أنا مين ؟!

١٦ - ضربه فى مقتل

رياض : ااايه قولت مين

صابر : عمران الشاذلى يا باشا وبعدين شكل رجليها واخده ع المكان يا باشا
رياض :طب اقفل دلوقتى اقفل

اااه يا بنت ..... ، بتلعبى من ورايا

فى ذلك الوقت

شيرين : انا نفذت كل كلمه انت قوتلها يا باشا ، مجبتيش سيره عن معاد الصفقه او ان شهاب بيه غير الورق و خلى الصفقه باسمك

عمران : جدع يا شيرين ،انا مبسوط منك ، خدى الفلوس دى علشانك

شيرين : لا يا بيه انا مش عاوزه فلوس ،انا عاوزه الامان بس ، رياض لو مسكنى مش بعيد يقتلنى يا بيه

عمران : متقلقيش ، انتى كده عملتى اللى عليكى ، و كويس انك رجعتى عن كل اللى كنتى ناويه تعمليه

شيرين : كنت عاوزنى اعمل ايه ياباشا بعد ما سمعت رياض بيتفق مع اللى اسمه صابر ده ان  بمجرد ما اسلم ليهم ورق الصفقه يقتلنى ، العمر مش بعزقه يا عمران باشا ، وان كنت ف  الاول غلطانه ف مش هغلط تانى

عمران : المهم انتى اخدتى بالك ليكون حد مراقبك وانتى جايه

شيرين : اطمن يا باشا مفيش حد شافنى

عمران : مش مطمن برضو يا شيرين ، على العموم الشقه هنا بابها مصفح و الشبابيك كمان ، اوعى تفتحى لحد وهتلاقى هنا كل حاجه هتحتاجيها لحد ما نشوف حل فى الموضوع ده مفهوم

شيرين : مفهوم مفهوم يا باشا

★★★★★★★★★★★★★★★★★★★★★★★★★★

فى صباح جديد و تحديدا فى الاذاعه

سماح : حمدالله ع السلامه يا مصطفى ، ايه الغيبه الطويله دى

مصطفى : و انتى مالك يا سماح ، انتى على زمتى علشان تسئلينى

سماح : قريب يا حبيبى متقلقش

مصطفى : ما تبطلى تلزيق بقي

سماح : مش تقولى مبروك يا صاصا

مصطفى : ايه قررتى تحلى عن دماغى و تتجوزى

سماح بغيظ : لا قررت اخد اكتر حاجه بتحبها حبيبه القلب بتاعتك

مصطفى بدون فهم: قصدك ايه

سماح : انا اللى همسك برنامج مى بعد كده

مصطفى : نعممم،ده ايه الجنان ده ،مين اللى واقف ع الهبل ده

وائل وهو يرحب ب مصطفى : درش حمدالله ع السلامه ، ايه يا بنى الغيبه دى كلها

مصطفى : انا تمام ،حقيقى الخبر اللى بتقوله سماح دى

سماح بتوتر : عن اذنكم

وائل : خبر ايه

مصطفى : هى اللى هتقدم برنامج مى

وائل :اهاااا ، انت فكرك يعنى احنا هنسكت يعنى احنا شرطنا شرط ع ممتاز لو واقف انو يخليها مكان مى احنا كمان هنكون معاها فى البرنامج ده ، ويا احنا يا هى

مصطفى باستفهام : شرطنا ، واحنا ، انتوا مين بالظبط

وائل : اهااا ما انت مش هنا ،تعالى اعزمك على كوبايه شاى وانا هفهمك كل حاجه

★★★★★★★★★★★★★★★★★★★★★★★★★★

فى شركه المحمدى جروب  كان يطلق شحنه غضبه على الاوراق التى امامه بعد ان علم ان ذلك المعتوه الذى يسمى امجد قد طلب يد حنين وذادت شحنه غضبه بعد دخول مرام عليه و ابلاغه الاتى

مرام : اسر بيه ، حضرتك فاضى دقيقه

اسر: مش وقته ، مش وقته

مرام : معلش يا فندم ده بخصوص شيرين

اسر : بلا شيرين يلا زفت دلوقتى ، هببت ايه المره دى

مرام : لا هى سابت الشركه

اسر : نعمممم ، سابت ايه

مرام : سابت الشركه و سابت لحضرتك الورق ده و ال cd   ده كمان

اسر باستغراب : ورق و cd  ، طب روحى انتى دلوقتى

واخذ يقرا فى الورقه

" اسر بيه ،انا قررت اعترف لحضرتك بكل حاجه ، انا قررت اعترف بكل حاجه انا شغاله مع رياض الخولى ، و كنت بوصل ليه كل المعلومات بتاعت الشركه ، و ال cd   دى هتلاقى عليها كل بيانات الصفقه بتاعت شهاب بيه ، انا كنت احتفظت بنسخه عندى و لما حصل اللى حصل مستحها من الجهاز و النسخه دى بتقول ان الصفقه دى سلمها شهاب بيه ل عمران الشاذلى و فى اليوم اللى عرفت فيه الكلام ده و روحت ابلغ بيه رياض باشا ، سمعته بيتفق هو و واحد من رجالته ع قتلى ، فقررت انا العب عليه و امثل انى لسه معرفتيش مكان الورق فين واول لما لقيت مستر عمران الشاذلى رجع من السفر قررت اقوله ، وطلع ان شهاب بيه كان بعتله نسخه من العقد الموجود فى ال cd   وعلشان كده عمران الشاذلى رجع ، و لولا ان شهاب بيه قالوا ان مفيش حد يعرف و ان حياته فى خطر و خصوصا انو فى اليوم اللى نزل فيه جالوا خبر من رياض انو هو اللى دبر الحادثه ، انا حولت اعمل حاجه صح ، و سجلت ل رياض كل حاجه ، وحاليا انا فى خطر على حياتى ، بس انا عاوزه حضرتك تسامحينى و تخلى شهاب بيه يسامحنى "

اسر : ااااه يا ولاد ال .....

اسر : الووو  انت فين يا عمى

المحمدى : انا فى البيت مستنيك مش قوتلى ، هنروح سوا لشهاب

اسر : فيه مصيبه يا عمى

★★★★★★★★★★★★★★★★★★★★★★★★★★

عوده اخرى الى الاذاعه

مصطفى : يا ابن اللذينه ، يعنى انت اللى كنت السبب ان عربيه العريس تتكلبش

وائل : انت هتسيح ولا ايه

مصطفى : وبعدين يا فالح

وائل : مفيش قريت الفاتحه مع خالها ، و اول لما مى تخف وترجع بيتها ، هنلبس الدبل

مصطفى : وخالها عارف يعنى ، ايه اللى حصل مع مى

وائل : اه دلال فهمته ان فى زميله ليها عيانه وكده ، وهو الراجل اتفهم

مصطفى : طب والعريس عملت معاه ايه

وائل: مع نفسه بقى ، دلال رفضته طبعا ، انت عارف بقي القلب وما يريد ، ااايه سرحت فى ايه

مصطفى : هاا ، لا ولا حاجه

وائل : مصطفى انت لسه برضو موضوع مى ده معلق معاك

مصطفى : وائل قفل ع الموضوع ولو خلصت فطار تعالى نروح ل ممتاز نشوف حوار البرنامج بتاع مى ده

و بالفعل اتجهوا الى ممتاز

ممتاز : حمدالله ع السلامه يا بيه ، اسبوعين اجازه ليه ان شاء الله

مصطفى : مشاكل و كنت محتاج تغير جوا

ممتاز : تغير جو ، ماشى يا ناصح ، المهم انتوا جايين ليه

مصطفى : هو اللى قالته سماح ده مظبوط يا مستر ممتاز

ممتاز : كلام ايه بالظبط ، هى سماح بتبطل كلام اصلا

وائل : مصطفى قصده على موضوع برنامج مى

ممتاز : اااه ، طب مش احنا اتكلمنا فيه يا وائل ، واديتكم كلمه ،انا اه راجل كبير بس فاهم كل واحد جواه ايه ، و سماح عاوز تبوظ البرنامج ل مى وخلاص

مصطفى : ولما هو كده وافقت ليه

ممتاز : على ما اظن انك عارف ان القرار مش انا اللى باخده دى اداره ، لكن برضو انا حطيت شروط للموضوع ده ، واولهم دلال و وائل هيكونوا معاها فى البرنامج

و بالمناسبه صحيح ، انا قررت ازور مى بكرا لازم اقولها اللى هيحصل علشان تبقي عارفه

وائل مسرعا : لاااا خليك انت وانا هقولها

ممتاز : هو ايه حكايتك بالظبط ،انا كل ما اقول هروح تتطلعى زى عفريت العلبه كده ليه و تعترض

مصطفى : اصل هى دلوقتى تعبانه يعنى و مريضه

ممتاز: يا بنى دى بقالها اكتر من شهر فى المستشفى مينفعش كده ، لازم طبعا ازورها

وائل : اصل حضرتك

ممتاز : الموضوع منتهى ، يلا كل واحد ع شغله

مصطفى : حلو اووى اللى بيحصل ده ، ايه بقي المصيبه اللى احنا وقعنا فيها دى

وائل : انا عندى حلقه هدخل اخلصها مع دلال و اسبق انت و روح بلغ دكتوره حنين وهى تتصرف بقي

مصطفى : ربنا يستر


★★★★★★★★★★★★★★★★★★★★★★★★★★

بعد عده ساعات قليله

رياض بغضب : يعنى ايه اختفت ازاى

صابر: والله معرفش يا بيه ، احنا مراقبين البيت بقاله فتره كبيره و كل الفتره دى عمران بيه مجاش فيها الشقه ولا حتى شيرين

رياض : تقب و تغطس و تجبلى شيرين من تحت الارض مفهوم

صابر : مفهوم مفهوم يا باشا

الخادمه : رياض بيه فى ناس عاوزين حضرتك بره

رياض : مين اللى بره

" انا المقدم كمال على  , محتاجينك معانا فى كام كلمه كده "

يتبع ......