اميرتهن ترى المفروض
تتقدس تفاصيلج
وارتب شعرج بـ أيدي
وابوس ايدج واغنيلج
واذا صابج تعب نامي
حبيبج باقي يدعيلج🖤🔥..
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : وصلنا البيت كعدت بالصاله
كلهم تحمدولي على السلامه عمو ضل يحجي عليه غير انتبه وخالتي هم خطيه مقهوره عليه دعاء جابتلي عصير علمود الضغط. ....... وره شويه بده الوجع شويه شويه يقوه بديت اتوجع ما اكدر احجي استحي منهم
طيف : بيج شي
روح : اريد اصعد الغرفه
طيف : تغدي واصعدي
روح : لا ما اريد.... اريد بس اصعد فوك
دعاء : لازم تتغدين حته تاخذين العلاج
روح : دعاء والله ما مشتهيه ما اريد
طيف : امبينه متوجعه....... زين بشرط تصعدين تاكلين
روح : تمام....... ضليت جوه بس على اعصابي اخير شي صارت تنزل دموعي واني امسحهن بهذا الوقت انقهرت على نفسي جنت محتاجه ماما اريد اخلي راسي بحظن ابويه وابجي بحظنه واشكيله على كلشي صاير وياي ردت ماما تعرف بنور شلون تعاملني
طيف : روح ...... اذا متوجعه اصعدي........ نقهرت عليها واني اشوف دموعها عشره عشره
روح : صعدت غسلت وجهي...... ردت انزع الدشداشه ما كدرت
دعاء : يله جبت اكل حته تاكلين وتاخذين علاجج
روح : دعاء اريد اغير ملابسي اريد البس دشداشة قصيره
دعاء : يله تعالي
روح : غيرت ملابسي ارتاحيت كعدت على القنفه
دعاء : اجيبلج بعد عصير
روح : لا ما اريد...... هاي كافي شبعت.... شكراً على وكفتج وياي
دعاء : انجبي شنو هل حجي انتي اختي
روح : تسلمين حبيبتي ....... اكولج دعاء انطيتي الخبز لياسر حته ياخذه لبيت سيف
دعاء : لا والله نسيت لتهيت بيج والهبطه نسيت شغلة الخبز كلها
روح : لا فدوه انزلي كوليله خلي ياخذه خاف ماعدهم خبز للغده
دعاء : تمام وانتي حاولي تنامين .... وهسه اكول لــ طيف يجيبلج العلاج
روح : تمام ......... تحركت خطا نسيت ايدي ولجمت شاغت روحي صرخت من الوجع
طيف : جاي ادخل للغرفه سمعتها صاحت وچ يمه لحكيلي............. غير على كيفج
روح : ما ادري ضربت ايدي بالقنفه
طيف : كافي هسه تاخذين العلاج وتصير زينه
روح : توجعني متت احس روحي جاي تطلع من عيوني
طيف : اخذت العلاج وبعدها تبجي........ ما صرتي زينه
روح : لا توجعني....... 🥺
طيف : حته بعد تكعدين وتسكتين وتعوفين الخبز
روح : ضليت ساكته مابيه حيل لاي كلام
طيف : حاولي تنامين
روح : اي راح اخلي فراشي بلكي انام
طيف : عوفي الفراش تعالي نامي على الجربايه
روح : هاااا لالا ماكو داعي انام على فراشي
طيف : لا تخافين اني راح اعوفج لوحدج بالغرفه
روح : تمام
طيف : طلعت من الغرفه رحت كعدت بالمكتب مالتي بس بالي يمها وره ساعه رجعت شفتها بعد ما نامت
رجعت للمكتب صارت المغرب رحت شفتها كاعده على القنفه
طيف : هااا ما نمتي
روح : لا ما كدرت توجعني
طيف : نروح للمضمد
روح : لا عفيه ما اريد
طيف : بس لازم اداوينها
روح : اخلي دعاء اداويها الي
طيف : يله تعالي انزلي جوه شويه تنسين
روح : اوكي بس
طيف : شنو محتاجه شي
روح : لا بس يعني مو هاي الدشداشه قصيره
