أنا امرأةٌ قلبها يحترُق ، وأفعالها باردة .
كن قوياً حتى لا يشفق عليك أحد
┈┈┈┈┈┈┈┈┈┈┈┈┈┈┈🦋🦋
الكاتبة فاطمه علي
┈┈┈┈┈┈┈┈┈┈┈┈┈┈┈🦋🦋
طيف : بعد وگت همزين شرفتي انسه روح
روح : اسف دكتور تاخرت عليك....... من دخلت لكيته واكف ما كاعد بمكتبه والعصبيه تطلع من عيونه قبضت ايده ترجف من العصبيه يحاجيني بسلوب مستفز ومحلو بس ضليت متمالكه اعصابي اني من النوع الصبوره
طيف : اي روح شنو رائيج بشغلة سيف واختج نور
روح : مدام واحد يحب الثاني الله يوفقهم
طيف : الي عرفته انتي كلش حريصه على اختج وعلى سعادتها ومستقبلها
روح : اكيد دكتور هاي اختي وتوأمي
طيف : زين اذا خيرتج بين دوام الكلية واختج منو راح تختارين
روح : اكيد اختي وبدون ما افكر..... دكتور شكو صاير شي خوفتني نور بيها شي ما عاجبك
طيف : انتي هنا اجوبين مو تسالين
روح : مع احترامي لك دكتور بس اني مو متهمه وما يحقلك تحجي وياي بهذا الاسلوب
طيف : اني هسه اشوفج الاسلوب الحقيقي
روح : بس حجيت عبالك بركان ونفجر اجه عليه ولزكني بالحايط
طيف : اسمعي ولج وكل كلمه اكولها تخلينها ترجيه بأذنج
زواج نور و سيف ما يتم اذا ما نتزوج اني وياج واذا رفضتي اختج تحلم بعد تشوف سيف مو تتزوجه وانتي بعد بكيفج
روح : لحظه دكتور انته جاي تحجي صدوك ..........انته مستوعب الشي الي تطلبه مني وليش شنو سويت ليش تطلب مني مثل هيج شي ليش جاي تعاقبني دكتور ابوس يدك لا تسوي هذا الشي
طيف : شوفي هاي الساعة الرملية راح اگلبها ومستقبل اختج مرهون بيها توافقين لو لا
روح : يا ربي اذا كابوس اريد اكعد فدوه اروحلك الغرفه صارت عليه عبالك گبر الهوه ماكو بيها بس ريحة الجگاير الي خنكتني من دخلت لهسه يعلگ واحده ويطفي الثانيه اباوع على الساعه واحس حبات الرمل هاي حياتي جاي اطيح منها
ربي لا تمتحني هذا الامتحان تره صعب ربي ليش جاي يصير وياي هيج ضليت ساكته اباوع على الساعه من خلصت اجه وكف كبالي بوجه العصبي وعيونه تخزر بيه لو شكله الي عبالك يريد يفترسني كلش كرهتك تمنيت ما شايفتك تمنيت ما اجيت للناصريه احجي بگلبي وكمزني هوه
طيف : هااااا شو ساكته احجي
روح : عيون نور وفرحتها وحبها لسيف شفته گبال عيني......... موافقه كلت هاي الكلمه وغمضت عيني وطاحت دمعه من عيوني مسحتها
طيف : هاي هيه واسمعي هذا الشي يضل سر بيناتنا ما اريد مخلوق يدري وخاصه هنا بالكلية ما اريد واحد يعرف اني خطبتج
وشغله ثانيه اريد كلشي يبين طبيعي كدام الناس فتهمتي لو لا
روح : صار كلت هاي الكلمه و طلعت گبل للحمامات دخلت ماكو ولا واحد بيها بجيت لحد ما غوشت عيوني شنو راح اسوي او شنو اكول اهلي اخواني نور الدنيا كلها شلون بيه يا ربي ساعدني سمعت صوت طلاب قريبين غسلت وجهي ورتبت شالي وطلعت شفت نور من بعيد جاي تجي عليه عفتها ورحت كعدت بالقاعة اجتي يمي كعدت
نور : روح شبيج وليش ما حضرتي المحاضره وقبل اشويه صحت عليج وما سمعتيني صاير شي وليش عيونج حمر
روح : لا ماكو شي
نور : سمعت الدكتور طيف داز عليج بالمكتب مالته
روح : اي اني جنت هناك
نور : اي وشنو راد منج
روح : اتذكرت كلشي احس الدمع ترس عيوني بعدت وجهي من نور ونزلن دموعي ........ ما يريد شي مشتبه بدرجتي
نور : روح وهذا الموضوع يحتاج كل هذا البجي وعيونج حمر واجهج صاير اصفر عليمن يا حبيبتي
روح : خلص الوقت كله صافنه ضلت المحاضرة الاخيرة ما كدرت طلعت منها جان الجو بوكتها كلش بارد والسمه مغيمه وكفت بنص الكلية اريد اشتم هوه ماكو بدت قطرات المطر تنزل احس الدنيا تبجي وياي بس شميت ريحت المطر تذكرت طفولتنا ومن جنه صغار ربي لو ما كبرت وضاله صغيره احسن بجيت وجهي من المطر والدموع كله مي ملابسي نگعت رحت كعدت ما كدرت بعد اوكف اباوع على الكلية ليش اجيت للموت برجليه ليش دمرت روحي لو باقيه بغداد مو احسلي ضليت الوم نفسي بس بالاخير كل شي يهون علمود سعادة نور
رجعنه للبيت ما تغديت گبل للفراش . لليل ما كدرت اكوم صخنت وبلاعيمي
ضليت على هاي الحاله 4 ايام نور تروح الكلية بس اني لا
