اعلى شوگي
ونفس جفني ليتانيك
أحـن ولزعـل ما منطـي لزمـة ..
ايهاب المالكـي
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي 🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : شلونك
طيف : وشلون يصير الي ينكسر ضهره
روح : لا تكول هيج خالتي راح تصير زينه بس انته خليك قوي
طيف : روح امي هدت حيلي
روح : اسم الله عليك.......
طيف : انتي شلونج
روح : ....... زينه
طيف : ان شاء الله.........
روح : راح ادخل اشوف خالتي
طيف : تمام ............مرت عليه ايام ما اتمناها للعدو امي مريضه و ما بيدي شي عليها .....البيت وابوي وخوتي كلهم محتاجين اطمنهم وما اخليهم ينهارون بس اني منو الي صرت اروح للبيت بس ابدل ملابسي وارجع ايام تجي زوجة حسام ويه امي و ايام تجي نور هيه هم خطيه عدها طفل ........ كمت ما احس بالدنيا كلها نهاريت منا ياسر عبالك طفل يجي يخلصها بجي لو ابويه باليوم مره لو مرتين يصعد عده السكر و اني بين امي وبينهم ........ جنت محتاجها محتاج اشوفها محتاج اكلها شكد تعبان........ من اجتي وشفتها احس نص تعبي نشال مني.........
احمد : خويه شنو تحتاج احنه اخوتك
طيف : اريدك سالم ان شاء الله
احمد : ما يردك بس لسانك
طيف : ان شاء الله ما تقصر يا بعد روحي
سعاد : يله احمد نروح خطيه هم ام حسام تعبانه ما يصير نطول يمها.......
احمد : يله
سعاد : ماما روح تبقين لو ترجعين ويانه
طيف : ...... سويت نفسي ملتهي بالموبايل
روح : لا ماما ابقى يم خالتي
سعاد : بارك الله بيج ابنيتي هاي امج لا تكولين خالتي..... ماما بعد ما اوصيج ديري بالج عليها
روح : تمام ماما
طيف : ما توقعتها تبقى بس كلش فرحت المهم بقت
روح : خالتي كلش تعبانه كمت انام وياها ضليت يومين وراها كال الدكتور حالتها مستقره بس لازم بالاسبوع مرتين مراجعه ..........خذناها للبيت
اول ما دخلت هاي شصاير بالبيت صح مابي وصاخه لان زوجة حسام تجي بس مو نفس ما هوه
دخلت خالتي للغرفه مالتها وبلشت تنظيف وترتيب وتعزيل حتى الثلاجه غسلتها من الضهر لحد ما صارت بـ9 بليل اني على نفس الركضه
اخير شي غسلت الحوش جاي الم الصونده دخل طيف بيده عشاء جايب من بره
طيف : الله يساعدج
روح : تسلم ويساعدك
طيف : يله كافي جبت عشاء انتي اليوم ما اكلتي زين
روح : عادي المهم البيت يضل نضيف خاف يجينا خطار
طيف : امي كعدت
روح : اي وهسه يمها ياسر
طيف : خوش اني صاعد اسبح
روح : واني راح اخلي عشاء....... بديت احضر بالسفره لتمينه كل احنه بقه بس هوه فوك... بيت حسام اليوم ما اجوي بس حسام يكول لان الجهال وكحين وامي مريضه
ماجد : بويه روح ليش طولتي يم اهلج هلكد بدر من يمنه شي موزين
روح : لا بويه العفو بسس........
طيف : بويه صارت مشكله اني وياها واني صحيت عليها وهيه زعلت وراحت
ماجد : ليش بويه طيف مو كتلك مريتك زينه
طيف : بويه بعد صارت
ماجد : بويه روح اني هسه زعلت عليج
روح : ليش عمو
ماجد : يزعلج طيف تجين عليه مو تعوفين البيت .... بويه روح بعد ما تنعاد
روح : صار بويه
ماجد : الله يرضه عليج يا بويه ... احنه هم تعبناج من اجيتي من المستشفي وانتي تركضين تنظفين
روح : بعيوني يابه هذا واجبي....... بدينه نتعشه بس اني من التعب وقلة النوم احس راح اوگع ..... بيه مابيه لميت السفره و سويت چاي وراها غسلت المواعين ..........دخلت على خالتي لكيتها نايمه
