لمْ يكُن حُباً منَ النَّظرَة الأُولَى ، بقدرِ مَا كَانتْ طمأنَينَة منَ الدرجَة الأُولَى ، مثلَ أنْ ينظُر المرءُ إلَى شيّء و يسترِيحَ بهِ ❤️!.
___________________________
يواصل فارس :
ابوي بكل برود قال : بعدين احسن ليها الدكتور البشبها بفهموا على بعض و لا شنو ! ؟!
حصلت لحظظة صممت و الكل كان بعاين لابوي ،،، انا كنت مصدوم من ابوي للدرجة دي بستحقرني!! لدرجة شايفني طايش و ما استاهل حتى افكر في مستقبل بيت و اسرة !!! ....
عم نعمان قال : و الله ياخ شباب الزمن ديل بجوا جاهزين نحن بس علينا نوافق ههههههه خايف بكرة تجيني ماسكة يدو و تقول لي ارح يا ابوي وافق!!
الناس ضحكت و قفلت الموضوع ... انا ما كنت متفاعل معاهم !!
فكرة ابوي شايف مرام مناسبة لعمر اكتر مني وجعتني !!
انا عارف مشكلته ما اني الصغير و عمر الكبير !! مشكلته الاساسية معاي ،،، شايفني ما مسؤول و طالما اني بحالتي ده ما ينفع افكر بشي!!
خليني عاطل و لا مبالي كده !!
بضيق استأذنت منهم و طلعت ،،،،،
دخلت غرفتي و رزعت الباب وراي .. غضب شديد جوواي.. اي نعم عارف روحي لا مبالي و عديم مسؤولية .. بس عمري ما حسيت باني اقل من الناس!! و العايزو بحصل !!
راكب عربية ،،، عندي مصاريف تشغلني !!!
طيب هي اصلا الناس بتشتغل لشنو !!!؟؟
اشتغل ليه و انا عندي اي شي الناس بتجري وراهو !!
دي كانت نظريتي للحياة و ما كنت مستعد اغيرها ،،، بس انه ابوي يفضل عمر علي عشان النقطة تحديداً.. ما كنت قادر استوعبها ..!!!
بعد دقايق سيف جاء داخل وراي و كان ساكت ... او تقريباً سكت لمن حس بحالتي!!
رفعت راسي و قلت ليهو : جيب شنطتك و استقر رسمي عشان ما تجي راجع لعرس عمر مرة تانية !!!
عاين لي بنظرة تفحصية و قال لي : ما تكابر يا فارس!! اتغيرت تمنين درجة لمن ابوك قال كلامه ده
رديت ليهو ببرود : و تقريباً انت عارف اسبابه ورا كلامه ده صح ،،، و عايز تناقشني فيها اسي ،،!!
قال لي : الموضوع ما دام اتفتح خلاص،،، بس عايز اقول ليك شي واحد انت براك بتقدر تغير حياتك و بخطوة وحدة !!
رفعت اكتافي بلامبالاة و قلت ليهو : انا ما جاهز لاي خطوة و مبسوط بحياتي كده ،، ما لم اقتنع من جواي ما اعمل شي ،،، و ما منتظر مني اغير اسلوب حياتي عشان ونسة قالها ابوي تحت !!!
قبل يرد لي دخلت الحمام ... ما عايز اتناقش و لا لي نفس !! و اليحصل يحصل!
..............
