العائلة هي الأمان الوحيد الذي تجده لامعاً، فمهما اصطدمت بها المصاعب، فلن تزدها إلا لمعاناً. عندما تكسر لا يجبرك أحد إلا عائلتك، تقويك وتعيدك للحياة من جديد ، منظر ضحكة العائلة بشكلٍ جماعي يستحق التخليد في إطار يعلق في زوايا القلب• ضوضاء العائلة اهدأ آمان للقلـب 🤎.
┈┈┈┈┈┈┈┈┈┈┈┈┈┈
الكاتبة فاطمه علي________________🦋💜
┈┈┈┈┈┈┈┈┈┈┈┈┈┈┈
روح : رحت للحديقه صح بارده بس الهوه كلش حلو
نور : روح ارجعي للقاعه تره بس تبردين تتمرضين
روح : لا مو كلش بارده
نور : شوفي خشمج شلون احمر شنو مو بارده
روح : يله هسه ادخل المهم خلصنه
نور : بعد ورانه كم امتحان
روح : يله ما ضل شي ونرجع لبغداد نرتاح كم يوم
نور : اي والله محتاجين نرتاح
روح خلصنه امتحانات وهمزين براس السنه بنطونه عطله
رحنه لبغداد عمو وصلنا .......الواحد يم اهله يرتاح يحس بالامان وراحه يعني اول ما رجعنه حته التعب نسينا بقينه شقه وضحك اني ونور واحمد ومحمد للصبح
محمود : يله بابا روح اكعدي
روح : بابا فدوه بس شويه انام
محمود : اني نازل وراح اصعد امج عليج انتي وهاي التنبل
نور : لا فدوه اروحلك نازلين كلشي ولا مرتك تجينه
احمد : يمممممه ويييييينج تعالي اكو واحد جاي يحجي عليج
نور : بسم لله انته منين طلعت
محمد : ادري ما تعرفينه يموت على الفتنه
روح : خلي ننزل لا تجي نبع الحنان بسلاحها الاخضر
احمد : يمعوده انتي قديمه صار اصفر
نور : ما نختلف على اللون القوه والسرعه نفسها
محمد : ههههههههههه مخابيل والله
روح : سوينه حمله اني ونور على البيت من الطابق الثاني لحد باب البيت وحتى الشارع خلينه احمد ومحمد ينظفو بس شنو اني احس ضهري انكسر من التعب حته عشه ما سوينه بابا جابلنا من بره
بس رغم التعب متونسين من نلتم كلنه عبالك نرجع صغار نتعارك ونكافش وبابا يعيط بينه كله عادي ولا عبالك احنه بالجامعه واخواني متخرجين
احمد : يمه على السنه الجديده اني اريد اتزوج
محمد : اني اكبر منك بــ10 دقائق مفروض اول واحد اتزوج
احمد : اذا لكيت بنت الحلال نتزوج سوه واذا ما عندك اعذرني اني ما انتظرك
محمد : شبيك مستعجل
محمود : لا محمد هاي هيه لازم تتزوجون دراسة وكملتو وشغل الحمدلله واني ان شاءالله ما اقصر وياكم شنو تحتاجون
احمد : يابه اني منتظرك انته اذا قررت نستقر بالناصرية لو نبقه بغداد حته ابدي بخطوة الزواج
محمود : لا ان شاءالله نرجع للناصرية ومن نستقر ونرتب وضعنه نخطبلك
بابا عندك بنيه نخطبها لو تريد احنه ندورلك
احمد : لا يابه موجوده
محمود : هاي هيه على بركة الله............ وانتو روح ونور شنو وضعكم
روح ونور : شنو بابا
محمود : تره عمامكم حاجوني عليكم اذا ما اجتي قسمتكم منا لمن تتخرجون
ولد عمكم موجودين خوش ولد ومحترمين ومن دمنه ولحمنه
سعاد : ابو احمد الله كريم منا لمن يتخرجن هسه المهم احمد ومحمد
محمود : الله كريم اني ما اضغط عليهن اني اريد سعادهن واريد اشوفهن مرتاحات
