أنا مين ؟!

١٣ - سربرايز خطيبتى

عمران : وانا معنديش مانع بس نسئل العروسه الاول ، ايه رايك يا دلال

كادت دلال ان تتحدث ولكن قطعهم صوت جرس الباب

عمران : لا موخذه يا جماعه

احد الجيران : مساء الخير يا حج

عمران : حج، مساء النور ، خير

احد الجيران : معلش يعنى هى العربيه اللى ماركتها ..... السودا اللى تحت دى تبعكم

عمران باستغراب : عربيه

احد الجيران : اهااا يا بيه العربيه اللى تحت البيت ، اتكلبشت

فارس : فى حاجه يا استاذ عمران

عمران : اه الاستاذ بيقولى ان فى عربيه تحت ماركتها .... اتكلبشت

فارس بخضه : دى عربيتى و اتجه مسرعا الى اسفل العماره

نوال باحراج : لامؤخذه يا جماعه ، بس فرصه سعيده ويارب نسمع خبر سعيد باذن الله ، فانتظار ردكم  واتجهت الى اسفل العماره ايضا

وبالفعل اتجه ايضا عمران معهم حتى انتهت المشكله واعتزر فارس له عما حدث ، و طلبه منه ان ياخذ رد دلال بعد التفكير، وعاد مره اخرى عمران الى منزل اخته

سميه : ها يا اخويا ايه اللى حصل

عمران : مفيش حلينا الموضوع و فارس دفع الغرامه و اتحلت

كاد ان يتحدث ولكن العن جرس الباب عن وجود احدهم بالخارج وقام عمران بفتح الباب

" مساء الخير يا فندم "

عمران باستغراب : مين حضرتك

" طب تسمحلى طيب ادخل الاول "

عمران : ادينى دقيقه واحده ، وقام عمران باخبار اخته  بوجود شخص بالخارج

عمران : اتفضل يا بنى

" شكرا لحضرتك "

عمران : تشرب ايه يا استاذ

" قبل الشرب انا حابب اعرفك على نفسى انا وائل زميل دلال فى الشغل "

★★★★★★★★★★★★★★★★★★★★★★★★★★

فى منزل دكتور صلاح

صلاح : ها يا حنين قولتى ايه

حنين : فى ايه يا بابا بالظبط

صلاح : فى اللى قولته ليكى يا بنتى ، امجد طلب ايدك منى انتى رايك ايه

حنين: وانت رايك ايه يا بابا

صلاح : انا شايف انو شخص كويس ، وغير انو مجتهد فى شغله

حنين : بابا ممكن. ناجل كلام فى الموضوع ده ، انا مش قادره افكر فى اى حاجه دلوقتى خصوصا بسبب الظروف اللى احنا فيها دى

صلاح : ايوا يا بنتى ، طب ارد عليه اقوله ايه

حنين : قوله اى حاجه يا بابا

صلاح : طب انتى موافقه يا بنتى عليه

حنين : الصراحه يا بابا هو اه مجتهد و كويس و زوق ، بس انا مش حاسه بناحيته باى اعجاب حتى

صلاح : طب ع راحتك يا بنتى انا ع العموم هسيبك فرصه تفكرى ، وهقوله كده برضو، لو فيه نصيب خلاص لو لا مفيش مشكله

قامت حنين بحضن والدها : ربنا يخليكى ليا يا احلى صلوحه ، انا هروح انام بقي

صلاح : وانت من اهله يا حبيبتى

★★★★★★★★★★★★★★★★★★★★★★★★★★

يوم جديد و صباح جديد علينا و حلقه جديده معاكوا وللاسف زميلتنا دلال برضو مش موجوده معانا
هكذا كلمات بدء بها حديثه وائل

وبعد اخذ بعض المكالمات قام بالخروج بفاصل من الاغانى نظير مفاجاء دخول دلال عليه

وائل بمكر : اهلا خطيبتى

دلال بغيظ : انا مش زفت ، ممكن افهم ايه اللى انت عملته امبارح ده

وائل بضحك  : انا يا بنتى

فلاش بااك

وائل : انا وائل زميل دلال فى الشغل

عمران : اهلا وسهلا ، بس اؤمر برضو معرفتيش سبب الزياره دى ايه

وائل : الصراحه كده و من غير لف و دوران يا عم ، انا كنت مستنى حضرتك تيجى من السفر علشان افاتح معاك الموضوع ده ، بس اتفاجئت لما دلال قالت ان فى عريس متقدم ليها ، الصراحه مخى اتشل من التفكير

عمران بتركيز : وبعدين

وائل : انا بعتزر طبعا انى جيت من غير ميعاد ، بس انا راجل سكتى فى الدوغرى مليش فى تزين الكلام
وبدء وائل فى الحديث مع عمران عن ظروف حياته و طلب يد دلال من خالها رسميا

عمران : على العموم يابنى انا اتشرفت بيك ، بس هسأل عليك الاول و اخد رائ  دلال خصوصا انت عارف ان كان فى عريس قبلك هنا

وائل بضحك: ما تسييبك من العريس دع يا عمى ، اسمع منى بنت اختك مجنونه وانا اللى معايا علاجها

عمران بمكر :  وياترى عارف ايه كمان

وائل : وايه لزومه الاحراج ده

عمران بضحك : ع العموم اتشرفت بمعرفتك ، وان شاء الله هاخد رائ دلال و هرد عليك
شكره وائل و تبادلوا الارقام و ذهب

عمران : لذيذ الواد وائل ده

قامت سميه بالخروج تسئل اخوها : كان مين يا عمران

عمران بضحك : عريس ل دلال

سميه : ايه ده فارس رجع تانى

خرجت على هذه الكلمه دلال واتجهت لشرب بعض من المياه

عمران بمكر : لا مش فارس ده واحد اسمه وائل زميل دلال

فى ذلك الوقت وقفت المياه فى حنجره دلال من الصدمه واخذت تسعل كثيره
سميه بخضه : يا حبيبتى يا بنتى ، سلامتك يا ضنايا

عمران بمكر : ايه مالك يا دودو

دلال : هو هو حضرتك قولت مين

عمران : معلش يا سميه سبينى مع دلال شويه ، وروحى اعملينا لينا لقمه حلوه من ايدك

اتجهت دلال ل خالها : نعم يا خالو

عمران : مش احنا صحاب

قامت دلال بالايماء له بنعم

عمران : انتى ايه رايك فى وائل يا دلال

دلال : يعنى هو ، اصل

عمران : جمعى الكلام الاول وبعد كده اتكلمى ، مالك متوتره ليه ، لو مش موافقه عليه خلاص فيه فارس

دلال مسرعه : لاااا

عمران بمكر: يعنى موافقه

دلال بكسوف : اللى انت شايفه

عمران : لا والنبى ، دلوقتى اللى انت شايفه ، ماشي يا ختى هكلمه و ابقي اقوله يجيب أهله

باااااك

دلال : انت ازاى متقولش ، انك جاى ، انت ازاى اصلا مقولتيش انك كنت مستنى خالى

وائل بابتسامه : الاول نشوف الناس اللى بقالى ربع ساعه اعلان ده و مخليهم يسمعوا اغانى ، و نروح نفطر سوا مع بعض ماشي

دلال بابتسامه : حد قالك قبل كده انك مستفز يا وائل

وائل بنفس الاستفزاز: اه كتيررر ، بس اول مره انتى تقوليها وانتى فى حكم خطيبتى

★★★★★★★★★★★★★★★★★★★★★★★★★★

فى شركه المحمدى جروب

كان اسر يتابع بعض الاعمال ، قبل ذهابه الى المستشفى الى شهاب وكان المحمدى قد ذهب الى المستشفى لمتابعه جلسه فخرى مع شهاب

مرام : ممكن ادخل يا فندم

اسر : اه اتفضلى يا مرام

مرام : الورق ده محتاج امضه حضرتك

اسر : لا اركنى اى ورق دلوقتى لحد ما اجى ، علشان انا رايح لشهاب دلوقتى

مرام : الف سلامه عليه ربنا يشفيه ، هو وضعه ايه دلوقتى يا فندم

اسر : ادعيله يا مرام

مرام : ربنا يشفيه ، معلش يا فندم كان فى حاجه كده كنت عاوزه اكلم فيها حضرتك

اسر : مينفعش تتاجل

مرام : للاسف لا يا فندم

اسر : اتفضلى قولى طيب

مرام : شيرين يا فندم

اسر باستغراب : مالها

مرام : بقالها كام يوم بتسئل و تلح عن حاله شهاب بيه ، و عن حضرتك والمحمدى بيه مش بتيجوا ليه ، و كمان عن موضوع الصفقه اللى المفروض شهاب بيه يسافر ليها


اسر بتركيز : طب عادى يعنى يا مرام ، ممكن فضول منها مش اكتر ، بحكم انكم بنات و كده


مرام : لا يا فندم ، انا كل شويه بلاقيها بتتكلم ف التليفون ، ولما تشوفنى تعمل نفسها بتعمل اى حاجه وانا بعمل انى ماخدتيش بالى

اسر : وبعدين

مرام : مش عاوزه اظلمها يا فندم ، بس انا حاسه ان وراها كارثه

اسر : طب تمام يا مرام ، لو لقيتى اى حاجه عليها عرفينى ، ولو عرفتى هى بتكلم مين عرفينى ، انا ماشي دلوقتى سلام

يتبع ...