" أسوء مَسافة بينَ شخصَين .. سوء الفهِم ".
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
طيف : طلعت امها وبت عمها ضلينه اني وياها طبكت الباب ورحت عليها وكفت گبالها
روح : واكف كبالي بدون كلام بس صافن بوجهي بس عيونه كلهن شر
طيف : اي ست روح العناد مال ذيج الفتره راح اطلعه من عيونج لو لسانج الطويل
هسه وبهذا الوقت كلشي خلص هسه دخلتي بالقفص مالتي وبعد كلشي بكيفي
روح : اسمع كلامه وصافنه بي هذا مو طبيعي ...... مستحيل هذا بشر طبيعي ......... براحتك شتريد تسوي سوي ما يهمني
طيف : لا راح يهمج اذا ما شوفتج نجوم الظهر بس خلي تخلص هاي الليله
روح : بتعدت منه........... يعني شنو قصدك انته شتريد
طيف : شوفي اخذتج علمود
روح : علمود شنو عليك الله كول وريح بالي
طيف : لااااااا ما اكول مدام هذا الشي يريحج ما اكول
والشغله الثانية شوفي هذا اليوم ........مثل هيج يوم راح يخلص كلشي بيناتنا مثل هيج يوم ما اريد اشوفج بعد بحياتي ولا تخافين اني ما ميت عليج
روح : يحجي وعبالك هوه سلطان زمانه ......... لعد لمن اخذتني لمن دمرتني انته شنو من بشر ........شتريد بالضبط مني
طيف : اريد ادمرج اريد انهيج
روح : ارتاح دمرتني ونهيت كلشي حلو بحياتي
طيف : لا بعد اذا ما خليت روحج تتعذب اصبريلي
تتذكرين الجامعه والدراسه
روح : اي
طيف : تحلمين بعد تشوفينها
روح : لا دكتور عليك الله كلشي ولا الدراسه
طيف : وهاي كلمة الدكتور تنسينها كولي اسمي مو كدام اهلي وتكولين دكتور حته اكسر راسج والدراسه تنسينها نهائي لا ادفنج هنا
روح : والله تسوي فضل عليه موتني عليك الله موتني وخلصني..... والله تعبت والله تعبت كعدت بالكاع ابجي
طيف : كل هذا البجي علموده اعرف بيج تحبينه احجي بداخلي ............. تعرفين هاي الدموع جاي تبرد گلبي
روح : ليش دكتور اني شنو مسويتلك بس كلي
طيف : جنت واكف نزلت لحد مستواها و احجي وياها........ انتي تتذكرين من جنتي تراقبيني بهاي العيون الحلوات
روح : وانته بجيت هاي العيون
طيف : كسرت گلبي بحجايتها ............... ما خفتي فد يوم ادمرج ليش ضليتي تراقبيني بالسر ليش جنتي تكتبين طيف بالاوراق وترجعين تمسحين الكتابة
روح : شلون كدر يعرف هاي من جنت اصفن بالمحاضرة اضل اكتب اسمه وارجع امسحه ...............انته مشتبه مستحيل اكو هيج شي
طيف : اي صح..... اني مشتبه..... لج عبالج اني من ذولي الي يتقشمر عليهم شوفي اذا احد عرف شنو بيناتنا تحسبين نور اطلكت وانتي ما طلعين سالمه
ويله كومي ولي من وجهي ما اريد اشوف جهرتج
