فى مبنى الامن الوطنى
دخل فارس بهيبته المعتاده و ينظر اليه الجميع فى طريقه باحترام و هم يؤدون التحيه العسكريه
دخل مكتبه وجلس على كرسيه الان ليرن الجرس الذى على مكتبه ويدخل العسكري وهو يؤدى التحيه العسكريه و يدب قدمه بالارض ويقول: تمام يا فندم
فارس : ادى خبر للنقيب سامح خليه يجيلى
العسكري: اوامرك يا فندم
بعد قليل قد جاء سامح وجلس امامه لينظر اليه فارس بجمود
سامح باستغراب: فى ايه يا فارس! …بتبصلى كدا ليه
نهض فارس و هو يتحرك اليه بخطوات بطيئه مرعبه و هو يقول بهدوء مخيف : صااروخ هاااه
اتسعت اعين الاخر وقال بتوتر: والله ما اقصد انا ……
لم يكمل جملته بل تأوه بشده من لكمه فارس القويه له
مسكه بقوة من تلابيب قميصه وقال بغضب: لسانك الحلو دا اللى انت بتعاكس بيه هقطعهولك يااا سااامح
مسح الاخر فمه من الدماء وقال بابتسامه و هو ينظر الى فارس: بتحبها يا فارس
صمت الان و ظل ينظر اليه بتفكير وترك قميصه بهدوء
جلس على مكتبه مرة اخرى وقال بحيرة: مش عارف يا سامح
عدل الاخر ملابسه وقال له بهدوء: لا بتحبها ومتكدبش على نفسك … انت مش شايف غيرتك عليها و لا مش شايف نفسك و انت لاول مره فى حياتك تزوغ من الشغل وتروحلها الجامعه زيك زى شاب مراهق … مش شايف انك بقيت بتضحك و تهزر زى الاول و انت من ساعه وفاة حمزة الله يرحمه مضحكتش … يبقا حبيتها يا منشاوى
كان يطالعه باعين هادئه ولكن افكاره تتداخل فى بعضها بداخل رأسه بتشويش
نهض سامح و مال على المكتب نحوه و قال و ينظر بعيونه: لو كنت بتحبها يا فارس حافظ عليها
دق باب المكتب الان ودخل العسكرى و هو يقول: تمام يا فندم … فى وحده عاوزاك بره
لم يكمل جملته ليجد تلك الواقفه بالخارج تدخل
نظر لها سامح باعين متسعه … كانت ترتدى جيبه سوداء قصيره جداً قد لا تصل الى منتصف فخذيها وكنزة بيضاء بحمالات رفيعه تظهر اكثر مما تخفى وحذاء ذو رقبه طويله و تضع مكياج صارخ على وجهها
قالت بدلع: ازيك يا فارس
فارس بهدوء للعسكرى: روح انت
ليخرج الان ويغلق المكتب وينهض فارس بهدوء ويمدد جسده على الاريكه
اغمض عيونه وقال: خير يا شاهى … جايه هنا ليه
جثت على ركبتيها على الارض وقالت و هى تضع يدها على صدره باغواء: وحشتنى
ابعد يدها عنه وهو مازال مغمض العينين وقال بحدة خفيفه:عاوزة ايه يا شاهى
شاهى بلهفه:بقولك وحشتنى … اي رايك تجيلى الشقه النهاردة ونسهر سوا
فارس بجمود: مليش مزاج
أنت تقرأ
عشـــق بــلا نــــهايــه
Acakليمسك بها من ذراعها ويهزها بعنف وهو يقول بعصبيه مُفرطه: انتى اتجننتى فاكرة نفسك ف امريكااا يا بتتتت ...لازم تعرفى انك هنا فى الصعيد ضُفر رجلك مفيش راااجل يشوفه لكن ايييه بقاااا حضرتك خرجتى قدام البلد كلها وفضحتينا باللبس اللى يجيب العار دا ...وانا س...
