اريد أن نجلس سويًا في شُرفة منزل صغير ودافئ ، بعد أن أفلح في إقناعك أن الحياة معي ستكون جميلة لأني أجيد تحضير الشاي ..♥️
__________
بلسان فارس :
ابوي قال لي بتشدد: عارف امك قالت لمرت حاج النعمان عايزين بتكم لولدنا فارس و امها ما عترضت !!!
سكت و عاينت ليهوو ،، يمكن انا في اللحظة دي ما عايز اكتر من كده ،،، ما ح اقول ارمي قدام يا ابوي و نطلبها رسمي عشان عارف ابوي و نظرته للامور دي ،،، بس كمان ما اغلط و اقول انا ما عايزها ،، ما عايزها كيف يعني و انا بفكر فيها ليل نهار !!!
ابوي قال لي و الله انا ما عندي مشكلة تجاه البت ،، بس هم بعد يعرفوا وضعك حيرضوا !! ما اظن في اهل بعرسوا بتهم لشخص ما مسؤول عايش على مصاريف ابوه لاسي!! ،،حتى لو وافقوا انت بترضاها ،،، بترضى تأكل مرتك و اولادك و تقعد عاطل كده ،،!!! اي شي في البيت ده حقكم بس كمان بفرحني اولادي يعتمدوا على نفسهم !!
هزيت راسي و طلعت منه ،،،، اكذب على نفسي لو قلت حصل فكرت كده ،، رؤيتي لمستقبلي ما واضحةة ،، بس كمان ما وصل بي التفكير لعرس و زواج و كيف حاعيشهم ،، عطالتي ما عجباني بس على الاقل بتخصني برراي ،، لو عرست حتكوون محيطة بيهم برضوو !!!
مشيت و رجعت الغرفة ،، الضيوف صحو و الجوطة الفي البيت رجعت ،، لقيت سيف و معاهو اولاد خلاتي قاعدين في الغرفة بشربوا شاي قعدت معاهم و الونسة جرت ،، واحد من الشباب قال : ياخ العرس ده سمح اول اسبوع بس تاني عينيك تشوف النور بس .. اسألوا حمادة ده
حمادة عاين و قال و الله نكد على قلبي زي العسل ،،، اي علاقة بتمر بفتور و ملل بس لحظات و بتعدي ،، صحي المرآه الصالحة متاع المسلم ،، صدقوني ما حتفهموني الا تعيشوه و تتزوجوا و تشوفوا اولادكم !!
سيف نط بحمااااس : الله اكبببببببببر !!!! ياخ انت اكتر زول فاهم ،،، لااازماني قعدة معاك عشان اسرع بالعرس،،، تصدق انا نازل من الشغل مخصوص عشان اعرس!! عايز اكون اسرة و عايز زول اشاركه تفاصيلي ، فترت من العزوبية دي انا ،،
كلهمم ضحكووووا على كلامه ،، عاينت ليهو باسف ،،، سيف صحبي ده لو الموضوع بيدي كان عقدت ليهو على وفاء اختي ،،، سيف بقدس العلاقات الأسرية،،، بحب جو الاسرة و اللمة دي ،، يمكن عشان كان محروم منه ،، صحي فاقد الشي يعطيه بكثرة ،،، ليه ما اسألو و اشوف رأيو بوفاء!!! يمكن هو محرج عشان هي اختي يعني!! و لا في بت تانية!! هههه بهظر انا لو في بت تانية كان عرفت زمااااان ،،،،،، عموما ح اسأل وفاء اول بعدين اشوفه هو و بدل فرحة تبقى ليناا فرحتييين ،،،،
على سيرة الفرحة ،،، محمد اخوي ما لاقيته من امبارح من لحظة طلع بسسسرعة ديييك ،،، مالو ياربي!! تكون العقرب ديك نادته !! لكن ما شوفتهم مع بعض !!
