ماذا كان سَيحدث إنَّ تحَقَّقت أُمنيّتي التي كُنت أخبَّئُها كُلَّ مساءٍ تَحت وِسادتي على أمل أن تُقاطع نومي العصافِيرُ المبَشرة؟
هل كَانتْ سَتندلعُ حَرْب عالمية ثالِثة فقط لأنكِ أصبحتِ لي؟
رَفـل عَلـي.
_____________________________
بلسان فارس :
سألتها بقلق شرط شنو ؟!
اخدت نفس و قالت : الفترة دي ناجله شوية قبل اي خطوة رسمية!!
ما عايزة خطوووة رسميةةة!!!!! ؟؟ بعد الجوطة العملتها دي كلها ما عايزاني اعلنها خطيبتي!!!! و الله شكلها بتحلم احلام عصر
قلت ليها : ما موافق.،،، عاينت لي بصدمة و بسررعة اخدت وضعية الهجوم و قبل تتكلم قلت ليهااا : اقلاااها البسك خاتم عشان احمد لا غيرو يلتزموا بحدودهم!!!
بنفس صدمتها قالت لي : يااخ احمد ده مربط و خااطب و البت العايزها زاتها زميلتي!!
هزيت ليها راسي و سكت ،، ،تاني قلت ليها زاتو اهلنا ما حيرضو ناجلها كتير و انا كلامي مع ابوك ما معاك.
البشوفني قاعد بتكلم بثقة كده ما بقول اني عااطل كبيرر لا عندي بيت لا عندي شغل حتى
كنت عايز اقول ليها و اتكلم ،،، بس فكرت في ابوي و موقفه فسكت على الاقل اتكلم مع محمد في موضوع الشغل بعدين اقرر !!.
حاولت بقدر الامكان اكسر الحاجز البينا يمكن عشان بنتاقش كتير فبقينا شبه مرتاحين مع بعض ،،، الفهمتو منها انها ما بتقدر تاخد راحتها معاي الا لمن اغيظها او اتناقش من افصل معاها بتتوتر و تتلخبط في الكلام 😂❤️.
لمن سألتها بتحب شنو بتكره شنو بس قالت لي دي اسئلة عوويرة ما حلوو نقولها حلوو نعرفها برانا قبل العرس هه
عاينت ليها بحب و قلت ليها قولي عرسنا ما العرس!!
عاينت لي و بدت تتمتم : اممم خلاص احسسن ارجع البيت داليا هناك منتظراني
ابتسمت و قلت ليها ارح
و طوالي مشينااا طول الطريق كنت بتكلم معاها عن شغلها و اختيارها للطب .. عرفتها بتحب شغلها شديد ،،،رغم تعبه و ضغطته بس بتتكلم عنه بكل حب،،، ما شكت منه خالص،، بالعكس كانت بتتكلم عنه و عيونها بتلمع ..
و صلتها و اتحركت طوالي للبيت عايز اتكلم مع محمد قبل اتكلم مع ابوي يمكن يساعدني او يديني حل افضل ،،،
و اول ما وصلت البيت لقيتهم محمد و عبير قاعدين مع امي و معاهم ايمن و وفاء سلمت عليهم و قعدنا فطررنا بعديها قلت لعبير : يا عروسة ممكن راجلك ده خمسة دقايق قالت لي : اوعك تزيدهم هههه
سووقته و دخلنا الصالون و هو طوالي قال لي : ما تاخرني انا راجل مسؤول
بسسسس بررراهو جاب لي مدخل لي كلامي طوالي عملت فيها مسكين و قلت : يعني انا الما مسؤول قصدك و لا شنو ؟!
