أنا مين ؟!

١٤ - تحويل مؤقت

فى مستشفى صلاح الابصيرى

وتحديدا فى غرفه شهاب المحمدى

وبعد اكتر من ساعه يحاول فيها اسر و المحمدى اقناع فيها شهاب بضرور دخول المعالج النفسي اقتنع اخيرا

اسر : شهاب ، بالله عليك استحمل بس شويه ، هو اه شخص مستفز بس يارب يكون الشفا على ايديه

شهاب : انا مش طااايق نفسي ، ولا طايق شعر البت اللى انا متزفت فيها دى

اسر : ليه بس كده بس كده بس

شهاب و عينه احمرت من فرط العصبيه : ااااااااسر ، اسكت

المحمدى : بس يا زفت يا اسر انت ، وانت يا شهاب يا حبيبى اهدى كده ومالوا شعرها هو احنا هناسب شعرها يعنى ، هى اه جميله و طريقتها مجنونه بس حلوه و شقيقه كده  هو انت مش بتشوف نفسك فى المرايا ولا ايه دى يا بختك البت قمر

شهاااب : باااااباا ، وانا ولا بشوف نفسي ولا عاوز اشوف نفسي ، انا عاوز اخلص من القرف اللى انا فيه ، وبعدين هو الزفت اللى المفروض يعالجنى هيجى امتى

بعد قليل من الوقت دخل صلاح و بصحبته فخرى و ايضا امجد و حنين

اسر بغضب : هو انا مش قولت البنى ادم ده ميجيش هنا

امجد بغرور : ده شغل يا بشمهندس

اسر : وانا يا دكتور ممكن اخد شهاب من هنا ، و ورينى ساعتها هتعمل ايه

امجد : على ما اظن يا بشمهندس ، انك محتاج ان شهاب يكون هنا ، ولا ايه يا بطل

شهاب وقد فهمها انه يغازله بسبب شكل مى : جر ااايه يا ابن .... بطل ايه وزفت ايه ع دماغك اخرج بره

اسر بانتصار : شوفت بقي ، اهو المريض مش عاوزك

امجد باحراج : حضرتك فهمت غلط يا بشمهندس شهاب

شهاب : بررره ، سمعت ولا اقوم اسمعك بطريقتى

امجد باحراج : احم ، سمعت يا فندم ، بعد اذنكم

حنين : بشمهندس شهاب ،دكتور امجد مكنش قاصده اى حاجه وحشه

شهاب بملل : انا عاوز مقص

اسر باستغراب : ليه

شهاب بعد ان قام واخذ يبحث فى الادراج حتى عثر عليه

اسر بقلق : شهاب انت هتعمل ايه

قام شهاب تحت صدمه كل الموجودين واولهم حنين بقص شعره او دعنا نقول شعر مى الكيرلى المحبب لها ، وكل ذلك كان تحت انظار فخرى الذى كان يؤيد كل حركه وانفعال فى دفتر الملاحظات الخاص به

حنين بصدمه : انت اتجننت انت عملت ايه

المحمدى : يخرب بيت ابوك يا شهاب ايه اللى هببته ده

شهاب بملل : الشعر مضيقنى قصيته شويه

اسر بفم مفتوح : قصيته شويه ، ده انت بهدلتوا على الاخر

صلاح ل فخرى : انت بتعمل ااايه عندك ، ما تشوف اللى احنا فيه ده

فخرى ببرود : كله تحت السيطره يا دكتور صلاح

شهاب وهو يشاور على فخرى : هو ده اللى هيعالحنى

اسر : المفروض اه

شهاب : اطلعوا بره و سبونى معاه

الجميع بفم مفتوح : هااا

شهاب بعصبيه : قولت برررره

كاد ان يخرج فخرى ولكن امسكه شهاب من مؤخره راسه

شهاب : انت رايح فين

فخرى : مش انت قولت بره ،انت بتبصلى كده ليه

شهاب : قدامك معايا خمس دقايق تشوفلى فيهم حل والا هيبقى ليا تصرف تانى مفهوم

فخرى برعب : مفهوم ، مفهوم

واخذ يتناقش فخرى مع شهاب بعمليه و ذكاء على غير العادة  حيث من ناحيه اجتهاده فى الشغل فهو يستحق لقب اشهر معالج، وعلى غير العاده استمع شهاب بالحديث مع فخرى و استمر الحديث والمتابعه الى ان وصلت من خمس دقايق الى ساعه ومنع اى احد من الدخول عليه

فخرى بابتسامه : كده حلو اووى يا شهاب ، ودى بدايه كويسه

شهاب : يعنى فى امل

فخرى : الفكره يا شهاب ان جسمك روح مى اتقلمت عليه وده غلط لازم نعمل توتر  رواحنى ليها وللجسم على عكسك انت روحك رافضه الجسم وده يدينى دافع قوى للخطوه التانيه

شهاب بتركيز : واللى هى

فخرى : لازم يكون فى مواجه بينكم يا شهاب ، لازم روح مى تحس بالصدمه ان جسمها قدامها ، الفكره عامله زى ما يكون  بتبص فى المرايه فلو حسيت ان شكلك فيه حاجه بتجرى جرى على المرايا بتشوف ملامحك فيها ايه و طبعا الوضع ده بيبقى اكتر عن البنات علشان كده مى دايما بتعمل كده  لحد ما المخ استوعب دى دى روح خاصه بيها يعنى تقدر تقول روح مى سيطرت على جسمك

شهاب : يا حلاوة ، وبعدين بقي ده انا اعرف ان اللى بيطرد من بيته بيروح يشوق اوتيل يعقد فيه ، اللى اطرد من جسمه بقى يعمل ايه

فخرى : ليها حل  ان شاء الله ، دلوقتى لازم نعمل حركه استفزاز ل روح مى علشان لو الوضع بقي اسوء هنتعرض لمشكله تانيه

شهاب باستفهام : بمعنى

فخرى : ساعتها لو المقابله دى محصلش فيها النتيجه المطلوبه ، ساعتها جسم مى اللى انت فيه هيتعرض لانتكاسه و ساعتها هو اللى هيتحكم فى روحك و هتبقي فى جسم بنت بما تحمله الكلمه

شهاب : نعممممم ،  " ثم امسك فخرى من قميصه " قصدك ايه

فخرى : اهدى بس يا محترم ، وهفهمك

شهاب : محترم ! ، كمل كمل

فخرى : يعنى علميا جسم الاثنى بتمرر بمراحل يعنى ، انا اقصد يعنى  ، حاجات بتحصل مع البنات بالمعنى

شهاب بصدمه : انت قصدك يعنى

فخرى : بالظبط

شهاب بعصبية : نعممممممممم

فى نفس ذلك الوقت اتجه اسر الى الغرفه  وهحاول ان يفتح الغرفه ولكن كانت مغلقه بالمفتاح

اسر وهو يحاول فتح الباب: شهااااب ، افتح الباب ، بلاش جنااان

فخرى من داخل الغرفه :ااااالحقينى يااااا محتررررم

حنين بهلع : ااايه فى ايه

اسر : هو غالبا كده شهاب بيقتل فخرى جوا ، انا قولت برضو ان فى حاجه غلط ، ساعه بيتكلموا


★★★★★★★★★★★★★★★★★★★★★★★★★★

  فى فيلا رياض الخولي

رياض : انت لسه فاكر انك عندك بيت راجع ليه

مصطفى وهو يلقى مفاتيحه : وانت لسه فاكر انك عندك ابن تسئل عليه

رياض : اخبار زميلتك اللى ف المستشفى ايه

مصطفى باستفهام : زميلتى مين

رياض وهو يدخن من سيجارته : مش عارف زميلتك مين ، انت هتستعبط عليا يا ولد ، ولا ابن الوز عوام و ليك زمايل كتير

مصطفى بكره : انا عمرى ما هكون ولا اتمنى ابقي زيك ، حتى الهندسه انت دخلتينى فيها غصب عنى ، بس انا اخترت مجالى حاجه انا بحبها انا مش عاوز اكون واحد انانى زيك

رياض بسخريه : مش عاوز تبقي زى ، امال انت عايش معايا هنا ليه بقي

مصطفى : ومين قال ان مطول معاك هنا ، انا جاى اخد حاجتى و امشي من هنا

رياض : فاكرنى هقولك لو خرجت من هنا هحرمك من الميراث وانى همسك فيك ، المركب اللى تودى

مصطفى : يبقى احسن ، وكاد ان يتركه ويذهب ل اخذ اشيائه من غرفته

رياض : بس مقولتليش ، هى مى دى حلوه ع كده ، مش دى اللى كنت بتحوم حواليا و كنت عاوز تتجوزها

مصطفى بغل : ومين اللى كان السبب ، وضيعها من ايدى ، مش انت

رياض: بكرا تفهم ان كلامى كان صح و تركه وذهب الى مكتبه

مصطفى بغل : هترجعى ليا يا مى ، هترجعيلى يا حبيبتى

★★★★★★★★★★★★★★★★★★★★★★★★★★

وفى منتصف اليوم تقريبا وتحديدا فى محطه الاذاعه

فى مكتب استاذ ممتاز

سماح : انا عاوزه افهم انا هبدء فى البرنامج امتى

ممتاز : الموضوع هياخد وقت شويه ، وبعدين فى اجراءات هتم وبعض التعديلات

سماح : يعنى ايه الكلام

ممتاز : يعنى مش انتى لوحدك اللى هتقدمى البرنامج

سماااح : نعممم ، ده اللى هو ازاى ما مى كانت شايله البرنامج لوحدها ، ولا مى حاجه و سماح حاجه

ممتاز : الاداره قررت ان قدام برنامج مى يعتبر مسائى ، و مش هياثر على برامج زمايلاك اللى شغالين صباحى  ، ف هيبقى وائل و دلال معاكى فى البرنامج يا سماااح

سماح : نعممممم، ايه الهبل

ممتاز بانفعال وهو يضرب على طاولته : انتى اتجننتى انا مديرك هنا

سماح وهى تحاول ان تكسب القليل من الهدوء: انا اسفه يا استاذ ممتاز بس كده ظلم ليا

ممتاز : انا هنا مش باخد القرار لوحدى ، دى اداره وهنا المصلحه الاولى للشغل ، برنامج مى معروف وكل الناس بتحبه ،ومعلش يعنى انتى البرنامج بتاعه ع قده وانتى اللى طلبتى انك تتنقلى لقسم الاداره ، و وجود وائل ودلال مهم علشان البرنامج ميضيعش

سماح : يعنى انا اللى هضيع البرنامج يا استاز ممتاز

ممتاز : ده اللى عندى ، و غير كده حتى لو انتى اللى قدمتى البرنامج لوحدك كان هيبقى فى معايير مهم و حدود مش هتقدرى تتخطيها ، واهمها اسم البرنامج اللى طلبتى انك تغيريه

سماح بتوتر: انااا مكنتيش اقصد

ممتاز : ع العموم تقدرى تروحى مكتبك دلوقتى لحد ما نشوف هنعمل ايه ، وجايز مى ترجع ف. اى وقت

يتبع .....