و العيون ..
شبيها ( تخدر ) من تلمحك ؟! .
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
كعدنه الصبح من وقت حته نكمل شغلنه سوينه ريوك للخطار وراها تريكنه اني و نور ودعاء وبنات بوحدنه ونوب بلشنه شغلنه اغاني وستلمنه تنظيف والغده ...........بس نشتغل شويه ونركص شويه يعني ونسه مو طبيعيه وجمعت بنات يعني تخبل صارت
خلص الغده وبدينه نحضر همزين الصالون قريب على بيت اهلي رحت بس خليت مو كلش قوي مثل البارحه لا خفيف ونازك لان زفه وشباب واصدقاء ميصير نور ما قبلت كالت هوه كل يوم عدنه عرس
من رجعت شفت دعاء مبدله وكاعده على الدرج لوحدها تستحي تخالط ناس
روح : لج ليش كاعده هنا ..... مو هاي البنات تارسه الصاله تركص ما تكومين وياهن
دعاء : ما اعرف لان انتي ما موجوده
روح : يله راح ادخل البس
دعاء : راح اسوي نفسي ما شايفته...... صدك اليوم المكياج مالتج ولا غلطه
روح : فدوه اروحلج بس انتي ترفعين معنوياتي
....... دخلت لبست اباوع على نفسي بالمريا طلعت حلوه تعجبت شلون يعرف قياسي لو ذوقه بالملابس يخبل
خليت عطر حظرت عباتي خاف تطلع الزفه لان ما اكدر اطلع بي شويه بي ضيق عليه ودلع استحي
طلعت الصاله
سعاد : صلاوات على محمد ماما ولج شنو هل جمال
احمد : شلون راح تكسرين على عروستي
روح : تره خجلتوني شنو هل كلام
دعاء : يعني صدك يخبل عليج ما شاء الله اخاف احسدج
روح : البنات كلها تكلي طلعتي حلوه وقسم تكلي عاش ذوقج الفستان كلش حلو
بدينه نجهز علمود الزفه نزلو احمد ومحمد صلاوات على محمد الله يحفظهم من شر ويحفظ كل الشباب ولا يوجع قلب ام او اب بابنهم امين يا رب العالمين
جاي نطلع لبست العبايه
دعاء : ليش بعبايه
روح : ما تشوفي شلون ضيق
دعاء : هيه صايره هوسه منو ينتبه عليج
روح : لا دعاء ما اكدر اطلع بي
دعاء : براحتج
روح : طلعنه جاي نصعد ويه البنات بالسياره
دعاء : روح شوفي هناك طيف وسيف ينتظرونه
روح : لعد نور وين خلي تجي ويانه
دعاء : خلي نخابرها بس امشينه نروح
روح : امشي وعيني بالكاع.... حته عثرت من الخجل
دعاء : اسم الله... شبيج...... اكولج هاي مو نور صاعده بالسياره
روح : رفعت عيني شفته واكف بكامل الاناقة
نزلت عيني منه بسرعه
دعاء :نور شنو هل خيانه
نور : هوه انتي وين عمي ملتهيه بفستان سندريلا
روح : نور شبيج..... ليش ضايجه وصايره عصبيه احنه جنه ندور عليج من طلعنه ختفيتي
نور : رررووووح مابيه لا عصبيه ولا شي
روح : خجلت من دعاء شلون نور عاطت بيه كدامهم
صعدت وره وصارت دعاء بالنص بيناتنا
طلعنه الطريق كله صافنه بيها شبيها نور ليش هيج عصبيه
من نزلنه يم الفندق رحت سالت سيف
روح : سيف شبيها نور ليش عصبيه
سيف : والله ما اعرف هيه من طلعت من بيتكم وهيه عصبيه
روح : يجوز صار شي واني ما ادري
سيف : يجوز
روح : حته ما صعدت لسجى ضليت جوه وراها كل واحد رجع لبيته
