الطريقة الوحيدة لأجتياز أي مرحلة مؤلمة في حياتك هي أن تعيشها كاملة .. لا بالتخدير ولا بالتجاهل ولا بالتحاليل ، بالمواجهة فقط سوف تُشفى
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : كعدت ثاني يوم لازم صفنت الصباح تذكرت حفلة السبعه وتذكرت اهلي ونوب تذكرت عادل كمزت من فراشي هذا بس لا بعده موجود ........
باوعت على الجربايه شفت طيف نايم
كمت صليت ونزلت لكيتهم كاعدين جاي يتريكون
روح : صباح الخير
الجميع : صباح النور
ماجد : بويه روح طيف وين
روح : بعده نايم
ماجد : صيحي خلي يكعد
روح : تمام بويه صاعده ....... هسه شلون اكعده
دخلت كَل عاده الايد على العيون ونايم تقربت منه
عزاااا هذا نازع قميصه شلون بلوه هاي
دكتور....... دكتور
طيف : فزيت من دخلت بس مابيه لا احجي ولا اتناقش ولا اكعد
خبلتني هيه ................الناس من تفكر تحجي بداخلها هيه تفكر وتحجي عادي
ما اعرف شلون كدرت اسيطر على نفسي ما ضحكت من تگول عزاااا هذا نازع قميصه
جا شلون انام بملابسي
روح : دكتور...... دكتور ...... هسه غير يكعد ادري ميت
احسن حل المنقذ المكنسة
اروح اجيبها احسن
طيف : لا هلا مو جهاز دكول دبابه...... نزلت ايدي من راسي حته تحس اني فزيت
روح : دكتور
طيف : هممممم
روح : دكتور اكعد عمو يريدك
طيف : هسه انزل
روح : تمام ....... نزلت وكتله عمو شويه وينزل تركت وبلشت بالتنظيف اني ودعاء سوينه غده وهوه ما نازل
ماجد : بويه روح اصعدي كعدي
روح : بويه خلي دعاء تصعد
ماجد : انتي اصعدي لا تخافين منه
روح : صعدت شفته كاعد على الجربايله لازم موبايله وصدره كله طالع نزلت عيني ودخلت اباوع على الجربايه واحجي وياه........... دكتور عمو يريدك
طيف : هسه راح انزل
روح : شنو هل هدوء...... رجع عبالك الدكتور الي بالجامعة...... محتاج شي
طيف : رفعت حاجبي.......... شنو قصدج
روح : يعني اجيبلك مي اكل
طيف : لا بس اذا ما بيها زحمه حضريلي الحمام
روح : اول مره يطلب مني شي...... اخذت ملابسه وعلكتهن بالحمام وخليت المنشفه هم ..........صار جاهز
طيف : شكراً
روح : دكتور انته ما بيك شي يعني زين
طيف : اي زين الحمدلله ماكو شي
روح : ان شاء الله ........اني نازله
طيف : اكمل وانزل وراج
روح : مستغربه من الهدوء الي بي وخايفه منه خاف هذا وجه جديد
دخلت للمطبخ جاي انظف الخضره وره شويه نزل
طيف : سويلي گلاص چاي
روح : صار....... حميت الجاي وصبيت بكوب چبير اخذ الجاي وطلع وكف بالحديقه
مسحت المطبخ جاي اغسل الطرمه سمعت عمو يعيط بي امبين النقاش بينهم حامي
خليت ودخلت مابيه تلوحني شضيه من الشضايه
صبينه غده وكعدنه كلنه على السفره اني كاعده بصفه جاي اكل بس هوه ما اكل بس يگلب بالتمن
خلصت اول وحده كمت سويت جاي .............دخل عليه
طيف : اريد الجاي بالغرفة
روح : صار
يا ستار شبي هذا انطيتهم وهوه صعدتله....... ردت انزل
طيف : تعالي
روح : تفضل
طيف: اكعدي عندي حجي وياج
روح : يا ربي دخيلك ........... بس اني ما مسويه شي
طيف : بله هاي شحجي وياها ضليت ساكت اريد ابدي وياها بموضوع ما اعرف ..........اني العمري 35 سنه ودكتور بالجامعة يمها ما اكدر احجي
روح : راح انزل انظف المطبخ
طيف : انزلي......... انوب ابويه كلش ضايج مني على البارحه
وطلع منتبه على تصرفاتي وياها وما قابل عليه
اني عندي امي وابوي بالدنيا كلشي ولا ينقهرون مني
اوووف يا ربي
ضليت اشرب جگاير اريد شي يهديني ما اكدر
