعا هنحتاج حضرتك يا استاذ اسر

اسر : بلاش استاذ دى ، انا مش بحب التدريس خلى البساط احمدى ، انا اقولك يا حنين و انتى تقولى يا بشمهندس

حنين بضحكه بسيطه : حضرتك بشمهندس

اسر : انا اسمى اسر. وبس ، و قدام احنا فى مركب واحده يبقى لازم نقرب المسافات علشان الامور تمشى ولا انتى رايك ايه يا ميوشه

شهاب بمكر بصوت منخفض ل اسر :  والنبى ااايه ،عليا الكلام ده

اسر : ما تمشي الدنيا معايا

شهاب بنفس الصوت : على ماما الكلام ده

حنين باستغراب :  هو فى ايه

شهاب : لا مفيش حاجه ، انا من رائى برضو نخلى الامور سلسه كده

فى غرفه صلاح

المحمدى : يعنى يا دكتور المعالج ده هو اللى هيحل اللى حصل ده

صلاح : الحقيقه انا مقدرش ، اقول هيحل علشان انا حاليا معنديش فكره السبب ايه ، بس اكيد المعالج النفسي هيكون ليه حل فى اللى حصل

المحمدى : يعنى قصد حضرتك اننا هنجرب

صلاح : للاسف مفيش حل تانى ، و اكيد زى ما انت خايف على ابنك، انا برضو خايف على بنتى ، و انت شوفت بنفسك الحاله اللى وصلوا ليها

المحمدى : وحضرتك ناوى تشوف المعالج ده امتى

صلاح: بكرا الصبح المعالج هيكون هنا فى المستشفى و هخليه يشوف الحالتين ، وهو اللى هيكرر طريقه لعلاجهم


يتبع .....