لا تبجين فدوة يروحلج كل الخذو ظلج
لا تبجين وادري بگلبج يبزج ادري بروحج تحرگج💔
#سجاد_الغريب
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : صار 7 ايام على زواجي كل يوم لازم انقهر منه لو يصيح عليه لو يعاملني بسلوب مستفز اكول ميخالف تخلص السنه وارجع لاهلي
من اخابر نور اطمن عليها فرحانه ومتونسه ومن تسولف شلون عايشه ويه سيف تخفف عليه
وخابر اهلي شلون فرحانين وابويه يكول رفعتن راسي هنا اكول كلشي يهون علمودكم
اهله خوش ناس ويحبوني دعاء عبالك اختي
وياسر محبوب يشاقيني ويسولف وياي
خالتي مره من اهل الله عمو هم يعاملني مثل دعاء
كعدت الصبح لان اليوم نروح للصالون راح نسوي حفلة السبعه حته نور راح تجي
كمت لميت فراشي ودخلت للحمام توضيت وصليت غيرت ملابسي جاي اطلع جان يكعد
طيف : وين رايحه من الصبح
روح : صباح الخير... رايحه انزل جوه لان اليوم السبعه ولازم نروح للصالون
طيف : مالها داعي تروحين
روح : بس احنه حجزنه صالون وفساتين
طيف : كلت ما تروحين
روح : هاااا بكيفك ما اروح ..... كلش ضجت ونقهرت جاي انزل
طيف : انتظري انزل وياج ما تنزلين لوحدج
روح : شكو واذا نزلت لوحدي لا تخاف ما اشرد هذا عذابي ما اعوفه
طيف : احجي عدل ما احب هذا الاسلوب
روح : كافي مليت تحجي بالاسلوب والاحترام
وانته صار 7 ايام ما حجيت وياي اذا ما تنقص من احترامي لو تستهزئ .....شتريد مني
اخذت مستقبلي وحياتي وحطمتني شنو تريد مني
ما اكول بس حسبي الله ونعم الوكيل عليك
طيف : سحبتها من الباب و ركعتها بالحايط ................لج هاي وياي هذا الحجي
روح : ضهري يوجعني من الضربه........ رفعت عيني وخليتها بعينه........ اي وياك
شتريد مني سلبت مني كل حقوقي
الشي الي تريده مني سويته الك حطمت روحي
شنو زواج مثل الناس ...... لو وضعي وضع عروس جديده كله عياط عليه لو كله بكيفك نامي انام اكعدي اكعد وكله بكيفك انزلي اكلي لا تنزلين هذا لا تسوي وهذا ممنوع وهذا ما يصير شنو حياتي وياك
كلت سنه ونخلص ادري هاي السنه ناوي هيج تخلصها وياي بس كلي شنو سويتلك حته هيج تعذبني
طيف : ..........
روح : اتوسل بيك تكلي شنو سويتلك اني بشنو ضريتك
طيف : ........ بتعدت عنها.... دخلت للحمام اباوع على روحي بالمرايا............. طيف شسويت........ معقوله اني هيج موزين......... شبيك طيف هاي دموع النسوان مثل دموع التماسيح ....... غسلت وطلعت لكيتها كاعده بنفس المكان صافنه ودموعها على خدها متت قهر عليها بنفسي اروح اخذها بحظنه وامسح دموعها رفعت عينها عليه نظرتها كله كره ......... يله ننزل
روح : انته انزل اني ما اريد
طيف : مو هيه بكيفج
روح : اي بكيفي وما انزل
طيف : بدون عناد ونزلي
روح : ماااااا انزززل سمعت لو لا
طيف : اسمعي صوت اختج جوه
روح : فزت روحي من سمعت صوت نور....... دخلت للحمام غسلت وجهي وطلعت لميت الغرفه وراها رتبت وجهي لفيت الشال ونزلنه من شفت نور ردتلي روحي
نور : هلو روح
روح : هلو حبيبتي شلونج
نور : الحمدلله انتي شلونج
روح : الحمدلله بخير انتي شلونج مرتاحه
نور : اي كلش مرتاحه ويه سيف
دعاء : نحن هنا صدك من كال.... من لگه احبابه نسى اصحابه.....
روح : يا حبيبتي انتي شلون انساج انتي اختي
ياسر : روح صدك يعني نور توامج
روح :خليت ايدي على جتف نور .......لا نور روحي مو توأمي
ياسر : منو الاكبر
روح : اني اكبر منها بــ دقائق
ياسر : بس حته ما تتشابهن
روح : اي صح..... نور اهداء مني اني هوسه
ياسر : مع حترامي لــ نور اتمنى ما تزعل بس انتي دمج احلى منها هيه جامده
روح : حسيتها ضاجت....... لا بالعكس بس انته لان ما تعرفها
ياسر : يجوز....... بس شعجب هيه ما عندها شامه مثلج
روح : بس هيه حنطيه يخبل لو بشرتها
سيف : شني اسمع واحد يعيب على حبيبتي
ياسر : ما حجيت شي جذب
سيف : عبالي وانتي المعقده بس لا حجيتي عليها
روح : سيف ......اتمنى احنه هسه بالجامعه هنا ما اكدر احجي عيب من عمو وخالتي
ماجد : لا بويه اخذي راحتج
روح : شكراً بويه.......... اول شغله اني مو معقده ثاني شغله هاي اختي شلون احجي عليها وسالها
نور : لا سيف ماكو شي عادي
روح : ما اعرف ليش ياسر حجه هيج ولا اعرف اذا نور ضاجت
طيف : اباوع عليها شلون ادافع لاختها شكد تحبها صدك توأم تقاتل علمود اختها
روح : تريكنا كلنه وراها خالتي كالت لطيف ياخذنه للصالون اني كتلها خاله ما اريد اروح مالي خلك
طيف : صعدت اجيب السويج اتذكرت ضوجتها خطيه هيه جانت تريد تروح مديت راسي من فوك وصحتلها
