بعد قلت ليها امي طوالي في سيرتك الافكار طوالي بدت تتداخل لمخي و انها حتفهم اني بلمح و لا شي !!! لكن لقيتها بترد علي بتلقائية :
_ انا زاتي طوالي من رجعت حكيت لامي و انبسطت بيكم ناس بيتنا شالوا الليل يتذكروكم ..... انا هنا اتنهدت براحة و اللفت نظري انها اول مرة تتكلم كم كلمة ورا بعض ... قلت ليها
= المعرفة قوية عشان....
قبل الحق اكمل كلامي تلفوني رن و كان ده سامي و في نفس اللحظة المصعد وقف هي طلعت و اومأت لي براسها و مشت !!!! بدون ما تنظر رد او اشارة كأنها عايزة تخلص من وقفتي معاها و لا شنو ؟؟؟ رديت سامي و طلعت من المصعد و عيني على جهتها قال لي
_مشيت وين يا فارس؟
=طلعت برا و اي راجع في شي؟
_لالا بس استغربت لمن لقيتك مافي خلاص بعد تجي.
وقفل الخط و وقفت لسه بعاين على الاتجاه المشت فيهو متين اختفت
هي!! عاينت للمصعد و ضغطت غصبا عني ابتسمت بسخرية لمن عرفت روحي كنت ماشي معاها بدون سبب و اول ما مشت هي رجعت تاني ببساطة!
_______________________________
من جهة تانية
_اتكلمتي معاها تاني و لا لا؟؟؟
= لا ابدا .. و اصلا ما غبية انا عشان افتح معاها موضوع حساس زي ده
_ و ده انا عايزو.... تتكلمي معاها عادي عشان ما تتحسس او غيرو تفكر في الموضوع بعيداً عن صحبتكم و علاقتكم
=اطمن يا اخوي لو بعرف صحبتي بالجد فما هي البتجامل و تجي على روحها عشان ناس...
هز رأسه مؤكد و قال بخفوت
_عشان كده انا بحبها ..
و رفع صوته عاين عليها و قال ليها
=ادعي لينا يا وفاء ادعي لينا بس ❤️
ردت عليهو بغمزة
_ربنا يحنن قلبها عليك و يجمع بينكم بالحب و الموده
________________________________________
الضيوف عند ناس سامي بداوا يجوهم و الزيارات كترت فقلت احسن انزل تحت ياخدو راحتهم ،،، و بالفعل نزلت تحت الكافتريا شوفت داليا قاعدة اتجهت ماشي عليهاا قبل اصلها جاءت مرام شايله كبايتين عصير و قعدت.... اول ما وصلتهم سلمت على داليا و مديت يدي لمرام قلت ليها كيفك للمرة التانية ردت لي بدون ما تعاين لي الحمدلله و وشها جامد .... داليا قالت لي
_ خير ان شاء الله ناس البيت كويسين؟؟؟
= الحمدلله هم كويسين جيت لصحبي ابوهو عيان
