لا يوجد لقاءات عبثية في الحياة، كل أنسان تصادفه هو إما اختبار أو عقوبة أو هدية من الله .✨❤️
‿︵‿︵‿‿︵‿︵‿︵‿
الكاتبة فاطمه علي
روح : استلمت النتيجة الحمدلله ناجحة بس نور راسبه متت قهر عليها تمنيت لو اني الي راسبه ولا هيه كلش ضاجت شفت الدمعه تفتر بعينها
سيف : نور لا تضوجين ان شاءالله تقرين وتعوضين
نور : ان شاءالله
روح : من رخصتك سيف انريد نطلع
روح : نور شفتي وين وصلتج سوالف الحب والخرابيط
نور : وهاي شعليها بهاي
روح : لا شنو شعليه بليل تسهرين ونص المحاضرات ما ادخلين عليها هذا همالج
نور : روح فدوه لعينج لا تزيدينها عليه
روح : سكتت لان شفتها كلش مقهوره
خلص اليوم بالكوه بين الكلية ورجعنه احنه وبنات عمو نظفنه البيت كله
ثاني يوم عادي بين المحاضرات وسيف ونور الي عبالك طيور الحب
وعادل كل يوم اشوفه هوه وابنيه يجون يم سيف الي عرفته هوه ابن عم سيف والبنيه اخت سيف بس قليل اشوفها
صار مرات يحجي وياي بس اني ابد ما ارتاحله
راحت ايام واجتي ايام عادي سيف ونور صارت علاقتهم اقوى والي عرفته راح يتقدملها قبل نهاية السنه والزواج بالعطله
اني فرحانه لــ نور من كل گلبي وسيف هم لان طلع صدك يحبها
نور : اكولج مدام باجر عطله ليش ما نروح لــ بغداد ونسويها مفاجأة لــ بابا وماما
روح : لا خليها على رأس السنة
نور : تمام يله كومي هسه محاضرة حمااااايه
روح : الحمدلله اي والله اني مستغربه شلون راح تعيشين وياه بنفس البيت تره اني بالقاعة وما جارعته
الله يساعدج انتي
نور : شبيج صح هوه شويه عصبي ومخنزر علينا دائماً بس والله حباب
روح : يمعوده خلصينه وكومي لا تلقين بي شعر
نور : اي صار بامرج
روح : دخلنا للمحاضرة واجه ورانه دكتور طيف
بده بالمحاضرة ما اعرف شنو الي جذبني لهذا الرجال شكله رجولي وطريقة كلامه كلش حلوه ومن يخطف من يمي ريحته تجنن انتبهت لــ نفسي
روح هاي شبيج اصحي شكو تره نفسه هذا الرجل الحديدي والمعقد
طيف : راح اخذ من وقتكم كم دقيقة
ارجع واكول لا تضيعون هاي الفرصه من ايدكم وشنو تحتاجون شي يخص الماده اني موجود وان شاء الله ما اقصر وياكم تمام
و بعد يومين عدنه امتحان اتمنى تركزون
بالتوفيق للجميع
روح : اول مره من يخلص اضوج اتمنى يبقى موجود ولا يروح يطلع
نور : يله روح وين صافنه
روح : هااا لا ما صافنه بس اشويه افكر بالامتحان
سيف : هوه انتي شاطره عليمن تفكرين
روح : بس اذا ما اقره واركز طبيعي ارسب
نور : لا ان شاءالله كلنه ننجح
روح : اذا تريدين تنجحين عوفي سوالف الموبايل تالي الليل
سيف : هسه هاي السوالف راح ترسبنه تره والله الاسئلة صعبه كلش
روح : لعد كول لاخوك يسهلها شويه
سيف : لا دخيلج كلشي ولا دكتور طيف
