من حُسن الود أن يتوقف الجدال عندما يحتلّ الحزن عين الطرف الآخر❤️".
_________________
من جهة محمد و عبير :
الصدمة الدخل فيها كانت كبييرة ... و سؤال واحد داير في مخو ليه ما عايزة تجيب اطفال؟!!
عادي لو كلمته و قالت ليهو انها عايزة تكون مستقبلها و شغلها و يأجلو فكرة الانجاب دي كان اتفهم و حتى دعمها !!!
بس هي ما اتكلمت، ،،،، و دست عليهو ،،،،،،، ما صارحتو ،،،!!
وقف قدامها و قال ليها ممكن افهم دي حبوب شنو؟!
عاينت ليهو بخلعة و اتوترت و دنقرت في الارض،، هو تابع بسخرية و قال : ليه؟! ليه يا عبير؟! ليه ما صارحتني؟! انا كان ممكن عادي احترم رغبتك؟! ، ،
سكتت اما هو فانفجر و صرخ فيها : عبير انا ما اناني لدرجة اجبرك تجيبي اولاد على حساب حياتك الشخصية،،، لو وقفتي قدامي و قلت لي عايز فتررة قبل نجيب ولد كان وافقتك و انتظرتك لحدي ما تحسي نفسك جاهزة !!! بسس ليييييه ؟؟؟؟لييييه تدسي؟؟ ليه تدسي علي و انا على كم مرة وقفت قدامك و حكيتي ليك قدر شنو عايز ابقى اب؟! ليه ما وقفتيني لمن اخترت غرفة اطفالنا ؟؟!! ياااخ انا اناااا اخترت غرفتهم قبل غرفتنا زاتوو؟!!
ليه خليتني اعيش في العشم ده،،، ،؟!
دموغها غصباً عنها نزلت ،،، هي كانت خايفة منه،،، خايفاهو يخليها في اي لحظظة،، ،ما اتعافى لسه من حبه القديم،، في نقطة من رنده هو ما قادر يتجاوزها، ،،و هي عشان الخوف ده اخدت القرار ده،،، شافتها صعبة تجيب طفل منه و هي لسه ما حاسة بالامان؟! ذنبه شنو الطفل يجي في ظروف زي دي؟!
هو قال ليها : انتي انانية يا عبيير،، ما انانية لانك ما عايزة طفل ،،، انانية لانك ما حبيتي تشاركيني معاك في القرار ده !!!
و ما انا الراجل البجبرك على شي ما عايزاهو و لو العرس ده زاتوو ما دايره بطلقك و ارجعك بيتك عزيزة مكرمة..
و قبل تلحق ترد ليهو سمعو صواريخ امهم و هوو بسسرعة نززززل تحت و هي لبست توبها و لحقتووو و هناك لقو امهم في الارض و وفاء بتحاول تقومهااا و بتبكي جااء جاااري و بسأل في شنو امي مالها؟!!
جاوبته وفاء من بين شهقاتها عممررر عممرررر يا محمد عمل حااادث!!!!
جاوبها شنوو كييف متييين :
=ما عاارفا يااا محمددد ما عارفاااا ابوي طلع و ما فهمنا شي
هو قال : خليكم مع امي شكلو ضغطها اترفع انا ح الحق ابوي
و طلللع يشووف ابوها و بحاول يتصل لفارس.
________________
بلسان فارس :
