- "ألذ مَراحل الحُب هي كل المراحل التي تسبق الاعتراف به، التلميحات المدسوسة وسط النصوص، الإشارات الذكية، الشغف والاهتمام الزائد، والحركات اللا إرادية الغبية نتيجة الارتياح.. كل هذا يجعلك متيقّنًا أن كِلا الطرفين معترف بالحبّ دون أن ينطق أحدهما بكلمة."💙🦋
_______________________________
على لسان مرام :
رجعت البيت زهجانة ... حاولت اكون قدام امي عادية عشان ما تكتر اسئلة معاي و خايفة بالغيظ اتكلم و هي حتفهمني غلط !! ،،،دخلت المطبخ و سلمت عليها
_ده شنو يا بتي قبيل طلعت بسررعة ما فهمتيني شي!!
=ما كان في شي يا امي بس حالة مستعجلة عشان كده !!
_ايووا ... الله يسهل عليك.. تعبانة و شقيانة لمتين ما بعرف
اتنحنحت و بقلبي قلت دي فرصتي عشان اقول ليها اني اسبوع ح اقعد في البيت لكن ما ح اقول عقاب !!
=انا زاتي حاسة كده عشان كده اخدت اجازة لاسبوع !!
امي وقفت الكان بتعمل فيهو و عاينت لي من فوق لتحت و بعدين قالت لي
_ليه مالك!؟
=تعبانة يا امي ااجي قلت ارتاح !!
_سنة كاملة ما اخدت راحة حتى ايام العيد بتمشي.. الاجازة دي جات ساي كده!!
=ارتاح ما يعجبك اشتغل ما يعجبك!!
لوت لي خشمها و قالت لي : سمح ارتاحي نشوف نهاية الاسبوع ده.
سكت ما رديت عليها و طلعت الاوضة غيرت هدومي و لمن جيت فتحت تلفوني لقيت مكالمة من داليا.. ما كان عندي رصيد ارجع ليها .. فتحت الواتس و قلت ليها ارجعي لي!!
جاني فضول و قال لي امشي شوفي بروفايل فارس !! و بالفعل عملت سيرش لاسمه لكن ما ظهر لي شي.. لا بروفايل لا حالة لا شي!! مطيت شفايفي بزهج و قلت يسجلك لشنو زاتو يعني!! هو ضرب ليك عشان خلعته بصحبه و خلاص و عايز مساعدة و بس !!
و بعدين تعالي هنا يا مرام انتي مش زهجانه من فارس ده !! مش قلت ليهو ما تتعرض لي تاني!! بتفتشي في بروفايله مالك اسي!!! اوووووووف فترت من تناقضي ده انا و الله!!
و الحمدلله داليا رجعت لي و انتشلتني من التفكير رديت ليهو الو
_اهلين مرام كيفك
بخير الحمدلله يا داليا و انتي كيفك و عملت شنو
_الحمدلله ... اتنهدت و قالت لي قبيل لاقيت وفاء
=حكيتي ليها!!
_حكيت و كان معاها ايمن!!
=نعمممم؟؟! و قالوا شنو يا داليا ! ما يكونوا زعلوا ؟!
