___________
لِنعلن الحَرب بيننا ، أنتِ نحوي وأنا نَحوكِ ؛
الحُدود هي نظراتُك ، و القواعد هِي قلبي ..🖤
____________________________
عند مرام و داليا :
دخلنا بيت داليا و لقينا معاهم عماتها !!! سلموا و باركوا كمان !!
متين الموضوع اتنشر كده !!؟ تعابير وش داليا واضحة و ظاهر رفضها في عيونها.!!
بس هم متجاهلين و لا كأنه في شي !!!
هم ما مشكلة ... بس امها !! امها وينها من الرأي ده !!!
طلعت داليا لغرفتهااا بسررعة !! و لحقتهااا .. قعدت في طرف السرير لا حول و لا قوة ليها ...
اول مرة اشوف داليا كده .. داليا طول عمرها فرفوشة !!
حتى كل مشاكلها بتاخدها ببساطة و همجية !!! بس المرة دي المشكلة اكبر منها و من طاقتهاا... حتى انا ما قادرة اقدم ليها شي !!!
ليه ما ممكن !!! انااا ممكن اشرح لايمن الوضع !! و يكون بينا بس!
لو هو بحبها و صادق حيتصرف و ما ح يخليها لغيرو !!
اي نعم داليا ما بتحبه بس كانت متقبلاهو على عكس ود عمها ده
و تحت تحت حسيت في اعجاب منها ليه !!!
وصلت للقرار ده اني اكلم ايمن و نشوف حل مع بعض ..
دخلت ام داليا و قفلت الباب وراهاا و سألتها طوالي
_ مالك انت يا بت !!! عايزة تفضحينا يعني
سكتت داليا و رديت انا
= يا خاللتوو ما ملاحظين انكم حتظلموها
_نظلمها شنو يا مرام!!! ماله ود عمها !! عثمان انتظرها تلاتة سنة!!
ده بدل تحكميها انتي
= يا خالتي ما قلنا شي على عثمان هو كويس بس ما مناسب ليها!!!
_ و عرفتوا كيف ما مناسب انتوا !!!! و لا دي فلسفة بنات الزمن ده !!!
قبل ارد قاطعتني بحدية
_ كلامي و ما ح اعيدو يا داليااا . اول تغيري وشك المركباهو ده و تنزلي تقعدي مع الناس تحت ... انتي ما اول بت تعرس ود عمها !! ياها اختك قدامك !! جات يوم شكت منه !!!
من قمتي عارفا اولاد عمكم أولى بيكم و حتى تاني للغريب !!!
سكتتت مسااافة و تابعت بحنان : لو بقى في غريب الاحسن تدفني في الاوضة دي عشان لو ابوك عرف ده سبب رفضك ما ح يريحك !! كان انا كان ابوك بندور ليك السمح !!
