أنا مين ؟!

١٩ - كل الطرق تؤدى الى الجواز

   
  
فى مكتب دكتور صلاح

صلاح : انا بعتزر جدااا للى حصل يا دكتور فخرى ، و مش عارف اقول ايه بالظبط والله ، ومى بتعتزر من حضرتك ، مش كده يا مى

قامت مى بالايماءه بالرفض ولكن نظر اليها صلاح ف قامت الايماءه بالموافقه

فخرى: يادكتور صلاح ،انا معطل ابحاثى و اشغالى ، علشان حاله الانسه و المهندس ، لكن ده اسلوب غير حضارى خالص

المحمدى : وانا بالنيابه عن ابنى بعتزر ليك يا دكتور

شهاب: بابا

المحمدى : كتك بو يا اخى

اسر : خلاص يا جماعه حصل خير ، وبعدين دكتور فخرى راجل كباره واحنا زى عياله

فخرى وهو ينظر الى اسر بعدم رضا ثم اكمل حديثه : دلوقتى يادكتور صلاح مفيش حل غير اللى اتكلمت معاك فيه

مى/ شهاب :حل ايه ، ثم نظروا الى  بعضهم

صلاح : بصوا  يا ولاد ، الموضوع ده مهم جدااا ، علشان كده محتاج تركيز و متاخدوش قرار فيه مره واحده ، بس ده الحل الوحيد للحاله بتاعتكم

المحمدى: طب ساكت ليه ما تقول يا دكتور فخرى

فخرى : وجود مى و شهاب هنا فى المستشفى مبقاش ليه داعى ، لازم يتقلموا و يعيشوا حياتهم الطبيعيه بس بشرط يكونوا مع بعض خطوه بخطوه

اسر : خطوه بخطوه ! ، ازاى يعنى ،

فخرى : اقصد يعيشوا مع بعض

اسر بغباء : فى الحرام

المحمدى بعد ان ضرب اسر على مؤخره راسه : حرمت عليك عشيتك

اسر : ايدك يا عمى بقي

صلاح : دكتور فخرى لقى ان الحل فى الجواز ، يعنى شهاب و مى يتجوزا

شهاب/ مى : اهااااا ثم نظروا الى بعضهم فى صدمه ، وقالوا : ااااااايه

فخرى : على العموم ده حل سريع ، علشان يحل معانا المشكله بسهوله

حنين : طب وفى حل تانى

فخرى : فى اكيد ، انهم يعملوا حادثه تانيه ، وساعتها ل هخلص منهم و يرجعوا طبيعين واتمنى كده ، ل بقى لكل اجل كتاب

المحمدى: لا فال الله ولا فالك يموتوا ايه

اسر : هو فعليا فى كلتا الحالتين فيها موت يا جماعه ، انتوا مش شايفين فخرى عامل ازاى فى نفسه بسببهم

صلاح : على العموم فكروا فى الموضوع كويس ، وانا عن نفسي اى حاجه هتبقي فيها مصلحه ليكى يا بنتى موافق عليها

حنين : ثانيه واحده ازاى شهاب و مى هيروحوا اصلا

اسر وهو يضرب على جبهته : صح ازاى ، شهاب يعنى مى ، ومى يعنى شهاب ، يعنى مين اللى هيروح فين بقي

مى /شهاب : يعنى ايه

فخرى : الطبيعى ان الروح تبقي فى مكانها الصح

الجميع : يعنى ايه

فخرى : يعنى جسم شهاب هيروح بيت مى علشان روحها ساكنه جسمه
و بالتالى جسم مى هيروح بيت شهاب علشان روح شهاب ساكنه جسمها ، يعنى بالبلدى كده كل الطرق تؤدى الى الجواز


★★★★★★★★★★★★★★★★★★★★★★★★★★

فى فيلا رياض

مصطفى : تقصد ايه بالكلام اللى انت قولته ده

رياض: اظن انت عارف انا قد كلامى ، و قبل كده خليت السنيوره تبعد عنك ، المره دى هبعدها بس نهائى عن العالم واللى فيه

مصطفى : لو جيت جنبها هتكون روحك قصدها

رياض قام بصفع ابنه على وجه : انت بتكلم ابوك ، تحترم نفسك ، انت كلك على بعضك من خيرى ،  انت ولا حاجه من غيرى ، انا ممكن اطربق الدنيا فوق دماغك و دماغها ، انت فاهم

مصطفى و هو يتجه الى الخارج : انا بكرهك بكرهك

رياض : فى داهيه ، ثم قام بالاتصال على احد رجاله


رياض : ايوااا يا زفت ، مفيش اخبار عن بنت ..... دى

صابر : فص ملح و داب يا باشا ، حتى من ساعه ما شوفنها فى بيت عمران الشاذلى ، و اختفت يا باشا

رياض : علشان مشغل معايا شويه عيااال ، حته بت مش عارفين تجبوها ، الورق اللى معاها لو راح النيابه هنروح كلنا فى داهيه


صابر : امرك يا باشا

★★★★★★★★★★★★★★★★★★★★★★★★★★

مساء فى  الاذاعه

وائل : مساء الخير على مستماعينا الكراام ، و دى اول حلقه من برنامج زميلتنا المتالقه دايما مى ، انتوا طبعا عارفين ان حصل ليها ظروف وانها اتعرضت لحادثه

دلال : بس متقلقوش هى وضعها مستقر الحمد الله ، وقريب هترجع تنور لينا مكانها تانى ، و طبعا علشان احنا بيهمنا جمهورها الجميل قررنا نعمل حلقه خفيفه كده من البرنامج بتاعها نطمنكم عليها

وائل و ناخد مع بعضنا اول اغنيه معانا زى ما مى عودتنا ابقوا معانااا

وخلال الفاصل

سماح : ده ايه بقى ان شاء الله اللى بيحصل ده

دلال : فى ايه يا سماح ، مالك

سماح : انتى هتستعبطى ، انتوا اكلتوا البرنامج كلوا ، و مفيش فرصه اتكلم

وائل : حلو اوووى ، احنا بقا هنخليكى تتكلمى ، عيشى يا سماح

وبعد انتهاء الاغنيه

دلال : ورجعنا تانى ليكم ، و حابين نعرفكم بالفريق المؤقت لبرنامج ميوشه للحكاوى النعنوشه ، انا و وائل و سماح

سماح : مساء الخير ع الجميع و معانا اول اتصال ونقول الوو


متصله : الووو

سماح : اهلا بيكى نتعرف عليكى

اصاله : انا اصاله ، ممكن اكلم وائل

دلال برفعه حاجب

وائل : اهلا بيكى يا اصاله احنا كلنا معاكى اهو

اصاله : منور بيك يا وائل و بكل الفريق ، انت ودلال عاملين فريق جاامد اووى

دلال : ده من زوقك يا اصاله والله

سماح : وانا روحت فين يا اصاله


اصاله : ااه اكيد وانتى كمان ، هو انتى اسمك ااايه


وائل مسرعا : و نطلع باغنيه لحماقى بسرعاا


خلال الفاصل


سماح بغضب : انتوا متفقين معاهم صح ، ايه الاحراج اللى بيحصل ده

دلال : انتى بتستهبلى يا سماح ، هو فى حد يعرفك اصلا

وبقى الحال كما هو عليه ، فقد سحب البساط من تحت اقدام سماح بطريقه مؤسفه ، ف يا اعزائى من حفر حفره لاخيه وقع فيه

وبعد انتهاء الحلقه

اتجهوا الى استاذ ممتاز

ممتاز : ممكن اعرف ايه القرف اللى حصل ده

وائل : انا قولت من الاول ايه مش انا قولت بلاش ،  مفيش حد سمع كلامى

ممتاز : والاستاذه خريجه اعلام قسم اذاعه ، والبرنامج ده انا اللى همسكه ، انتى كنتى عاوزه تخربيه

سماح : يا مستر ممتاز الموضوع مش كده

ممتاز: بلا مستر بلا بتاع ، الحمد الله ان وائل و دلال كانوا معاكى ، الحلقه دى تتعدم نهائيا ، واى حد يفتح سيره البرنامج ده تانى برفده مفهوم

دلال و وائل بانتصار : مفهوم يا فندم

ممتاز : سمعتى يا استاذه

سماح : مفهوم يا فندم

★★★★★★★★★★★★★★★★★★★★★★★★★★

عوده مره اخرى الى المستشفى

كانت حنين تجهز بعض الاوراق الخاصه بحاله مى فى حين كانت مى فى غرفتها نائمه فى راحه بعدما  امر فخرى بانه لا داعى من تواجد مى و شهاب بالمستشفى حتى وان رفضا فكره الجواز ، ولكن بقي المشكله كيفيه تواجدهم مع بعضيهم

حنين : ادخل

امجد : دكتوره حنين ، حضرتك هتمشي دلوقتى

حنين : ايوا يا دكتور ، كنت بجهز بس حاجات مى ، فى حاجه

امجد : الحقيقه اه ، انا كنت عاوز اعرف رد حضرتك فى الموضوع اللى كنت اتكلمت فيه معاكى و مع دكتور صلاح

حنين: دكتور امجد ، هو حضرتك شايف ان ده وقت مناسب للكلام

امجد : انا اسف طبعا ، انا عارف مش وقته ، بس يعنى كان عندى امل

حنين :  دكتور امجد ، حضرتك شخصيه زوق و محترم و مثقف طبعا ، واى بنت تكون محظوظه بيك ، بس انا حقيقى اسفه طلبك مرفوض

امجد بكسره : طب ممكن اعرف السبب ، ولا فى حد تانى

قطع حديثهم دخول اسر بعد ان ترك ع الباب

اسر : دكتور حنين ممكن ادخل

حنين : اتفضل يا استاذ اسر

اسر : معلش لو هقطع حديثكم ، بس خلاص احنا ماشين

امجد : تعملك ايه يعنى

حنين : دكتور امجد بعد اذنك سيبنا لوحدنا

امجد : افندم

اسر : ما انت سمعت بقى يا حماده اتكل ع الله

خرج امجد بغضب

اسر : ده كان عاوز ايه ده

حنين : يهمك تعرف

اسر : اكيد

حنين : كنت برفض طلبه

اسر بفرحه : احلفى

حنين باستغراب : انا نفسي افهم اي كميه الفرحه اللى انت فيها دى علشان رفضت طلب امجد

اسر بغمزه : قوتلك فى الاخر هتعرفى ، انا هروح اشوف شهاب ، اصل ده فضله ثانيه و يولع فينا


يتبع .....