بسم الله
اللهم صل وسلم على نبينا محمد صلاة تنحل بها العقد وتنفك بها الكرب وتقضى بها الحوائج
اللهم صل وسلم عليك يا حبيبي يا رسول الله
بعتذر عن التأخير كنت بره البيت ولسه راجعة
متنسونيش ف دعواتكن ربنا يكمل حملي عل خير ويهون الباقي ويقر عيني بجنيني سليم معافى
الفصل 42
-حمزة : ما عمر معايا أنا مش لوحدي
-نسمة : وهو عمر دكتور ؟!! مش هيعرف يتصرف وإن كان على ماما هقولها أن في واحدة صاحبتي ابنها تعبان وكانت قالتلي أروح اشوفه بس أنا نسيت وأنك هتاخدني توصلني ف طريقك
-حمزة محاولا الاعتراض : بس يا نسمة أ ....
-نسمة مقاطعة اياه : حمززة مفيش بس خلاص أنا قولت هاجي معاك يعني هاجي معاك كفاية أوي اصرارك أنك تروح وتسيب المستشفى وأنتا بالحالة ديه
وفي تلك اللحظة أتاهما صوت كريمة تخبرهم بأن الغداء جاهز وتطلب منهما أن يجلسا على المائدة بانتظار الطعام
تحركت نسمة وقالت لكريمة بمزاح :
-معلش بقا يا كركر شكلي مش مكتوبلي آكل من صنية المكرونة ديه سخنه بس بقولكوا أيه تسيبولي نصيبي أوعي حد من الاتنين دول ياكل نصيبي هزعل وأجيب ناس تزعل
-كريمة بتساؤل : ليه مش هتاكلي؟؟ مش جعانةولا أيه ؟؟
-نسمة بتبرير: جعانة بس بصراحة مش أوي لكن افتكرت أن واحدة دكتورة زميلتي ابنها تعب وكلمتني الصبح وقولتلها هعدي عليها بعد الشفت لكن روحت ونسيت ومفتكرتش إلا لما كلمتني دلوقتي قولتلها أنا جاية في الطريق أهوه وهستغل الفرصة أن حمزة باشا ناازل ف هيوصلني ف طريقه
-نظرت ندى لشقيقتها مستفهمة فلكزتها شقيقتها برفق وهمست لها : هروح معاه عشان اتطمن على الجرح وهبقا اكلمك أطمنك
-حلا بدهشة : موززة نااازل تاني رايح فين مهو لسه جاي ؟
-كريمة : صحيح يا حمزة رايح فين تاني ؟؟
-هنا تحدث حمزة بدلا من نسمة قائلا بثبات : هروح فين يعني الشغل أكيد هو أنا ورايا غيره ولا هما وراهم غيري اتصلوا بيا وقالولي لازم أروح حالا تقريبا مفيش حد فالادارة غير حمزة بااااشا مصر ههههه
-حلا باستفهام : صحيح يا مووزة هو انتا اترقيت ف نفس مكانك ولا هتروح مكان تاني ؟؟
-حمزة : لسة معرفش يا حلوتي القرار أتمضي بس متبلغتش رسمي بيه اللوا راشد هو اللي قالي
-حلا : مش عارفة أزااي الراجل السكره ده يبقا أبو بريهان خاانوم شتااان بجد
-حمزة بمرح محاولا نسيان ألمه : شتاااان !! والله كبرتي يا أوزعة وبقيتي بتقولي شتااان ممكن بعد كده تقولي حيث أن أو ربما
-حلا بمرحها المعتاد: ماشي يا أبيه اتريق عليا اتريق أنا اللي بكره هبقاااا وتشوفوا أسمي تبكوا وتقولوا كان قريبنا تتباهوا بيه وتحكواا
ثم بدأت بتحريك يدها بعشوائية بحركة أشبه بحركات الرقص التي يقوم بها الشباب في الأفراح فوقفت أمامها نسمة تقلدها بمرح
-حمزة غير مصدقا ما يرى وهو يضرب كفا بكف : لا حول ولا قوة إلا بالله ناقصكوا مطوتين وأزازة بيرة في الايد التانية ويبقا كده فرح شعبي واتنين شبيحة بيرقصوا أعووذ بالله يلاااا يا ست نسمة عشان متأخر ولا بقولك ايه مع نفسك أنتي اقعدي اتغدي وبعدين أنزلي
-نسمة وهي تسبقه ناحية الباب : لأ لأ حد يلاقي توصيلة مجانية ويسيبها!! المكرونة هتستناني لكن التوصيلة هي اللي مش هتستنا
-حمزة وهو يتحرك خلفها بخطوات بطيئة نسبياً: مصلحجية أووي البت أختك ديه يا ندى يلا سلااام يا جماعة ثم توجه ببصره لوالدته مستطردا : ماما هبقا أكلمك لما أعرف بس غالبا هروح على الشقة هناااك محتاج ارتااح أووي
-كريمة بحنو: مااشي يا حبيبي بس أهم حاجة متنساش تطمني عليك لما تروح
-حمزة : حاضر عنيا يا ست الكل سلااام يا حلوتي سلااام يا ليلو
-ندى بقلق : سلام يا حمزة ابقى كلمني
-حمزة : حااضر عنيا
أنت تقرأ
أهداني حيااااه ❤❤
Romanceحينما تظن انها النهايه ف تجد طاقه نور تفتح من حيث لا تحتسب ف تحول حياتك البائسة لآخري مليئه بالحب ..المرح ..السعاده وتعلم ان ربك لم يكن لينساك فقط كان يبتليك ليكافئك هي ..تخضع لابتزاز من احدهم ف تفكر في انهاء حياتها حتي لا تؤذي احبائها لكن تأتيها ا...
