عند فارس و جوليا
ظل يفكر لدقائق ليقول أخيراً: مفيش غير حل واحد … هاخدك اوديكى القاهره عند ماما دا المكان الوحيد اللى هبقا مطمن عليكى فيه
جوليا بتلقائيه: امك!!؟ هى امك لسه عايشه
نظر اليها بنصف عين و هو يمنع نفسه من الضحك لتنتبه هى وتقول: سوورى مش قصدى … بس اول مره اعرف انها عايشه
فارس بتوضيح: اه يستى امى مش متوفيه و لا حاجه … كل الحكايه بس انها اتخانقت مع ابويا من سنتين و المشاكل وصلت للطلاق خدت اختى و سا……
اشارت اليه جوليا بسبابتها وقالت بذهول: انت عندك اخت تانى غير مصطفى
مسح على وجهه و قال: اه اصغر منى انا ومصطفى و هى لسه فى الجامعه بتدرس … تقريبا ادك كدا عندها واحد و عشرين سنه
جوليا: اولا انا عندى عشرين اصلا ثانيا انا معرفهمش اصلا و لا هما يعرفونى هقعد معاهم ازاى
فارس: يا جوليا قولتلك مش هقدر اطمن عليكى هنا لوحدك … طب اى رايك اخلى جومانا تيجى تقعد معاكى
جوليا سريعاً: لاااا مش عاوزة … خلاص موافقه على ممتك
فارس بدهشه: كنت فاكرك هتوافقى يا جوليا ان اختك تبقا معاكى
جوليا: هى مش هتوافق و انا مش عاوزة بصراحه … خلااص هنروح عند ممتك … انت مسافر امتا
فارس وهو ينهض: بكرة بالليل … يعنى نصحى بدرى بكرة الصبح عشان نلحق نروح القاهرة
نهضت هى وقالت: حاضر … احضر معاك الشنطه
فارس برقه: لا يا حبيبى ارتاحى انتى و يلا على النوم و انا هحضرها بنفسى
جوليا بتصميم: لا هحضرها معاك … يلاا
بعد فترة
كانت تقف معه بأعين متسعه وهى تشاهد كم الاسلحه المختلفه الانواع و الاشكال
اتسعت عيونها اكثر و هى تراه يعيد تركيب الاسلحه الكبيرة باحترافيه شديده
لينتبه هو لها و ينظر لعيونها التى تحدق به بذهول
ترك ما بيده و اقترب منها وقال: ايه مالك
جوليه بصدمه: انت ازاى بتعمل الحجات دى
ضحك هو وقال: يا حبيبتى انتى مرات اكفئ ظابط فى الامن الوطنى … لازم تتعودى انك هتشوفى الحجات دى كتير
جوليا بنفس وضعيتها: مانا عارفه بس الحجات دى مش بتخاف منها خالص … يعنى ازاى بتفكها وتركبها من اول و جديد
اشار هو لبعض الاسلحه و قال: الاسلحه دى لازم اركبها كويس عشان هما دول اللى بحتاجهم فى العمليه … يعنى دى بندقيه آلى … و دا سلاح فيه ليزر و عدسه عشان بنشن بيه على الهدف و دا ……
أنت تقرأ
عشـــق بــلا نــــهايــه
Randomليمسك بها من ذراعها ويهزها بعنف وهو يقول بعصبيه مُفرطه: انتى اتجننتى فاكرة نفسك ف امريكااا يا بتتتت ...لازم تعرفى انك هنا فى الصعيد ضُفر رجلك مفيش راااجل يشوفه لكن ايييه بقاااا حضرتك خرجتى قدام البلد كلها وفضحتينا باللبس اللى يجيب العار دا ...وانا س...
