عشـــق بــلا نــــهايــه

الفصل *36*

الفصل *36*

مصطفى بتساؤل: اومال فين جوليا يا فارس

فارس ببرود: نايمه و تعبانه

طارق: إحم ...بس جومانا كانت جايه عشان تشوفها

نظر فارس لجومانا و قال بجمود: معلش مقدرش اصحيها عشان تقابل حد ...مش مستاهله اصلاا

طالعه الجميع بصدمه من كلامه و ادمعت عيون جومانا و نكست راسها باحراج و قالت بخفوت: بس انا كنت عاوزة اء

جلس فارس و وضع ساق فوق الاخرى و فرد ظهره على الكرسى باريحيه و قال ببرود: و انا قولت ان جوليا نايمه و مقدرش اصحيها

نهض مصطفى بعصبيه و قال: فيييه ايييه يا فارس ما تحترم اننا فى بيتك

نظر له فارس و قال بجمود و هو ينظر الى جومانا: هى السنيورة مقالتلكش هى عملت ايييه

نظر مصطفى الى جومانا ثم الى فارس الجالس بجمود و قال بهدوء: جومانا كانت جايه عشان كدا ...عاوزة تتكلم معاها بهدوء

همست نوارة لطارق: هو فيه ايه يا طارق

طارق بهمس: مفيش يا حبيبتى دى مشكله بين جوليا و جومانا

نهض فارس بقوة و وقف امام مصطفى و قال بعصبيه: هدوء؟! هدوء اى اللى حضرتك بتتكلم عنه ... انت عارف كويس هى عملت ايييه و انا لحد دلوقتى محترم انها فى بيتى عشانك و عشان طارق بسس لكن غير كدا كان هيبقالى كلااام تااانى معاها

نهضت جومانا و قالت برجاء و نبرة باكيه: عشان خاطرى يا فارس ...ارجوك انا عاوزة اشوفها ...خمس دقايق بسس و همشى من هنا مش هقدر اسيبها كدا

فارس بسخريه: اااه فعلاا مش هتقدرى تسيبها كدا بس قدرتى تجرحيها

جومانا بندم: انا عارفه انى غلطت بس كان غصب عنى ... كنت متعصبه و مكنتش عارفه انا بقول اييه صدقنى

فارس بشراسه: يا حبيبتى متعصبه على نفسك انما مررااتى لو حد زعلها بكلمه أقطعله لسانه خاالص و ارجع اقولك تاانى انا محترم انك فى ييتى عشان اخويا و انا قولتلك امبارح مترنيش عليها و لا تكلميها تاانى

كاد ان يتحدث مصطفى و لكن اقترب منه طارق و قال بهمس: تعالى عاوزك لوحدنا

نظر له فارس ثم قاده للشرفه حتى اصبحوا بمفردهم

طارق بهدوء: يا فارس خف العصبيه بتاعتك دى انت لحد امتا هتفضل كدا

فارس بنفاذ صبر : عصبيه اي اللى اخفها انت كمان ...انت عندك علم باللى حصل دا اصلا

تنهد طارق بضيق و قال: ايوة مصطفى قالى

فارس : حلووو اووى المفروض عاوزنى اعملها اى ...اقولها اتفضلى يا برنسيس جومانا بيتك و مطرحك

لكزه طارق بكتفه بضيق و قال: مفيش فايدة فيك ...ما تهدا شويه

اوما فارس ببرود و قال: انا زى الفل اهوه اتفضل حضرتك كمل