بلسان فارس :
وقفت قدام محمد و رنده و قلت ليهم السلام عليكم!!
محمد رد لي بخلعة و عليكم السلام
قلت ليهو الناس منتظرنك بره يا محمد دي حنتك برضو !! و التفت عاينت لرنده الكانت بتمسح في دموعها !!! دمووع!!! يعني هي بتبكي!!! نافقت في شنو و قعدت تتبكى ليهو !!!
نااوية على شنو الشيطانة دي!!!
محمد هز لي راسه و رجع عاين ليها و اتحرك مشى!! قبل يتحرك كويس من جنبنا هي اتحركت !! كووويس يا رنده كووويس .. ابقى كلب لو خليتك تتحاومي حوالين اخوي مرة تانية !!!
اتاففت و زهجت و دخلت غرفتي و كنت ناسي انا جاي لشنو زاتو!! بعد دقايق انتبهت للتلفون شلته بدون تردد ضربت لمرام .. ما ردت علي اول مرة!!
حاولت تاني و ردت من تاني جرس!
بصوت ناعس قالت لي : ألوو !!
رديت ليها : نايمة و لا على بالك الناس المعذباهم بهنا ديل!!
بسررعة قالت لي فااااااااااارس!!!!
شكلها ياداب جمعت 😂😂
رديت ليها ايوا فارس... و تابعت ازيك!!
=الحمدلله بخير
_انا كمان بخير شكراً لسؤالك!!!
سفهتني و قالت لي خير ضارب لشنو!!
=عشان اعتذر !!
_تعتذر على شنو بالضبط!!
=على اي شي عملت معاك امبارح
_حصل خير
ظاهر عليها زعلانة و ماخدة على قلبها مني !!! بتتعامل معاي ببرود !! اقفل منها و لا اواصل !!!
ببراحة قلت ليها : اممم افهم انك يوم العرس حتجي و ما حتعديها زعل!!
_البخليني ازعل شنو !! الليله بس كنت كسلانة !!
=يااااا شييييخةةة و انا الخليت حنة اخوي و طلعت من نص الحفلة عشانك!!
و مععع كلمممتي دي سيف جااء داخل ... غمضت عيوني و شتمت نفسي مية مرة على كلامي ده .. هو طوالي اخد وضعية التشغيلة و رفع حاجبه و على وشه نص ابتسامة ساخرة !!!
هي زاتها شكلها اتصدمت لانه ردت لي بعد مسافة و قالت لي بخجل خلاص طيب امشي للحفلة و انا و الله ما زعلانة هه
رديت ليها طيب تمام مع السلامة .. و قفلت الخطط قبل ترد هي زاتها
