قعدت في اوضتي زي نص ساعة و نزلت تحت تاني لقيت امي ماسكة الونسة مع وفاء و صحباتها ديل و الغريبة كان في انسجام بينها و بين مرام دي... وقفت مسافه و فجاءه جاتني لبعة في ظهري كانت من محمد اخوي و قال لي قبضضضضتككككك بتكشف لمنو عاين للصالة و رجع قال لي اكيييد دي البت الجديدة دي لانه داليا ليها سنين بتجي و ما كنت بتعمل كدا 😉 قلت ليهو لالا ياخ ما كدا ياداب نزلت عشان كدا.... قبل اكمل كلامي سحبني من يدي و دخلنا جوا سلم على البنات و قعد فانجبرت اقعد .. قامت امي قالت محمد دي مرام بت حاج النعمان صالح قال ليها لالا ياخ و قام سلم عليها تاني و سال من ابوها طبعا انا الوحيد الكنت ما فاهم شي فقام محمد قال لي طبعا حاج النعمان دا كان شغال معانا في الشركة قبل اربعة سنة بس استقال منناا و تاني اخبارو انقطعت مننا و عاين لمرام كيف هو عليك الله و امورو شنو ؟؟ ردت ليهو و الله ابوي جاهو سكري و ضغط عشان كدا اخوي الكبير اصر انه يرتاح في البيت و هو بمسك المصاريف و بعد اصرار حتى ابوي رضى و رغم كده فتح محل اسبيرات 😂 و بعديها طوالي رحلنا من بيتنا الزمان داك عشان يكون قريب من محلو ... محمد قال ليها يااخ الحمدلله ابوي طبعا ح ينبسط شديد بالخبر دا اديني رقمو بالفعل ملتو الرقم و سجلوو انا كنت مكتفي بالسكوت و النظرات و هي طبعا ساعدتني في الحته دي لانها ما بتعاين لي أساسا كلامها مع امي مع وفاء مع محمد مرة في الاخر تاني امي قالت لينا امشوا اتغدوا بهناك مشينا و خليناهم عايزين يتغدوا.... في صينية الغداء كنت قاعد مع محمد و قبل نبدأ ايمن جاء و قعد سأل من امي و وفاء ما عايزين غداء؟؟ محمد قال ليهو صحبات وفاء قاعدين عشان كده .. قال صحباتها منو؟؟ رديت ليهو داليا و وحدة اسمها مرام و اتعمدت اعاين في عيونه شديييد و انا بقول كده هو ما علق و ما رد .. بعد اتغدينا محمد طلع و ايمن رقد في الكنبه قال تعب شديييد و غمض عيونه انا فتحت التلفزيون بقلب في القنوات
بعد دقايق جاتني امي و قالت لي فارس قوم وصل البنات ديل ... طبعا امي طول عمرها ضيوفنا بتخلي السواق يوصلهم بس الليله كلفتني انا بالمهمة دي معناتها اكييد بترمي ليها في رمية الله يسترنا منها ... قبل اجاوب عليها نط ايمن و قال انا بوصلهم اصلا عندي مشوار... الغريبه ايمن دا قبل شوية بس كان بقول تعبان و عايز ينوم بس شكلو عندو حاجة لداليا صحبة وفاء دي و يمكن انا الوحيد الكنت ملاحظ للحاجة دي ههه يمكن لاني الوحيد الما عندي شغلة تشغلني 😂😭💔 امي قالت ليهو بس انت تعبان قال ليها لالا ماف مشكلة امي سكتت و عاينت لي كدا من فوق لتحت و مشت
بعد دقايق البنات طلعو و ودوعنا و ركبو معاهم وفاء قبل يتحركوا عمر جاء نازل و سلم عليهم سلاام ظرييف كده و مسك بيهم زمن يتكلم في شغلو الغريب ده لحدي ما في الاخر قال يلا ما اخركم اتفضلوا و بالفعل اتحركو...
اول ما دخلنا جوا امي مسكتنااا عاد يا يمة مرام بت الهنا و السرور الجمال و لا الزوق و لا طريقة الكلام و لا الثقاافه العندهااا و فوق دا طبيبه كمان ؛ عاااد حاج النعمان صالح ما هين جاب ليهو بت تسد عين الشمس البت دي اصلي ما بخليها تفوت مني عمر قال بزولتو و طلع منها بس لو ما بقت من نصيبك يا فارس تبقى من نصيب ايمن و لو خلاص فااتتكم تبقى نصيب ياسر ود اختي هالة .... قلت ليها يا امي كل حاجة قسمة و نصيب قالت لي اااااي بس انا ح اقوم بكل الاسباب و تاني بخلي القدر ياخد مجراهو ،،،، و فاتت غرفتها عمر جاء قال لي شد حيلك و الحق روحك شكلك كدا ح تكون العريس رقم 2 بعد محمد و ربت على اكتافي و فات 😂 ما اديت الموضوع اهمية لانه امي دا حالها بعد كل بت بتتعرف عليها جديدة .. و طلعت غرفتي و رقدت نومت
