______________________________
بلسان مرام :
عرس محمد كان ظرريف شدديد و عروسته حلاااتها شكلها من النوع الراقي و مفتري داك بس ليها حق ماشاءالله ،،، اتفاجات بوجود احمد في العرس بس عرفت انه العروس قريبته اول ما سلم علي اتوقعته يمشي بس فاجاني بانه قعد و بدأ يتونس معاي في البداية كنت متوترة بس تاني ارتحت .. كنت خايفة من ابوي او مهند اخوي يجوا يحمروا لي و بعدين في البيت يعملوا لي مجلس بس و لا واحد فيهم ما قال شي،،!! يمكن عشان بعرفو احمد ؟ يعني حصل بينهم معرفة و اتلاقوا على كم مرة !! ما حبيت افكر و حمدت الله الف مرةة ....
في العربية كان ونستنا عاديةة شديد يااهو تعليقات على العرسان و على العرس بصورة عامة ... امي كانت مبسوطة باولادهم فااارس اييمن عمرر التلاتة بسووطها و ارتاحت و بدون مقدمة قالت لي دكتورك ببقى لمنو يا مرام؟!
قلت ليها للعروس ،، ادتني نظرة كده ما فهمتها و سكتت احترت بس ما حبيت اكتر كلام و انا عارفه نهايتو ما حتعجبني!!
في الصباااح :
صحيت متاخرة و راسي مصدع طوول عمري ما بحب الاعراس و حفلاتها بس ما بصدقوني قمت بتعب و مشيت غسلت وشي و صليت بعديها فتحت تلفووني لقيت داليا مرسلة لي الصور حملتها بعديها فتحت الحالات اتفرج فارس كان منزل صور ليهو مع العرسان و اصحابو و في الاخر صورة ليهو مع صحبو سيف كبررتها و بقيت بعاين فيها و في ملامحوو ،،، ملامحوو عادية بس رجولية ،،او يمكن انا شايفاها جذابة ،،، يا ما اتكرشت على اولاد في الجامعة و في حياتي بس استايل فارس و شبهو ما كان بعجبني بس حالياً شايفاهو وسيم لدرجة بعيييدة ،،، ابتسمت و بسرعة عملت اسكرين للصورة لشنو و عشان شنو تحديداً ما عارفاااا ،،،،
نزلت تحت على غير عادة امي و ابوي ما كانوا موجودين في البرنده و انا ماشة لغرفتهم سمعت امي و هي بتقول ليهو :
طيب كان تاخد تاريخ معين منه يا النعمان!!
_و ليه العجلة رقمنا و عندو لو باقي عليها بصلنا و بدينا خبر.
=حالتي بعد شوفت دكتورها امبارح معاها قلت يفهموها غلط و يصرفو نظر لكن الحمدلله الله كريم...
_ و الله يا ام مهند حيرتيني معاك انتي عايزة بتك تعرس و لا بس تعرس فارس ود خلود و يوسف!؟ كان دكتورها دايره و دايراهو نحن دخلنا شنو ؟!
=انا عايزه ليها الاحسن و بعدين دكتورها ده حسب كلامها خاطب سستر معاهم يعني كان حيضيع لينا فرصة ساي بس الحمدلله فارس وسع مخو و جاء طلبها منك.
.
ما حاولت اسمع اكتتر كنت مصدومة لدرجة بعيييدة ،،، فارس كلم ابوي انه دايرني!! متين و كيف ؟! طيب ليه ما كلمني و ليه اتجاهلني من امبارح؟!
مشيت رجعت غرفتي بسسسرعة و فتحت تلفوني لقيته اونلاين!!
طووالي رفعت صورة لي مع وفاء و داليا شافها و ما علق!!
