#نعم_احبها 24
" التفهّم أكثر أهمية في العلاقة من الحب، أنت لا تستطيع أن تعيش مع شخص لا يفهمك، شخص يفسِّرك بطريقة خاطئة، شخص يُريك السوء بك أكثر من الأشياء الجميلة، أنت لا تستطيع أن تُحب شخص لا يمكنه أن يدرك قلبك وما به، لا تستطيع أبدًا."💙🦋
_________________________________________
بلسان فارس : كنت عايز اوافق و اقول ليهم تمام بس خوفت من رده فعل مرام عشان كده سكت و قلت الرأي رأي ابوها على اساس هو رافض لكن صدمني و صدم الموجودين كلهم لمن وافق ،،،،
قلت ليهم لكن يجماعة لا عندنا شبكة لا دبلة نعقد كيف
ابوي قال لي دي كماليات ساي بكرة تعملوها !!
.
ابو مرام طلع عشان يتكلم معاها.،، بعد دقايق سمعنا الزغاريت يعني وافقت!!!
ما حتكلم اهلها اني عاطل او كنت عاطل !!
رجلي بقت ترجف و انا قااعد ، ،فقدت سيف في الحظة دي،، ،يعني سفرة البلد دي كان لزومها شنوو ؟!!!
بعد قريب ساعة ابوها جاء داخل و الابتسامة لاخر الضرس و قال على بركة الله و كمان طلع خاتين صور من ارقامهم الوطنية في العربية يعني الموضوع تم سررعة سررعة لدرجة تخلعع كنت ما مستوعب شي لحدي ما المأذون قال : بارك الله لكما و جمع بينكما
ده شنو ؟! يعني انا خلاص بقيت راجلها ؟! بقت مرتي ؟! ح امسك يدها عادي؟! ح اسرح في عيونها زي ما عايز ؟!!
الناس كلها بقت تقول مبروك مبروك يا عريس!!
و الله يجماعة انا همي ما هنا.،،، انا فكوني لمرام ،، اقصد لمرتي ،،، هي زاتها كيف وافقت؟!
و كيف اقتنعت!! ؟
للمرة التانية افقد سيف لو معاي كان قال ليهم خلو يبارك لمرته ،،، لكن اسي ديل واحد فيهم جايب خبري ماف!!
عمر اصلا منتظر نور المفترض تجي مع ناس الشغل و لاسي ما وصلوا !!!
و محمد واقف و بسلم و ببارك !!!!
مشيت ليهو براحة براحة و قلت ليهووو محمد انت مش عرست مش عارف اللحظة دي كيف ؟!
قال لي بسخرية و ابتسامة جانبية : كيف؟!
قلت ليهو عايز ابارك لمرتي ياخ!!!
قال لي بصوت عالي ايووووووااااا
و التفت للناس و قال ليهم العريس عايز يشوف عروسته يجماعة!
الصفارير اشتغلت و ابشر يا عريس ملت الدنيا،،،، مشينا على حوش النسوان و امي طوالي جات تزغرت و فجأه بقت تبكي!!! ،،،،، تسلم على دي تمسكك ديك لحدي ما اخيرا قالوا لي مرام في غرفة وفاء ،،،، طلعت السلم و انا بفط اربعة عتبات ،، دقيت الباب و دخلت لقيتها بتبكي و جنبها داليا البتهدي فيها و وفاء برضو ؟!
