كُلما نظرتُ إليها قل إحباطي ووحدتي ، أتعرِف معنى أن تشعُر بأنك منتصرٌ على العالَم بسببِ عَينان... ❤️!!
_____________________________
كان بتكلم مع واحد من المعارف ،، و بسرعة عينه وقعت عليها لمن لقاها بتعاين ليهو بنظرات اعتاد عليهم منها و هي نظرات الحب ابتسم ليها و اتبعها بغمزة ،،،
اتحرك نحوها و هو بعاين ليها و قلبه بنبض كمراهق اتعرف ياداب على حبه ،، معقولة كل العاشو مع رنده ما كان حب!! ،،،ابتسم و هو بقول هو كان حب بس للانسانة الغلط، ،و الحب ما بجي مرة و كذب اللي قال ما الحب الا الحبيب الأول.
الحب ممكن في دقايق يتمكن منك ،،، و اذا كان حب رنده مره فالآن هو وصل مع عبير مرحلة بعييدة جدا ما بقدر يوصفها ،،،،
عبير البت المدلله ،،، الحادة الطباع،،، البارده اكتشف فيها جوانب ما بتظهرها الا ليهو ،،، رغم نفوره من صفاتها دي زمان بس اليوم حاسس روحه بحبهم عشان بميزوها بحب كل انش بخصها.
وصل جنبها و قرب من اذنها و همس : لو قعدت تسرحي فيني كده كتير حاعمل شي ما يعحبك!!
ابتسمت و دنقرت رأسها بخجل ،،، مبسوط بالجانب المشاكس الفيهو ده ،، ،شخصيته المرحة و الاهم من كده حبه ليها الظاهر في عيونه.
قال ليها : ما بتحبي الدلوكة و لا شنو ؟!
=بالعكس حلووة ،، ما كنت بدي نفسي فرصة اسمعها
_خلاص تسمح لي اخطفك في نص الدايرة دي.
و مد يدو و هي مسكته بحنان و اتجهو رقصو ..
____________________________________
من جهة عمر و نور :
فكان قاعد قصادها في الكرسي و بعاين ليها و هي مسلطة نظرها على العرسان ،،، مرام بقت عندها اكتر من صاحبة ،، و فارس اكتر انسان بترتاح معاهو من اسرة عمر.
بتحسه انسان شفاف و قلبو نضيف و عشان كده ارتاحت ليهو بدون تحفظ .. حست بنظراته ليها و عاينت بطرف عينها و لقته بعاين ليها بشرود و اول ما عيونهم اتلاقت عاين ليها بحب و كأنه عيونهم بتحتضن بعض مش بقولوا و اذا العيون تحدثت بلغاتها قالت مقال لم يقل خطيب.
ابتسم و قال ليها : صحي الانسان بحب نده
عاينت ليه ببلاهة و تابع هو : انا عمري ما قعدت باحترام كده في اي حفلة.،، لازم اكون في نص الزنقة و ماسك الدايرة ،،خليها اسي عرس اخوي
ابتسمت على كلامو و قالت : اسي امشي امسكها المانعك منو ؟!
بادلها بابتسامة يتبعها رضا في نفسه عن عبثها و مكاوتها ليهو و تابع : ما لقيت قمري قاعد هنا امشي وين و اسيبه.
خجلت و اشاحت بنظرها عنه و هو بتذكر كيف كان بحاول يقنعها يرحلوا البيت الجديد الاشتراهو و بتكون من طابقين ،، طابق خصصه لاهلها و طابق فيه شقتهم الاتنين ،،،،، بس هي رفضت و قالت مستحيل تعمل كده قبل عرسهم لتكبر في نظره اكتر و اكتر و اصلا شهرين بالكتير و يتلمو سوا خلاص.
