ثُم يأتيك شخص تتعافى من ندوبك به
وجوده معك يجعل الطمأنينة تسكُن في أعماق قلبك
شخص ينتشلُك من عُمق المُحيط
ويرميك على حافة الشاطئ
شخص مُرسل إليك من اللّه♥️ .
___________________
من جهة عمر و نور :
قاطعهم صوت و هو بقول مالك يا نور زعلتي لي ولدي ده !!!
الاتنين عاينوا للصوت و ما كان محتاج منهم تخمين ،، ده صوت د. مريم
عمر عاين ليها بغييظ و قال نهايي ما وقتك يا مريم.
عاينت ليهو بغيظ متبادل و قالت ليهو : حرام عليك العملتو انت في بتنا نور دي ،، ياخ اربعة و عشرين ساعة بسيرتك ،، ذنبي شنو انا بيك.،، عندي طفل انا !!
ابتسسامة كبييييرة ظهرت على وشه ،،، عاين لنور و الحمرة كانت اعتلت وجنتيها ،،، جفنها برجف ،،،اتوترت و رفضت تعاين ليهم ،، و بسررعة دخلت المكتب الداخلي.
هو رجع عاين لمريم و ما قادر يمسك فرحته ،، مريم تابعت بضيق يا عمر انت مش باقي عليها و هي باقية عليك عرسوا و خلونا نفرح شوية!!
قال ليها حتفرحوا يا مريم صدقيني حتفرحو قرييب ،
مسك عصايته و قام على حيلو متجه للمكتب و دخل طوالي نور اول ما شافتو رجعت ارتبكت ، ،قال ليها انا ما عارف سبب تصرفاتك دي شنو ؟! بس البعرفو اني باقي عليك و كل العايزو يلمنا بيت واحد.
ما انتظر منها رد و لوحت ابتسامة نصر على شفاه ،،، رجع لكرسيه و ضرب لسيف عشان يجيهو و يرجعو البيت.
..................
من ناحية تانية :
_يا يوسف ما خلاص!! الود مشى للموت و رجع منه و لسه بفكر فيها .. حتفتكر ممكن يخليها عشان كلمة منك و مني!!! هي اول زول سأل منها لمن صحا؟!
يوسف =................
_انا ما عارفه انت موقفك شنو ،، بس انا بعد الحادث الحصل ده ما مستعدة انهي سعادة ولدي عشان كلام ناس لا بأخر لا بزيد ،، انا قربت افقدو و ماف وجع اكبر من كده
اخد نفس و هو بفكر ،، عرف نفسه ظالم و جلاد ،، بعاقب البت و اهلها على غلطة ما ليهم اي ذنب فيها ،، و الاكعب من كده بمنع السعادة تدخل قلب ولده ،،
قام على حيلو و قال ليها : لو عمر برجلو دي بقدر يحدد موعد نمشي نخطبها انا ما عندي مشكلة !!!
اتحررك و خلا ابتسامة واسعة على شفتيها و بتردد الحمدلله الحمدلله يارب ،،،
و اول ما دخل عمر البيت و معاهو سيف امه جرت ليهو و زغرطت ، ،سيف قال ليها يا خالتي لو عايزة تقولي مرت فارس ولدت بصدق.!
