تقسم أنك ستنسى، تقسم أنك ستتخطى، ثم حين تتلاقى النظرات
يتمتم قلبك مستغفرًا للقسم💙 !
___________________
عند عمر جاهو صوتها : الحقني يا عمر
نور مالك في شنوو!! ؟
=ابووي ابووي وقع و ما عايز يتحرك .. انااا انااا مااا عععاارفة اسوي شنووو!!
_اهدي و اسمعيني
= لو حصل ليهو شي ما ح استحملل .. يارب ابوووي ابووي قووم عاين لي...ابووي الشوربة بردت
عرفها دخلت في حالة هستيرية لمن ما قادرة تصرف
و صرخ فيهااا بأعلى صوت : نووووووور نووووور اسمعينيي لو قعدت كده حتفقدي ابوكك سااامعاني ياننووووور
ردت عليهو بصوت شبه هامسس : ااااعمل شنوو انااا
_ شوفي اي زول من الجيران و ناديه يرفعوه .. و انا مسافة الشارع و بكون عندك اصلا قريب!!!!!! و خلي الخط فاااتح يااانور سااامعاني
بدون وعي منها هزت رأسها كأنه شايفها و جرت لبست توب و طلعت للشارع متجاهلة صوت امها الـبتسأل عن ابوها و رفيق دربها ماله !! ما قادرة تشوف الحاصل!! العجز متملكها .. و دموعها نزلت و همست. : يارب ما توريني فيهو مكروه يارب!! و انتبهت على صوت عمر في التلفون و اتحركت شوية شوية و مدت يدها تفتش على التلفون الكان مرمي في الكنبه ،،، لقته و ختت في اضانها و قالت الو
سكت ثواني على الصوت الغريب عليهو بس تابع : نور وينك!! عملتي شنو!!
_نور طلعت انا امهاا .. يا ولدي انا كفيفة و ما بشوف و نور ما فهمتني الحاصل!!
ماله ابراهيم .. ابراهيم ما سامعه ليهو صوت .. نور قالت ليك شنو !!!!
=يا خالتي ما حصل شي ان شاء الله .. ابوكم حيبقى كويس انا عشرة دقايق بكون معاكم
بس خليك معاي بالتفون تمام ..
_تمام الله يستر الله يستر
نور طلعت الشارع و جرت على بتاع الدكان اللي اول ما عرف سررعة سرررعة اتحرك معاها لبيتهم .. دخلووا و جروا على ابوها الكان بين الحياة و الموت !!
اما عمر فكان النار بتاكل جواهااا... يارب ما توريها مكروه فيهو... يارب هي ما جاهزة لانهيار ده... يارب انت عالم بحالهم ... و اتخط كل اشارات مرور و سرعته كانت عاالية شديييد و بعد دقايق وقف قدام بيتهم و بابهم كان مفتوح ...
_______________________
# عند مرام :
