بدت داليا تحكي لي :
Flash back
على لسان داليا
ايمن قال لي ماف داع اقعدي اصلا انا عايزك في كلمتين و بعديها سكت ما نطق بحرف و انا اصلا كنت زي ال مغمى عليّ بعد دقيقتين يمكن رجع اتكلم و كان بعاين لي في عيوني شديد لدرجة دنقرت طوالي قال لي شوفي يا داليا نحن بنعرف بعض لينا خمسة سنة يمكن ما تكوني لاحظتي لي هههه تلاحظي كيف و انا نفسي ما كنت ملاحظ لروحي االا قبل شهور بسيطة... اااااااه دالياا !!! ممكن ترفعي راسك رفعت راسي برراحة و بقيت بعاين ليهو قال لي انا بحبك
هنا انا سكت و نططت عيوني اول مرة زول يقول لي كده ما رديت عليهو و بقيت العب باصابعي
هو واصل و الله بحبك و مستعد ادق بابك الليله دي بس عايز اكون نفسي.. صح اهلي مستطعين بس انا عايز ابني نفسي برااي ... فضل لي شهرين و اخلص عقد العمل الهنا و ح اسافر طوالي فلو انتي وافقتي قبل اسافر ح اعمل خطبة و انا ما عايز امور المربطين حقت نطلع و نلف و اهلنا ما جايبين خبر البينا،،،، دي امور ما بتشبهني و لا انا برضاها للزولة البحبها.... و اطمني مهما كان ردك و قرارك ح احترمو و ما ليهو علاقة بوفاء ؛؛؛ علاقتكم مع بعض ح تفضل زي ما هي ♥️♥️ بعد داك اخد نفس و قال لي ح امش اشوف طلبي و بعد تلاتة يوم ح انتظرك هنا في نفس المطعم دا بعد دوامك زي الساعة اربعة عصرا ❤️
Back
اذا كانت داليا مصدومة مرة انا مرام مصدومة عشرة مرات
_ قلت ليها داليا اقرصيني ما قادرة اصدق يعني الكلام دا ما حق افلام بس؟!؟ في سوداني بقول كلام زي دا؟؟ ما قاادرة ماا قاادرة اصدق!؟!
=قالت لي هسي كدي خليني من عدم تصديقك دا.... انا ح ارد ليهو بشنو؟؟!
ما لاقية رد؟!؟
_قلت ليها بخبث مالك خجلانة يعني؟؟؟
= قالت لي اي خجلانة بس ما الخجل الفي راسك دا ... خجلانة من اني ح احرجو و هو اخو صحبتي!!!
داليا دي جتت و لا جنت!!!! زول جاك عديل بالباب و ترفضي؟؟؟
صرخت فيها بانفعال : عاااايزة ترفضيهوو؟؟!!
قالت لي ما بحبو انا ياخ اي صح هو قال علاقتي مع وفاء م ح تتأثر بس مستحيل .. اكييد ح تكون في حساسية بينا
_ قلت ليها خليني من علاقتك بوفاء انتي رافضاهو عشان شنو؟؟!! اعفيني من ما بحبو دي لانه عذر ابيخ من الذنب زي ما بقولوا ...! الشاب اسم الله عليهو مدير اعمال في بداية طريقو و هميم و وجيه مكمل الوجاهة و اكبر منك بسنتين او تلاتة يعني من جيلك و نفس جوك ح يفهمك و فوق دا جاااادي شااااريك و جاييك بالباب عدييييل زي دا الوحدة بتتمناهو مُنى هبلة انتي و لا شنو.؟!
