انتهينا لما كان أسر يريد سماعة حلقه مى ف الراديو
اسر : افتح بس الراديو كده
شهاب : افتحه اهو عندك
اسر وهو يقوم بتغير المحطات إلى أنا وجد مراده
شهاب برفعه حاجب : هو فى ايه
اسر : هش هش ، سبنى اسمع ، البرنامج لسه هيبدء اهو
شهاب بنبره مرتفعه : برنامج ايه ، انت بتستهبل كل الصرع ده علشان برنامج
اسر : أهدى بقى و ناقطنى بسكاتك ، ده حته برنامج قمر ، لا واللى يتقدمه بنوته قمر زيه
كاد أن يسب شهاب اسر بسبه نابيه ولكن أوقفه الصوت الذى خرج من المذياع
مى : مساء الخير على مستمعينا ، وحلقه جديده من برنامج ميوشه للحكاوى النعنوشه
شهاب بسخط : للحكاوى ايه يا خويا
اسر بضيق : هشششش ، اسكت بقي خلينا اركز
مى بنبره كوميديه : و اول مكالمه لينا و نقول الووو
المتحدث : مساء الخير يا ميوشه
مى : مساء النور نتعرف بيك
لؤى : معاكى لؤى من المعادى
مى بصوت مسموع : لؤى و من المعادى
لؤى باستغراب : فى حاجه
مى : اطلاقا والله 😂 ، قولى بقي حابب تتكلم ف ايه
فى ذلك الوقت كان يستمع كلا من شهاب و أسر
شهاب ساخرا : ايه يعنى المميز ف البرنامج ده ،علشان تعمل عليه كل ده
اسر بضيق : هششش هششش اسكت
لؤى : لا أنا مش حابب تتكلم فى حاجه معينه يا ميوش
مى : يبقى اكيد حابب تسمع اغنيه
لؤى : لا برضو
مى و قد بأن ع صوتها الاشتعال : امال جاى تحل فوازير ولا ايه يا اخ لؤى
لؤى : أنا حابب بس افضف معاكى
مى بحيره : ما أنا يا بنى سئلتك اهو ، و انت قولت لا
لؤى بحرج : لا يعنى اقصد شخصى
عما الصمت قليلا
لؤى : روحتى فين يا ميوش
قامت مى بفصل الخط ، وقالت
مى : و صديقنا لؤى بنتاسف ليه أن الخط قطع ، ولو سمعنا احب أقوله متتكلمش تانى احسلك و نسمع مع بعض اغنيه تليق بالموقف اللى احنا فيه ده اغنيه اخصامك اه اسيبك ميصحش للاخت الفاضله نانسي عجرم
فى ذلك الوقت قد وقع اسر فى هستريه ضحك
شهاب بضيق : انت بتتضحك على ايه يا بنى آدم انت ، ايه اللى عجبك اووى كده
اسر : البنت دى فظيعه ، بتضحكنى اوووى
شهاب : أنا مش شايف ايه المميزه فى البرنامج يعنى
اسر : لا بقولك ايه بقي أنا الحاجه اللى بتفضى يومى و تعبه البرنامج ده ، ف أهدى كده و كلها نص ساعه و يخلص اصلا
شهاب : يعنى انت عاوزنا نفضل هنا ع الكورنيش لحد ما البرنامج الزفت ده يخلص
اسر : بس بقي البرنامج رجع
مى : و رجعنا تانى ليكم بس هنشوف الرسائل اللى جت لينا ، و جت لينا رساله من صديقه البرنامج شروق ، و بتقول فيها " أنا بحب برنامجك اووى يا ميوش و متابعه دايما حلقاتك" ،ثم أكملت مى ضاحكا " وربنا يخليكى لينا يا "اللى جايبه حق البنات" ثم مى أكملت ضاحكا : مش للدرجه يعنى ياشروق متحسنينش انى ظالمه الشباب برضو
ثم أكملت مى : و فى رساله تانيه من احمد ماندو بيقول فيها "منوره يا ميوش" ، ده بنورك والله يا احمد
★★★★★★★★★★★★★★★★★★★★★★★★★★
كان يتابع الأوراق التى فى يده بغضب و كانت تنظر له هذه المغلوب على أمرها فى خوف و قلق
رياض بغضب : ايه اللى انتى جيباه ده ، هااا، ثم قام من مجلسه و أمسك بشعرها بقوه , انتى بتستعبطى عليا يا بت عيله زيك تضحك على رياض الباجورى
شيرين ببكاء : والله يا باشا ، هو ادانى الورق وقالى ده ورق الصفقه
اطاح رياض بيده على وجهها قائلا: يبقي شك فيكى يا بنت ..... ، انتى متعرفيش مين شهاب المحمدى
شيرين بخوف : شك فيا ، شك فيا ازاى بس يا باشا ، دى فيها موتى
رياض بنبره شيطانيه : هى فعلا فيها موت ، بس موته هو و على أيدى
ثم قام رياض بالاتصال بشخص ما ف التليفون قائلا : لازم شهاب المحمدى يموت و النهارده قبل بكرا
شخص ما : علما يا باشا احنا مرقبينه وكله ف السليم
★★★★★★★★★★★★★★★★★★★★★★★★★★
و بعد مرور بضع ساعات
كان دكتور صلاح انتهى من داومه اليومى و اتجه إلى غرفه ابنته لكى
يصطحابها
صلاح : مش يلا بينا يا حنين
حنين : اسبق انت يا بابا ، أنا ورديه النهارده
صلاح : طب لو احتاجتى حاجه كلمينى
حنين بابتسامه : متقلقش عليا يا دكتور
★★★★★★ ★★★★★★★★★★★★★★★★★★★
فى نفس ذلك الوقت ، كانت قد انتهت مى من دوامها ، و كادت أن تسترخى
قليلا ف مكتبها و لكن قطع استرخئها وصول لها رساله من تطبيق الواتس اب
"ولم يكن سوى زميلها مصطفى ، الذى يكن لها مشاعر غير صادقه من وجهه نظر مى ، ولكن ف الحقيقه السبب الأول ، هو سماح التى تكن ل مصطفى مشاعر ، وتعلم أنه لا يبدلها اى مشاعر ، فكان هذا سبب المشاحنه بينها و بين مى "
مى بضيق : مش هنخلص بقي ، ولكن قطعها هو اتصال مصطفى بيها
مى بضيق : خير
مصطفى : مى ، أنا آسف والله بسبب اللى عمتله سماح
مى باشتعال : بلا اسف بلا بتاع ، أنا لولا دلال و كريمه حاشونى عنها كنت عرفتها مقامها كويس ،و بعدين انت مالك اصلا باللى حصل حاشر نفسك ليه اصلا ، وبعدين انت مش اجازه اصلا النهارده ايه اللى جابك
مصطفى : ايه ماسوره و اتفتحت عليا ، أهدى شويه ، وبعدين كنت جاى اسلم و اقعد معاكوا شويه ،ثم أكمل بنبره حنونه ، اصل بحب الشغل واللى فيه اوووى ، و بعد كده لقيتكم ماسكين ف بعض بسببى
مى برفعه حاجب : ب ايه يا عنيا ، بسببك
مصطفى بغرور : يعنى يا مى انتى مش عارفه ، ما اكيد السبب فى المشاكل دى أنا يعنى ، أنا قمور و حليوه و ... كاد أن يكمله حديثه ولكن قطعته مى ساخره
مى ساخره : انت يا عم توم كروز و فالق شعرك ع جنب ، اتمسي على المسا ، انت فاكر نفسك محور الكون ، و بعدين يا مصطفى أنا يوم ما اخد واحد اخده فاضى ، مش حد باصص ليا فيه
كاد أن يكمل مصطفى حديثه ، و لكن صدمته مى بقفل الخط فى وجهه ثم
اتجهت إلى سيارتها حيث كانت تقودها بعصبيه مفرطه
وتذكرت ما حدث فى الساعات القليله الماضيه
فلاش باك
مى : و معانا اخر رساله من مجهول و بيقول فيها " انى البرنامج بتاعى تافه" طب بتحب تسمعه ليه 😂 ، نسمع بقي مع جمهورى اللى بيحب البرنامج اغنيه نانسي عجرم بينا نولع الجو و احب اشكركم جداا على تواصلكم معايا و الى اللقاء فى حلقه جديدا مع ميوشه للحكاوى النعنوشه باى باى
و بعد أن انتهت مى من الحلقه ، كانت أن تخرج خارج الغرفه و لكن قاطعها دخول دلال صديقتها المقربة
مى بابتسامه وهى تضمها اليها: يا ندله كل دى غيبه
دلال بابتسامه حنونه : مقدرتش اقعد اجازه اكتر من كتر ، وحشتونى
مى بمكر : والنبى ايه ، وحشناكى ، ولا واحشك حددى يا دلال
دلال بتوتر : يوووه بقى عليكى
قطع حديثهم دخول وائل الذى رحب ب دلال
وائل : ايه ده حمدالله ع السلامه يا ختى ، كل دى غيبه ، أنا قولت انك مش راجعه
دلال ضاحكا: عيب عليك ، و اسيبك ، اسيبكم يعنى ازاى
مى بهمس : امسكى نفسك يخربيتك ، ثم أكملت مى ، بقولك ايه يا وائل ما تاخد بقي دلال زى الشاطر كده و تقولها كل اللى فاتها خصوصا انكم انتوا الاتنين فى نفس البرنامج يعنى
وائل : مفيش مشكله ، لو انتى فاضيه يا دلال تعالى
دلال بابتسامه شكر ل مى : اكيد يلا
ثم تركها وائل و قبل أن تذهب إليه دلال اتجهت إلى مى تضمها بحب و سعاده قائله : شكر شكر
مى بمكر : عدى الجمايل يا ستى
وبعد ذهاب دلال ، قام بالدخول إلى مى و قطع خروجها ، دخول مصطفى
مى بضيق : مش هنخلص
مصطفى بابتسامه : ميوشه حبيبتى ، و حشتينى
مى بحده : التزم حدودك يا مصطفى معايا ، مفهوم
مصطفى : فى ايه بس يا مى ، انتى ليه مش مديانى فرصه
مى بسخرية : كان فيه و خلص
مصطفى : مى أنا بحبك
مى بسخرية : يا عينى هو عى تانى ولا ايه
مصطفى بضيق : بطلى البرود بتاعك ده
مى بابتسامه صفرا : لا و لو سمحت وسع بقي خلينى اعدى
كانت وصله اخبار الراديو تسمع كل هذا الحديث ومن يكن غيرها سوى كريمه التى انتقلت مسرعه الى سماح تخبرها ما حدث
كريمه : سماااااح ، ياا سماااح
سماح : اااايه
كريمه بلؤم : حبيب القلب واقف يغازل ف بتاعت الحكاوى
سماح بعصبيه : نعم ، قصدك ايه ، ثم اتجهت مسرعه الى مى و سمعت الاتى
مصطفى : يا مى انتى فاهمه غلط
سماح بسخريه : الله الله ، هو انتى ايه حكايتك بالظبط ، شويه وائل و شويه مستر ممتاز ، و دلوقتى معتز ايه حكايتك يا حبيبتى
مى بضيق ونظره حارقه : انتى ايه اللى بتقوليه ده
سماح : والله يا حبيبتى ، اللى ع رأسه بطحه بقي
مى بابتسامه شر : حلو اووى ، مش انتى قولتى اللى ع رأسه بطحه ، أنا بقي هبطحك يا سماح ، و قامت مى بضرب سماح ضربا مجرحا ، وانضم وائل و دلال لفض هذا الاشتباك بصعوبه
كانت تقود سيارتها بعصبيه مفرطه عند تذكرها ما حدث مما. أدت إلى عدم سيطرتها على السياره و انتهى بها المطاف فى هذا الحادث الأليم
★★★★★★★★★★★★★★★★★★★★★★★★★★
حاسب الطريق وسعوا بسرعوا
ممرضه : نادوا الدكتور بسرعه ، ف حالتين عاملوا حادثه ع الطريق
دكتور طوارئ : على اوضه العمليات فوراا ، و دخلوا الحاله التانيه للدكتوره حنين بسرعه ،
وبعد لحظات جاءت الدكتور حنين إلى غرفه العمليات و حين وقع نظرها على الحاله التى أمامها صدمت قائلا
حنين بصدمه : مى
يتبع....
أنت تقرأ
أنا مين ؟!
Umorismoهبدء معاكوا حكايه غريبه معتقدتيش انها ممكن تحصل لناس كتير يحصل ايه لو دخلت جوا بوق واحد 😂😂 اه والله زى ما بقول ليكم كده طبعا انتوا بتسئلوا أنا مين ، اهو ده نفس السؤال اللى أنا بسئله لنفسى من ساعه اللى حصل أنا مين ؟!! روايه أنا مين ؟!! Dêrôó كو...