ثم همس :-
حُبها عميِق لا يُمكن أن يزور القلب مرتين .❤️
_________________________
بلسان مرام :
ما كنت متخيل يوم لي حياتي اني اعيش تفاصيل الحب بالطريقة دي!! ،، ،كنت متخيلة زواجي حيكون نمطي و عادي ،،،،في بالي دايما الحب بجي بعد الزواج ،، المهم الاحترام و المودة ،، بس حصل خلاف كل توقعاتي.،،، انا عايشة مشاعر مع انسان ببادلني ليها و يمكن اكتر ،،، فارس قدر ببساطة يتملكني و يتملك قلبي ،، حاسة نفسي سعيدة و مبسووطة لابعد درجة ،،
خطواتنا حياتنا البسيطة تجاه مستقلبنا ،، فكرة نبني عشنا سوا مع بعض ،، اقتراحاتي و رفضها ،، حلوله و بدايلي ،،كل التفاصيل دي بتخليني اكون مبسوطة.
فكرة اني قدرت اغير فيهو و تكرار الكلام ده لي بخلق جواي شعور عميق بالراحة ،،، انه ما لم يحبني ما كان اتغير ،، ما محتاج اثبات منه كفاية نظراته البخصني بيها براي،
كل الافكار دي طاردتني قبل ادخل في نووم عمييق ...
صخيت الصباح بدري و انا ماشة الشغل ، ،ايامي في الامتياز قربت تخلص و شي واحد مخوفني انه اهلنا حيبداوا يزنو في موضوع العرس و جيب الشيلة و الحاجات دي.
حتى لو قلت لامي فارس وضعه ما بسمح ليهو يجيب حاحات كتيرة ختقول لي هو ود عز عادي يجيب بقروشهم..
و امه برضو شايفة عادي ولده يشيل من قروش ابوه في النهاية القروش حقته.
ما حيحترموا رغباتنا حيحسوا انه دي عوارة مننا بس و ما اكتر ، ،،كان نفسي اصارح فارس بالكلام ده بس هو حيتحسس و يمشي يضغط روحه اكتر ما هو ضاغط نفسه.
ضرب لي فارس و اول ما رديت جاني صوته : صباح الخير
_صباح النوور
=نبدا نعد العد التنازلي!
ابتسمت على كلامه و نبرته المرحه و سألته : دي شنو الجو الايجابي ده الليله؟!
=عندي ليك خبرين حلوين! الاول ح اقوله و التاني لمن اقابلك بعدين
_بعدين؟! انت اسي ما حتجيني يعني!
=ما ده الخبر الاول يا مرام ،،، انا لقيت بوست لبنات طالبين ترحيل لحامعتهم و في نفس زمني و طريقي فاديتهم رقمي و اتواصلوا معاي.
ما عارفه ده شنو الحصل لي ده بس شي واحد كان داير في مخي بنات!!! جامعيات!!!
فارس حتكون في وشه يومياً اربعة بنات و حيتبادلوا معاهو المقعد الأمامي !!!
انا كبت بعرف كووويس يعني شنو يكون في شاب زي فارس قدام مجموعة بنات ،،،
قطعني من تفكيري ده صوته و هو بقول : الو مرام انتي معاي
