_______________________________________
ثم قال :
ولم " أقع" في الحُب
لقد مشيتُ إليه بخطى ثابتة
مفتوح العينينِ حتى أقصى مداهُما
إني واقفُُ في الحُب
لا واقِعُ فيه
أريدُكِ في كاملِ وعيـي ..💙
______________________________________
على لسان فارس :
مرام اتخلعت و بصدمة قالت لي
_ فااااارس !!!
=خير ما عاجبك و لا شنو !!
بتعجب سألتني : عفووا !!؟
طنشتها و قلت ليها : جيت مع ناس امي زيارة ليكم و هم جوا !!
_تشرفوونا ان شاء الله
هزيت راسي و هي اتقدمت و كنت وراهاااا .. لا اراديا زهجت و اتنرفزت .. تتضاحك ليهووو لدكتورها ده و انا تجيني مركبة وش الككووو وصااارة !!!! و العوير داك شكلو ما صدق انها بتجامله و بتضحك طالع و نازل يضحك فيها !! كم مرة ضحكهاا !!!
و على النقطة دي ضحكت على نفسي " دي ياداب تاني مرة اشوفهم" غايتو 😂😂
اول ما دخلنا على ناس البيت عيني مشت لامي الـ كانت بتعاين لينا بانبساط !!!
مرام سلمت عليهم و قعدت و قعدت انا كمان و اخدتهم الونسة لحدي موضوع التعليم
و القرايه
الشي اللاحظتو نظرات الفخر و الاعجاب البتلمع في عيون امها و ابوها لمرام لمن هي تتكلم او هم يتكلموا عنها !! و حتى ابوي اندمج معاها وسالها
_ بحثك بتكلم عن شنو!
=محفزات الخلايا السرطانية حاليا فضل لي شوية و اخلصوا
_ممتاز جداً،، ربنا يوفقك يا بتي
امها قالت لكن لمتين تقرأ.! ما عايزة تشوف حياتها و تعرس!!
ردت امي : يمكن زولها ما جاهز لسه !!! بالذات لو دكتور زيها يعني! ههه
انا عاارف امي دي بتكون عايز تعرف موقفها شنو يعني !! عشان يا مشت في خططها دي
ياا لغتها من اسي .. و انا زاتي عايز اعرف الحاصل شنو و احمد ده قصته شنو!!
امها ردت : و الله حتى دفعتها و كم زول من الدفع القدامها اتقدموا ليها رفضتهم
