عشـــق بــلا نــــهايــه

الفصل *27*

فى قصر المنشاوى

تحديداً فى غرفه جومانا

فى صباح اليوم التالى … استيقظت بنشاط و هى تطالع الساعه فكانت تشير الى السابعه صباحاً …نهضت الان و نعمت بحمام ساخن و تخرج بعد فتره و تبدا فى ارتداء ملابسها

بعد فتره

كانت تقف امام المرآه و هى تضع لمساتها الاخيره على ملابسها لتسمع صوت دقات على الباب و تقول:  ادخل

انفتح الباب و دخل مصطفى الان و وقف مكانه و هو يطالعها بانبهار
كانت ترتدى جيبه رماديه ضيقه نوعاً ما تصل الى ما بعد الركبه بقليل و يعلوها جاكيت رمادى تحته قميص ابيض ناصع البياض وتفرد شعرها بحريه على ظهرها و تضع القليل على شفتيها من احمر الشفاه الوردى و ترتدى حذاء اسود عالى الكعبين يليق بملابسها

اقترب منها مصطفى و هو يطالعها بذهول ليقول بانبهار: اي الجمال ده

جومانا بسعادة:  بجد شكلى حلو و يليق على الشغل كدا

ضم خصرها و قربها منه وقبل وجنتها بحب و همس:  انتى جميله فى كل حالاتك يا حبيبى

ضمته هى بسعاده و قالت و هى مازالت على نفس وضعيتها: مش مصدقه يا مصطفى انى خلاص حققت حلمى و بقيت باش مهندسه اد الدنيا لا و كمان هشتغل فى اكبر شركات فى مصر … خرجت من حضنه و قالت بحب و هى تضع يدها على وجنته … و اللى مفرحنى اكتر انك معايا يا مصطفى

ضمها الاخر مرة اخرى و قبل عنقها بنعومه و هو يستنشق رائحتها التى سلبت منه انفاسه و قال بهمس: انا طول عمرى هفضل معاكى يا حبيبتى

لتبعده هى بخجل و تقول بتوتر: يلا عشان هتاخر

ابتسم عليها وجذب يدها و انطلق بها الى الاسفل

دخلوا غرفه الطعام و قالوا سويا: صباح الخير

نظر اليهم الجميع و ردوا تحيتهم ليجلسوا الان ويبدا امجد

امجد بابتسامه: هاااه يا حبيبتى … جاهزة لاول يوم شغل النهارده

عز بضحك: يا اخى شغل ايه عااد … لازم تتدرب الاول

جومانا سريعاً: لا انا مش عاوزه تدريب عاوزه اشتغل على طول

مصطفى: يا حبيبتى مش هينفع لازم تتحطى تحت التدريب على الاقل شهر

جومانا بقله حيله: امرنا لله بقا

ضحك والدها و قال: اصبرى بس لسه التقيل قدام بس اللى ميتعبش

ليرن هاتف عز الان و يجد المتصل ياسمين …ليرد سريعاً

عز: الووو … ازيك يا بتى

ياسمين ببكاء: انا مش كويسه خالص يا بابا

عز بقلق: ماالك يا ياسمين … حصل ايه