ستبقى عيناكِ تربكني مهما اعتدت رؤيتها.!❤️
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : فتحت عيوني اباوع للسكف هذا اليوم الي جنت خايفه منه هاي هيه خلص كلشي ليش وصلت هنا
نور : روح وين صافنه يله كومي تره جلي نتريك
روح : يله نازله ....... غسلت ونزلت تركت ويه البنات شقه وضحك بس اني كوه احس كلشي مر كلشي مابي طعم
رحنه للصالون اني ونور وسجى
طول الوقت اني اباوع على كل خطوه جاي تسويها ان الصالون وبكل دقه عبالك اريد احفظ هاي التفاصيل
كملنه كلشي بس بدلت نور شويه بيها عرض لان هيه شويه ضعيفه اني اجتي على كدي
سوتها ام الصالون و ضلينه شويه وراها اجوي علينه ورجعنه للبيت من وصلنه اشوف بابا واكف بالباب بس نزلت شفته يمسح عيونه
يا عمري يا بابا عيوني غورگت دموع ومن دخلنه ماما تبجي كعدنه شويه البنات طلعن اغاني نور كامت تركص وياهن اني ما كدرت لان صدك مختنكه روحي توجعني على كلشي
دخل احمد ومحمد باركولنه وراها دخل بابا اني بس شفته بجيت هوه عيونه حمر وما يباوع بوجهي يبعد عيونه مني ........ امي دخلت هلهلت واطش جكليت وبس شافت بابا ضلت تبجي هيه هم
لشويه اجوي الجهال كالو وصلت الزفه
﹏﹏﹏﹏﹏﹏﹏﹏﹏﹏﹏﹏﹏﹏
طيف : كعدت بس احس تعبان تمنيت كل هذا ما صاير كل عمري اني رافض فكرة الزواج وبالتالي اتزوج بهاي الطريقه صفنت تذكرت عيونها بتسمت انوب تذكرت كرها الي شكد جنت احب من احس بيها تراقبني بعيونها بالكلية لو من اصحح ورقتها بالامتحانات هسه كلشي ختلف تمنيت اشوفها بغير ضروف
نزلت تريكت وراها بدت تحضيرات الغده هاي الفتره لتهيت بالناس التجي ابوي جبير بالعشيره والناس تعرفه كل شويه تجي مجموعة زلم والهلاهل تارسه البيت
حته ما نكدر نفوت للبيت من البنات وكلها تبارك ولازم توكف تجامل اني روحي طالعه اتمنى ما صاير هيج بس بعد كلشي صار وما بيدي اغير القدر هذا قدرنا اني وياها
اشوف دعاء شلون تركص وتهلها وفرحانه هاي الفرحه تسوه عندي الدنيا كلها بدينه نحضر حته تطلع الزفه لبست قاطي وسيف هم كمل من نزلت الهلاهل والجكليت على راسنا
امي تهوس هيه وعماتي وخالاتي طلعنه من البيت منتظرين يكملن
الزفه راح تصير من بيتهم لــ تصوير وراها لـ فندق الزيتون
طلعت الزفه اني سياره وسيف سياره والزفه فوك 15 سياره كل ولد عمي و خوالي
جنت اباوع على سيف شلون يركص هوه وحسام وياسر
وصلنا لبيتهم شفت ابوها واخوانها واكفين بالباب
نزلنا سلمنه عليهم دخلن النسوان وراها دخلنه اني وسيف
اول ما دخلت باوعت عليها تمسح بدموعها
روح : بس دخلو النسوان اشوف امي بس دموع تنزل منها اني دموعي ما يقبلن يوكفن ...... وراها شويه دخل شفت عيونه وهيبته وشخصيته الي عجبتني من قبل بس ما شفت حنيته من جان يحجيلنه على المستقبل والدراسه
هوه نفسه الي دمر كلشي حلو بحياتي
كعد بصفي نفس الهيبه والعطر
طيف : بس دخلت خلت عينها بعيني شفت بعيونها قسوه وحقد وكره...... احجي بگلبي كتلها مو بيدي الصار كله غصباً عليه ما جنت اتمنى يصير كل هذا
