رشيته گبرك مــاي بالچي الــلــه وتعود)
(ماريدك انت تصير م̷ـــــِْن حصت الدود)
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمة علي
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
رحنه دخلنه الامام علي (عليه السلام) زورنا وطلعنا للمكبره
جان اصعب يوم بحياتي كل اهلي وياي احمد ومحمد وبابا وماما واهله كلهم بس اني روحي يمه هوه
لكينا الدفان محضر القبر المكبره تخوف بدت مراسيم الدفن
من رادو ينزلونه اني ودعاء وياسر وسيف وامه وابو كل احنه حاظنينه حسام مخلي راسه بحضنه ويبوس بي
ياسر : ولك خويه كوم كسرت ضهري يا بن امي انته ابوي مو اخوي كوم يا تجايتي وسفه وهضيمه تعوفنا وتموت وسفه تروح ولك خويه بعد راحت ذيج الايام الحلوه وياك خويه طيف كلتلي اني ازفك وينك خويه عفتني ورحت
سيف : خويه كوم البس قاطك الجفنه مو لك يا بعد روحي يا خويه ولك خويه ليش ستعجلت على الموت
خويه ما فاركتنا فد يوم
ماجد : ولك بويه طيف يا شمعت بيتي يا بويه كوم يا بعد عيون وگلب ابوك ولك بويه الموت اليه مو الك بويه اتمنيت انته تشيل جنازته مو اني اشيلنك ولك بويه كسرت ضهري يا بعد ابوك
زهرة : يا يمه طيوف منو بعد اصبح بوجه ولك يا حنين ولك يمه كلتلي اروح اني وياج نحج بيت الله يمه ليش عفتني يمه مريتك منو الها يا بعد هروش گلبي يا يمه طيف يبو طول الحلو اليرهب الحيل ولك فشگت راس كلبي بموتك يا يمه
ولك يمه حار الرمل شلون خليك يا يمه طيوف
يمه شلون لو ابنك بجه ونشد عنك شگلله
ولك يمه شلعت گلبي بروحتك
يمه بعد منين اجيبنك طيوف يمه بعد بيمن ازامط يا بعد روحي يا يمه
يمه الخله ولا كالها الله طيوف يا بن گلبي يا يمه
يمه اعصرلك جفوفك خاف تعيبان يا بعد طوايفي
حسام : خويه كعد مو وكت فرگه يا بعد اخوك خويه بعدك صغير يا خويه يا صاحبي اكعد ليش تموت بعد منو يعيني على ياسر وسيف يا بن امي وسفه تنام بالمگبره وتعوفنه خويه ناس تهابنه لا تكسر بينه يا حزام ضهري
خويه بعد ويه منو نگعد يا عزيز روحي ما ودعتني من رحت جنه ما نتفارك شلون تموت وتعوفنا ولك يا حزام ضهري ليش تكسر ضهري
دعاء : كلي شسميك ابوي لو اخوي يا روح اخيتك كون ادفنك بگلبي .....ابوي عايش بس جنت اني احس روحي بنيتك يا عزي ودلالي ولك خويه اشيم بيك كدام العالم خويه كسرت ضهورنا خويه راح ادفن الخوه وياك
روح : نزلو بالگبر واني تراب المگبره كله على راسي ماما بلكوه لازمتني دكيت على راسي لطمت صوتي كام ما يطلع من الصريخ بعد مابيه اي قوه كمت اباوع عليهم كلهم اريد اشوفه بيناتهم ماكو طيف هاي هيه خلصت قصتنا هنا فرقنا الموت يعني بعد ماكو انته عفتني ورحت هيج الموت حلو خلاك تفارگني
بدت الناس تروح للسيارات بقينه بس احنه والتراب اني علست بقت بس الدموع تنزل خالتي تخربطت دعاء كاعده كباله وتشيل بترابه وتشم بي ياسر وسيف واحد حاضن الثاني ويبجون حسام لازم عمي لا يطيح
