" يعزُّ على الأنسان أن يَمشي سُبُلاً لا يَرغبها، ولكنَّها الحياة ". ┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي 🦋🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : رحت لبيت عمو وسجى الفرحه امبينه عليها وتراسل بمحمد و تضحك ضليت يمهم العصر كاعدين اني وياها بالحديقة سالتني سجى : شبيج روح ليش هيج ذبلانه وتعبانه روح : لا مابيه بس تعب الدراسة سجى : روح اني اعرفج اكثر ما تعرفج نور كليلي شبيج منو وياج روح : شبيج سجى انتي تتخيلين منو وياي قابل سجى : من انخطبتي لليوم انتي متغيره راحت روح الي من تجي لحد ما تنام هيه تلعب وتركض وتاكل وتسولف وين راحت ذيج روح روح : اي لان دراسه كلش صعبه وافكر بالزواج سجى : اني ما قنعني جوابج بس يجي يوم واعرف شكو روح : بس ماكو شي........ لليل اجوي اهلي واحمد فرحان حيل ثاني يوم كاعدين نسولف بالخطبه وشنو راح نسوي علمود عرس احمد ومحمد جان ابويه يكول وره الامتحانات تتزوج روح ونور لان ابو حسام اجه ويريد العرس باقرب وقت يقصد ابو طيف بدينه بالامتحانات بس قررت بعد ما اشوفه هلكنا بين البيت والدراسة والامتحانات كل يوم سهر لو انام ساعتين لو 3 ساعات بس ............ومن ارجع ويه ماما هيه خطيه ما تقبل بس ما نعوفها ..........ندرس اني و نور وحده تراجع للثانيه حته سيف ماكو ما يخابر مثل قبل ملتهي بدراسته
كملنه بالكوه الامتحانات كعدت بالحديقة انتظر نور ما اعرف ليش اجه ابالي احجي وياه اي روح الامتحانات وخلصت و وراها لازم تتزوجون شلون لا ما راح يصير، العرس لازم اشوفه و احجي وياه
نور : هااا نطلع روح : عادي تنتظريني شويه راح اروح لــ دكتور طيف نور : هم كالت دكتور لج ماما هذا راح يصير زوجج روح : استحي خاف احد يسمعنه من الطلاب نور : اوكي روحي واني هنا انتظرج وهاي العوبه هم بعدهي ما جايه مرت اخوج روح : رحت دكيت الباب مره مرتين ماكو الظاهر ما موجود ....... خلي اروح احسن طيف : محتاجه شي روح : اجاني الصوت من ورايه...... اي محتاجه احجي وياك عندك وقت طيف : عندي تفضلي بس بختصار روح : دخل للمكتب ونوب دخلت اني........ دكتور انته ابن عشاير واني جاي اتوسل بيك دخيلك تعوفني فدوه اروحلك خلي نفسخ الخطوبه والله بعد ما تشوفني بالناصرية ارجع لبغداد والله بعد ما اجي هنا اني بشنو ضوجتك ليش جاي تعاقبني شنو الشي الي بدر مني وجاي اتعاقب علي واذا مسويه شي اني اسف واعتذر منك بس ارحمني الله يخليك
طيف : شنو مناسبة هذا الكلام هسه روح : والدك اجه على ابويه وكله وره الامتحانات العرس وانته قبل فتره كلت اني ما ميت عليج لعد لمن مخطوبين واني وافقت علمود اختي بس ما اكدر اكمل الله يخليك تعوفني والله بعد ما اخليك تشوف وجهي طيف : اي هسه وبعد اني ما ميت عليج روح : لعد ليش خطبتني ليش جبرتني على هذا الشي طيف : حته اكسر راسج واكسر خشمج وخليج جوه رحمتي روح : انته شكد ضالم واني مستحيل اضل جوه رحمتك وسيف ما تكدر تمنعه من الزواج من نور همه واحد يحب الثاني طيف : خوش اسمعي ...............الوووووو سيف : هلو خويه گول طيف : شنو العرس وره الامتحانات سيف : اي خويه بس لا عندك مانع وراح نضل على السنه الجايه لو هم ترجع على رائيك مال قبل .....اكمل دراسه واروح لتركيا اشتغل هناك طيف : رفعت حاجتي الها...... واذا اكولك شنو اريد يصير سيف : اني بأمرك خويه لدكوله احسبه صار وانتهى طيف : كفو من اخوي يله من ارجع للبيت نتناقش ............ روح : اسمع حجيهم واني الدمعه تفتر بعيوني طيف : سمعتي الحجي كله .......شوفي القبلتي او ما قبلتي العرس راح يصير ما عاجبج اركعي راسج بالحايط وخلي اختج تخسر سعادتها روح : انته ليش هيج تسوي وياي ليش جاي تلوي ذراعي ليش اني شنو سويتلك بس كلي حته ارتاح حته اكول اني استاهل الشي الي جاي يصيرلي طيف : وقتي خلص تفضلي رجاءً روح : يعني ما تكول اني بشنو اذيتك طيف : ................ روح : تمام دكتور بس ما اكول بس حسبي الله ونعم الوكيل ...... عفته وطلعت بس دموعي كامت تنزل ما ترضه توكف رحت للحمامات غسلت وجهي رجعت عدلت شالي و رتبت وجهي بشي بسيط وطلعت بس اني بالي كله مو وياي نور : واخيراً شرفتي مدام روح روح : هااا نور اكو شي نور: الحمدلله على سلامه لا ماكو شي سجى : يمعوده وينج صار ساعه ننتظرج روح : اعذروني نور : روح بيج شي روح : لا ماكو بس تعبانه سجى : اي والله تعب اني بس اروح انام لان ميته تعب روح : تعالي ويانه للبيت نور : لا لتجين محمد موجود وانتي تخلصينها كاعده يمه من يروح عود نخابرج سجى : هههههههه اول وتالي اني راح اجي واكعد على كلبكم وشغله ثانيه ميصير اجي يمكم منا للعرس روح : ضلت نور وسجى يسولفون واني بغير عالم خلصت السنه بتعبها وبسهرها وحلوها ومرها من اتعس سنوات دراستي هاي السنه طلعت من الكلية واني احجي وياها اخذت منج بس كسره وقهره وحزن ودمعه ليش هيج ........طلعنه بالطريق صافنه على الشارع والناس احس الحياة مابيها طعم احسها تخنكني شلون راح اكمل هيج اني ليش ما انتحر مو ارتاح وهذا المتعجرف بعد معلي بنور استغفرالله العظيم واتوب اليه يا اللهي ما تركلي اي حل رجعت للبيت اول ما دخلت نمت لا اكل ولا سبحت بس غيرت ملابسي نمت حته ما رتبت غراضي اجتي ماما كعدتني كتلها عوفيني لحد ما اكعد نمت من اجيت لحد التسعه بليل ..........
فتحت عيوني الغرفه بيها شويه بروده وضلمه دورت على موبايلي لكيته جوه راسي تعجبت نمت كل هذا الوقت كعدت خليت ورايه كلشي طيف و الخطوبه وموضوع الزواج كله
﹏﹏﹏﹏﹏﹏﹏﹏﹏﹏﹏﹏﹏﹏
زهرة : هااا يمه كعدت طيف : اي يمه بس ليش ما كعدتيني صلاة المغرب راحت عليه زهرة : شفتك تعيبان يا بعد روحي طيف : جاااا اخوتي وينهم ولا واحد زهرة : ياسر وسيف يم ابوك بالمضيف ودعيوه جاي تسوي عشاء طيف : خوش يمه راح اتوضه انه زهرة : خوش يمه طيف : كملت صلاة وجاي اسبح تذكرت من تكلي حسبي الله ونعم الوكيل عليك يا ربي ارحمني برحمتك تذكرت من تتوسل بيه حته نفسخ الخطوبه شلون يا اللهي ما جاي اعرف اتصرف احس اني تهت دليني على الطريق الصحيح سيف : هااا خويه شجاكم اليوم بس نوم طيف : ليش منو بعد نايم. سيف : المدام طيف : يا مدام. سيف : روح .....شبيك خويه هم لهسه نايمه طيف : هاااا خاف تعبانه سيف : اي والله خطيه هيه هم تعبت حيل طيف :حسام هل ايام ما يجينه. سيف : اي يجينه وانته شعليك تسد بابك وعفتهم على گلبي طيف : همه يحبوك ويجون عليك...... شبيك خويه ذولي جهال سيف : ملايجه يا جهال حته على الكنتور يصعدون ........ طيف ابوي يريدنه انه وياك طيف : بس الم السجاده اجي وراك روح انته.
طيف : هااا بويه أمرني.. ماجد : بويه طيف انته واخوك حضرو نفسكم هذا الشهر نعرسلكم سيف : يا بعد گلبي يا بويه اي خوش وقت طيف : لا بويه خليها على الشهر الجاي احسن سيف : ليش يا خويه خلينا نعرس هذا الشهر شعدك على الغرفه باسبوع تجهز طيف : هذا الشهر عندي هوايه شغل والنتائج بعد ما طالعه سيف : هوه هذا الي هامك طيف : طبعاً سيف : واذا طلعت راسب ما نتزوج مو صح طيف : اي اكيد لو تعيد السنه عشر سنين سيف : زين خليها على الشهر الجاي احسن طيف : مو حجيت من البدايه ليش تشلع گلبي .... وانته كملت بيتك سيف : بعد غرفة النوم والمطبخ طيف : هذا كله وتريد تعرس هذا الشهر .........انته شهرين ترس وياك سيف : جا خوش خابر روح وكلها طيف : والله بطران هسه احنه حددنه اليوم زهرة : ميصير يمه البنيات عدهن شغلات يحضرنها ونشتري ذهب طيف : يمه انتي شوفي الصح وسوي زهرة : خوش يمه
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
فراشاتي لا تنسوون التصويت والتعليق🦋🦋🦋
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
