“ أرىٰ في عَينيها العُزلـة التي أعيشُها تماماً.. ”
مظفر_النواب💙
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : وصلنا بيت نور هوه فتح الباب دخلنه اني ودعاء بس البيت كله هوسه ومتروس غراض لازم يتعزل بلشت دعاء اني ما اكدر بفستاني ضليت متقيده وهوه واكف
طيف : اباوع عليها ما تتحرك واكفه بس مثل مستحيه
روح : انته روح اذا عندك شغل احنه من نكمل نخابرك
طيف : ثبتت متقيده مني........ جا خوش اني راح اسد الباب عليجن من تخلصن خابريني
روح : تمام....... اريده بس يطلع...... اول ما راح بدلت ملابسي وبلشت ويه دعاء صفينه الغراض كلها وراها بلشنه بالمطبخ و الغرفه والحمام كلهن رتبناهن ضلت بس الاستقبال وفرشت العرس مال الجربايه
دعاء : روح انتي ضلي واني طالعه اجيبها يمكن عفتها بره وما دخلتها
روح : بس ما اعتقد موجودة بالطرمه لان قبل شويه عزلتها
دعاء : مستحيل بيدي دخلتها
روح : اذا ماكو عوفيها خلي نكمل الاستقبال
دعاء : يله اني، راح اسوي جاي وانتي اسبقيني
روح : اوكي........ نظفتها ودعاء جابت الجاي شربنه وراها غسلت الشباك والباب عدلت التخم مال القنفات ضلت بس البرده
روح : دعاء اني راح اصعد اعلك البرده وانتي شوفي شنو بعد عدنه شغل
دعاء : تمام
روح : صعدت على الدرج ومشغوله بالبرده لان كلش ثكيله واني لوحدي وشويه عندي خوف من المرتفعات فه مرتبكه حسيت واحد يباوع عليه كلت يمكن دعاء ماعدها شي واكفه ورايه ......... عيني تعالي شيلها شويه من جوه مجاي تصير وياي
﹏﹏﹏﹏﹏﹏﹏﹏﹏﹏﹏﹏﹏﹏
طيف : من طلعت منهم رجعت للبيت كعدت يم امي وابوي ضال بالهم يم سيف خاف ما يتحمل مسؤولية لو ما يتفق ويه زوجته بس اني كتلهم صار رجال وكد هاي المسؤولية..... كاعد اسولف ويه ابوي على وضع السياسي خابرت دعاء ناسيه فرشت العرس بالسيارة ولازم ارجع حته يفرشنها
اول ما دخلت للبيت تعجبت شلون كدرن يرتبن هذا الانقلاب والله النسوان احسن من يمنه احنه صار شهرين بس انجيب غراض وانذبهن........مره وحده من طلعو منه العمال غسلناه بسرعه ...... دخلت للبيت وشوف وحده لابسه برموده بس دخيل العباس شنو من جمال يعني اني صفنت
صاعده على الدرج البرموده سوده وهيه بيضه طالعه كيكه
الشعر طويل لافته مثل الكبايه شويه نازل على وجهه مزيدها جمال
يمكن ما شافتني اباوع عليها امبين الخوف والارتباك
عبالها دعاء
تريد واحد يشيل البرده الها رحت شلتها وباوع عليها شلون مركزه وصافنه وبنفس الوقت تخبل بداخل گلبي وكلت فدوه شكد حلوه انتي
روح : دعاء هاي البرده شلت حالي هاي شنو كولش تعبت بس هيه لوه مثل نور
طيف : خاف اجاوب وتكمز بقيت ساكت
روح : يله هسه خلصت بس وداعتج هذا التعب اله اطلعه من عيون نور العوبه...... باسم الله الرحمن الرحيم........ استغفر الله انته منين طلعت
طيف : شبيج شفتي جني
روح : نزلت من الدرج .........خفت منك انته شوكت اجيت
طيف : قبل شويه اجيت دعاء خابرت علمود الفرشه
روح : نتبهت اني بالبرموده......... عزااااا العزاج روح ...... اشرد
طيف : انتبهت على روحها والوجه صار طماطيه وشردت
دعاء : هااا خويه رجعت
طيف : اي هاي الفرشه اروح لو انتظركم
دعاء : لا بعد ماعدنه هوايه شغل
