عشـــق بــلا نــــهايــه

الفصل *17*

فى الاسكندريه

عادت جوليا مع فارس الان الى الشقه وابدلت ثيابها وارتدت بيجامه عليها صور كرتونيه لاميرات ديزنى وخرجت من غرفتها ورأته يقف يتحدث فى الهاتف بعد ابدال ملابسه ... كان يرتدى بنطال اسود وتيشرت من اللون الرمادى ضيق يبرز صلابه صدره القوه وعضلات ذراعيه

انهى المكالمه واقترب منها وقال برقه: تحبى تتعشى دلوقتي ولا بعدين

جوليا وهى تعقد حاجبيه: ليه هو انت اللى هتطبخ

فارس: اومال فاكرة انك هتقومى من السرير اصلا ... انتى شوفتى الدكتورة قالت ايه

جوليا: بس مش لدرجه انى مقومش من السرير خالص يعنى

فارس بابتسامه: لا يستى انا مش عاوز اتعبك

جوليا وهى تعقد ذراعيها الى صدرها: هو الباشا معندوش شغل اليومين دول ولا ايه

فارس باستغراب: اشمعنا

جوليا: أبداً اصلى لما كنا فى القصر كنت بلاقيك داخل خارج على الشغل لكن انت بقالك يومين كدا

نظر اليها بنصف عين وقال بتحسر: يا شيخه حرام عليكى دانا خدت الاسبوع دا بالعافيه من اللواء عشان قولتله هتجوز ... تيجى انتى وتقوليلي خارج امتا على الشغل

كتمت ضحكاتها بصعوبه وقالت بحده خفيفه: طب يلا بلاش عطله واعملى العشا

طالعها بعيون متسعه و رفع كلتا حاجبيه لتقول هى ببرأئه: ايه!؟ مش قولتلى ارتاحى وانا هعملك العشا ... يلا يا خفيف اعملى العشا ... وبسرعه هاااه

ذهبت من امامه وظلت تمشى بغنج وهو يقف يطالعها كما هو ليقول وهو يجز على اسنانه: صبرنى يا رب ... انا اللى جبته لنفسى

ليأتيه صوتها من الداخل: بتبرطم؟

فارس وهو يتجه الى المطبخ: لا ياختى حد الله مش ببرطم

دخل الى المطبخ وبدا بتحضير الطعام وهو يحدث نفسه ويجز على اسنانه بغضب: بقاا فارس المنشاوى يقف فى المطبخ ... دانا الستات كانت تترمى تحت رجلى دلوقتي اقف فى مطبخ

توقف عن الكلام وهو يسمعها تشاهد شئ بالتلفاز
خرج الان للصالون ونظر اليها ليجدها تجلس ببال مُريح وتضع ساق فوق الاخرى وبجانبها طبق من سلطه الفواكه وكوباً من العصير بالاضافه الى عدة انواع من الشوكلاته ... ظل يحدق بها وهو فاغر فاه لا يصدق ما يحدث

انتبهت هى له لتراه يقف ويعقد ذراعيه على صدره وهو يرتدى مريول المطبخ وشعره اصبح اشعث ويحدق بها وهو عاقد حاجبيه بنفاذ صبر
لم تتمالك نفسها وظلت تضحك بصخب وهى تقترب منه
فارس بغضب: ممكن تفهمينى ايه اللى بيضحكك

جوليا بضحك: اصلك متتخيلش شكلك حلو اد اى وانت بلبس المطبخ ... فارس المنشاوى بتاع الميرى والبدل الرسميه بقا لابس مريله مطبخ