شگد مَرت عَليه عيّون مَاجاستنِي بَس عِينك.
┈┈┈┈┈┈┈┈┈┈┈┈┈┈┈
الكاتبة فاطمه علي_________________💜🦋
┈┈┈┈┈┈┈┈┈┈┈┈┈┈
نور : وصلنا للجامعه وشفت من بعيد سيف واكف يم ولد ويسولفون
رحت وكفت يم كروبنا مال بنات ونسولف سوالف عاديه كم مره اجيت بدون روح بس كل ما اجي لوحدي احس روحي غريبه وخايفه وره شويه اجه سيف وكف يم شجره قريبه علينه ويأشرلي رحت علي
سيف : صباح العافيه يا عافيتي
نور : صباح النور حبيبي
سيف : ان شاء الله سنه سعيده عليج وان شاء الله السنه الجايه اني وياج جوه سگف واحد
نور : ان شاء الله حبيبي
سيف : اليوم شريجتي ماكو
نور : هههههه قصدك روح....... خطيه عمه مريضه وبقت يمها
سيف : هااا خطيه ماعدها بس العافيه ........ ما كتيلي شلونهم اهلج
نور : زينين الحمدلله
سيف : شنو سويتي على موضوعنا
نور : والله ما كدرت اكول لــ ماما
سيف : ليش يا حبيبتي غير اني وصيتج تحجين
نور : ما اعرف بس استحيت احجي وياها
سيف : اذا تبقين مستحيه اني اتصرف
نور : لا لا اني اكوللها
سيف : انتي فاهيه اليوم راح ادز امي تجي عليكم
نور : لا سيف فدوه حتى عمه مريضه
سيف : بس تصير عمتج زينه تكليلي
نور : اوكي اني اكولك
سيف : يله امشي راح تبدي المحاضرات
نور : كملنا المحاضرات بقت بس محاضرة الدكتور طيف واستلمنه درجاتنا
دخل دكتور طيف واني احس رجليه صارت خيوط من الخوف وخاصه اليوم كل شويه نستلم نتيجه وبعد ورانه نتيجة الكورس الثاني بده بالمحاضرة وراها بده
ينطينه النتيجه ومن كال نور محمود من الخوف بس رفعت جف ايدي ما كدرت اكول نعم
طيف : لاحظت بالفترة الأخيرة مستواج بالنازل
نور : ادخيلك يا رب العالمين احجي بگلبي
طيف : بس هذا الامتحان رجعتي ........ صح درجه ضعيفه واريدج تصعديها بس على العموم عفيه
نور : الحمدلله..... ان شاء الله دكتور
طيف : سيف ماجد
سيف : نعم دكتور
طيف : راسب
سيف : استغفرالله يا ربي ...... احجي بكلبي ..... اليوم شيخلصنه بالبيت
نور : القاعه كلها اخذت نتيجتها ضلت بس روح
طيف : روح محمود
نور : دكتور ما موجوده
طيف : يعني ما داخله للمحاضرة
نور : لا دكتور هيه ما مداومه اليوم
طيف : هااا تمام ......... اول شي سنه سعيده عليكم ان شاء الله وتكون حافله بالنجاح
ثاني شي مبروك للناجحين والي راسبين اتمنى شدون حيلكم حرامات هذا التعب يروح واهلكم هم خطيه ينتظروكم تنجحون وما ضل شي للتخرج غير سنه وحده
طيف : اول ما دخلت ما حسيت بذيج العيون الي تراقبني بكلشي صح اني ما انطي مجال بس هاي البنيه ما اعرف ليش صرت اهتملها والي عجبني بيها شاطره واخر امتحان من المتميزين اعرف الماده صعبه بس هيه امبين مهتمه بدراستها....... من سالت عليها كلت بلكي موجوده بس طلعت اصلاً ما مداومه اليوم اعرف من سيف بس شلون راح اساله ضليت بحيره...... زين اني شعليه واذا ما داومت شبيك طيف تره هيه كلها طالبه عندك شبيك مهتم هلكد
