دعينا نلتقي في حُلمٍ ما ،
نُمسكُ بأيدي بعضِنا ..
ونتعاهدُ على أن لا نصحو ،
نختبئُ خلفَ شجرةِ صنوبرٍ ..
ونبقى هُناكَ إلى الأبد !
- إبراهيم السيد.
______________________
بلسان فاارس :
ابو مرام حتى لو ما قاصد فهو ختاني في موقف لا احسد عليه.،،،، يعني حياتي و عمري ما اتختيت في موقف زي دي ابوووي حمر لي بطريقة لمن عرفت شي بقيت ابلع في ريقي و بدعي الثبات ... سيف حاول يادرك الموقف و قال و الله امبارح كنا بنتكلم في كده و قلنا الكرامة تخلص و نظهرر عليكم ،،، ابو مرام بضحك قال لينا استغفر الله ياولدي انا كنت بهظر و الله ما قصدي شي هههه ،،، عمي الكبير ادخل و قال : ماف حاجة اسمها كده ولدنا ده مش اداك كلمة؟! معناتها يبقى قدرها .... و لا شنو يا يا يوسف؟! ابوي عاين لي بانكسار و قال باحراج : ايوا صح ما عندنا راجل بنط من كلمتو ،،، الراجل كلمة هه ،
عم نعمان قام على حيلو و قال يجماعة انا ما بشحدو لبتي و كنت بس عايز اشغلها ليهو ما قصدي شي ،،، ابوي طوالي قال : العفوو يا حاج النعمان ،،، مرام بتنا ما هي البشحدوا ليهاا ،، و ولدنا لو ما كان باقي عليها ما كان اتكلم و سمعت صحبه قال شنو!!
سيف طوالي نط و قال : يجماعة هندا فارس قدامكم اسألوه و شوفوا رايوو
و الناس كلها التفت تعاين لي و بلحظة تملك و هووشة قلت ليهو : يا عم النعمان انا عايز بتك لنفسي المتواضعة ،،،، سيف و عمر طووالي صفرو و عمي قال : لو اتفقتوا اسي دي نعقد و نتم الموضوع ..
ابو نعمان اخد مسافة يفكر ،، بعدين جاء على اتجاهي و قال لي : بتي ما بلقى ليها الاحسن منك بس كمان لازم استشيرها و اشوف رايها هزيت ليهو راسي و قلت ليهو الله يكتب لينا الخير.
اعمامي و خيلاني اصروا يعقدوا و يجيبوا المأذون و بصراحة كده انا زاتي كنت عايز كده يعني كنت مبسوووط لدرجة بعيييدة جداً جداً بس ابو مرام كان مُصِر على موقف و انه لازم ياخد راي بته ،،، و ابوي ساكت ما علق كتير على الموضوع بس النظرات الكان بديني ليها بين الفترة و التانية عرفته ما ناوي يعديها لي على خير.
و طبعا خلاص انتشر في الاسرة اني عايز مرام و النسوان باركوا لامي و امي رغم زعلها من موضوع عمر بس فررحت شديد و اول ما الناس اتخارجت و مشت و بقينا قاعدين في الهول برانا حتى عمر رجع بيت صحبو قال جاء عشان خاطر محمد و عبير لو ما كده فالفترة دي كلها ما عايز يظهر ،،،، ،كنت قاعد و استلموني سيف و محمد حتى عبير سالتهم ياتو بت دي ياخ ما اتذكرتها ،،ايمن قال ليها كانت مع وفاء يااخ و جات باركت ليك مع امها و امي قالت ليهو ااا البت الحلبية ديك قال ليها لا دي داليا هي لونها اسمر شوية ،، قالت ليهو متذكراها طشاش طشاش لكن ما مشكلة بكره فارس يعرفني عليها و غمزت لي!
