المشاعر اللي توصل للبچي من شدتها بعُمرها ما چانت عادية
إن كانت حُب او أشتياق أو غيرها 🤍.
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : وره كم يوم رحنه لبيت عمو وطلبنا سجى
بيت عمو كلهم فرحو كالو بس نشوف البنيه وره يومين كالو سجى موافقه بدت تحضيرات الخطوبه
واحنه فرحانين راح يصير عدنه عرس مابين الكلية والبيت والشغل هلكنا ................طيف اشوفه بس بالمحاضرة مرات بالبيت الزم الموبايل بس حته يحسون اني جاي احجي وياه ماما تسالني ليش ما طلعون اكولها مو جاي نتشاوف كل يوم بالكلية فه مالها داعي احسن ما واحد يمل الثاني
﹏﹏﹏﹏﹏﹏﹏﹏﹏﹏﹏﹏﹏﹏
سيف : باجر بيش الساعه تروحون
نور : العصر نروح نخطب
سيف : عندج ملابس لو نروح العصر نجيبلج
نور : لا حبيبي قبل يومين رحنه للسوك وجبنه ملابس
سيف :خوش حبيبتي شنو تحتاجين كولي
نور : ان شاءالله عمري
روح : يله نور اني راح اروح
سيف : ليش ما تخلين طيف ياخذج للبيت
روح : هاااا لا ماكو داعي محمد راح يجيني ....... نور مو تنسين ركزي بالمحاضرة اكتبيها حته اخذها منج
نور : تمام لا يضل بالج
روح : طلعت شفت طيف كملت طريقي عادي
رجعت للبيت لان عدنه هوايه شغل وامي لوحدها للعصر ردنه نروح للصالون ما كدرت اطلع دزيتله رساله راح اروح للصالون
طيف : تمام
روح : هسه اني ليش دزيتله رساله هسه شيكول
لعد شسوي يكولون حرام اطلع وهوه ما يعرف يله المهم خلي انزل
رحت للصالون سويت تنظيف بشره وحفيت ونور هم وماما كملنه ورجعنه لكينه احمد جايب عصير وجگليب وكيك
باجر خطبة محمد والي وراها خطبة احمد لان لازم نروح لبغداد
باجر عدنه عزيمه بابا عزم كل عمامي وعماتي وحته خوالي من بغداد راح يجون حته بيت اهل طيف عزمهم
﹏﹏﹏﹏﹏﹏﹏﹏﹏﹏﹏﹏﹏﹏
طيف : سيف باجر تروح
سيف : اي وحتى ابوي يروح
طيف : جاااا مو ضروري اروح انه
سيف : شلون ما تروح عيب من الوادم
طيف : ما اريد اروح مالي خلك
سيف : خويه طيف اريد اسالك على، شغله
طيف : اي خويه كول
سيف : خويه انته علاقتك زينه بروح
طيف : وليش تسال صاير شي
سيف : لا ما صاير شي
طيف : علاقتي زينه بيها بس مو مثلك انته ونور وغزل وطلعات يعني عادي مثل اي مخطوبين نتخابر ونتراسل وجاي نتشاوف كل يوم
سيف : ان شاءالله تتهنه انته وياها
طيف : سيف ما قتنع بالحجي اني اعرفه هاي بس لا حاجيه شي لاختها
﹏﹏﹏﹏﹏﹏﹏﹏﹏﹏﹏﹏﹏﹏
نور : روح يله اكعدي خوالي جايين من الصبح
روح : صدك شوكت اجوي
نور : بالسبعه واصلين وماما مسويه ريوك يله خلي ننزل راح يصعدون يسحلونه احمد ومحمد
روح : اليوم محمد مو يمنه يمعوده يم سجاوي
نور : هههههه اي والله صدوك يله اني نازل انتي بدلي ملابسج وانزلي بسرعه
روح : تمام ........ كملت ونزلت وبلشنه غده والهوسه جاي نصب سمعت كالو خطيب نور يريد نفاضه عرفته هذا طيف لان سيف ما يدخن ليش رف گلبي اني شكو لازمه كاسه اباوعلها ترجف بيدي خليتها على الكاونتر وصعدت للغرفه دخلت للحمام غسلت وجهي لان احس حراره تطلع منه
شبيج روح شنو جاي يصير وياج تره عادي كل يوم جاي تشوفينه شبيج اليوم
