نعم_احـبها
محمد قووم شوف اخوك دا امبارح رجع بعد نص الليل و اسي ليهو ست ساعات نايم الود دا يوم ح يجنني
دا النقاش اليومي مع امي بس انا عمري ما فكرت اسمعها و ما فكرت اقول ليها بتقول شنوو
توضيح
انا اسمي فارس الولد الوسطاني وسط تلاتة شباب محمد و عمر و ايمن و بت وحدة اصغرنا اسمها وفاء كنت اكتر واحد طاايش رغم اني كملت 28 سنه و قريت هندسه معمار حلمي من و انا صغير عاجباني فكرة الخوذة الفي راس و الرسم و توجيه العمال بس اول ما اتخرجت رميت شهادتي.
و تصرفاتي تصرفات مراهقين لسه ... حتى ايمن الاصغر مني ما بتصرف كدا... و فوق دا كنت شايف روحي و يا دنيا مافيك الا انا و ما عندي شي لبنات حواء و ما بهمني شي و لا حتى اهلي 💔
نرجع لامي و كلامها
محمد دا اخوي الكبير عمرو 33 سنة خااطب و عرسو قررب.... جاءني في غرفتي و لقاني بس نايم بالبنطلون و الغرفه جاايطه و ريحة السجائر ما تديك الدرب شاال كبايه مويه بارده و زي ما هي كباها في وشي صحيت مخلوع و سمعتو كلام فارغ كتييير و طبعا هو سااكت و بعاين لي و كالعاده اداني محاضره و قال لي انت ناوي تعقل متين امي تعبت من السهر و هي بتنتظرك و حضرتك من جبنة للتانيه ياااخ ابووي بقى وقتو كلو في الشغل عشان ما يلاقيك و ضغطو يرتفع اتخرجت ليك اربعه سنة و شهادتك زي ما هي رميتها عايز تصل لشنو يعني اتقي الله يا فارس اتقي الله في امك و ابوك ديل الله بسالك منهم .... عاينت ليهو من فوق و تحت و قمت مشيت الحمام .. سمعتو اخد تنهييييده كبيييرة كدا و قال استغفر الله
استحميت و لبست و اتعطرت و نزلت تحت لقيت امي جايطه مع تحضيرات عرس محمد جيت بوستها في راسها و قلت ليها كيف اصبحتي يا ستناا قالت لي انت بتخليني انوم عشان اصبح ؟؟؟ ياا فاارس يااا ولدي اعقل و ارجع لوعيك البتعمل فيهو دا ما بفيدك بس بضرك يا ولدي مسكت يدها و بوستهاا قلت ليها انتي بس كتري الدعوات قالت لي الله يهديك و طلعت ... ما فاتتني رشاقه بنات اهلناا لمن كنت بتكلم مع امي بس ما هببت ليهم غير السلام
.... "MAL"
قعدت في الصالون مع عمر و ايمن و بقينا نتناقش في امور مختلفه .... الصباحية كنت غصبا عني بكون قاعد في البيت لانه اصحابي بكون في شغلهم ... رغم انه اصحابي ناجحين في حياتهم بس ابدا ما كنت بغير او اقول اطور من نفسي و ابقى زيهم... فيهم الشغال و فيهم العمل الماستر و فيهم الـ اتزوج و كون اسرتو بس انا ههه و لا وحدة من الحاجات دي ما كنت بفكر فيها مجرد تفكير ،،، كنت عايش بدون اي طموح و بدون اي هدف ما عارف نفسي عايش و بعمل فيشنو اساسا ... و اهلي ما بقول انهم السبب بس هم لاسي بصرفو علي لاسي بلبوا لي اي طلب و اي شي اتمناهو بلقاهو قدامي ما بقولوا لي جيبوا بنفسك او ماف ليك او اتعب و اجتهد لالا كان كل شي متاح و دا ممكن اقول عليهو واحد من الأسباب الــخلتني اصل لمرحلة اللامبالاة الــ أنا فيها هسي دي
