بـ إحساس كل ناسي إدخَلِت
بس ما دخلت إحساسك !!
و انتَ ترف من كل كتر
بس چان يابس راسك !!
حكيم_الفريجي💙
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
محمود : اي بابا روح شلونج مرتاحه
روح : هااا بابا..........اي مرتاحه
محمود : وانتي نور
نور : الحمدلله بابا كلش مرتاحه
محمود : عمي طيف شلونها روح وياك
طيف : زينه ما مقصره وياي
محمود : عمي سيف وانته
سيف : والله يا عمي شكلك مرات زينه ومرات تقفل بس اني مرتاح مدامها يمي
نور : شنو هاي سيف شمسويه اني
سيف : والي يطنگر ويريد ماما وبابا منو هذا ابوي
سعاد : لا ماما نور شنو هل تصرفات انتي جبيره وعاقله شوفي اختج روح ........حبيبتي انتي ميصير هيج تسوين
نور : صار ماما...... اخويه طيف ....... يعني تقنعني روح لهسه ما شالعه گلبك.. هاي ام المصايب جانت هنا
احمد : غير مرته ويسترلها
محمد : رب العالمين بلاه بيها بعد شيسوي فاس وطاح براس
طيف : هههههههه لا بالعكس انتم منين تجيبون هذا الكلام
روح : هذا معقوله الي جاي يكوله لعد مو اني المصيبه لعد ما يحجي ........احجي بداخلي
روح : بكل بيت تصير مشاكل عادي
محمود : اي بابا صحيح بس المهم نعرف شلون نعالج هاي المشاكل حته ما تتكرر بعد
روح : خلص الاكل بين السوالف والمناقشات على السياسة ....... خلصنا اني ونور المواعين ماما سوت چاي ضلينه يمهم كم ساعه ورجعنه
بالطريق اريد اساله ليش هيج حجه ما اكدر ما تطلع وياي بقيت ساكته واباوع على الشارع
طيف : نازل اجيب كم شغله
روح : تمام
طيف : احممم.......... محتاجه شي
روح : هااااا...... لا ما اريد......... جنت مشتهيه حلويات بس ما حجيت استحيت منه راح يمشي واني صافنه بي........ معقوله انته نفسك الي رف گلبي عليك واخذت عقلي وتفكير....... معقوله ما عرفتك من البداية...... الشي الي متاكده منه عيوني ما حبت جذب
من رجع سويت نفسي ملتهيه بالموبايل
طيف : لازم اوصلج بسرعه خابرني صديقي وعندي شغله لازم اطلع
روح : ......... بقيت ساكته لان ماكو شي احجي احنه مو اي متزوجين عاديين احنه عايشين نمثل قصه
﹏﹏﹏﹏﹏﹏﹏﹏﹏﹏﹏﹏﹏﹏
راحت ايام ورجعت ايام اني جوه متونسه ويه ياسر ودعاء
اهلي اروحلهم كل اسبوعين بس ما ابات ما يقبل يكول ما يصير وخالتي هم تكلي لا تعوفين فراشج فارغ
ما تعرف اني وياه عايشين جذب
صار على زواجنا شهرين
فد يوم كاعدين العصر اني و دعاء جاي نحضر العشاء
ياسر نايم وعمو وخالتي كاعدين بالحديقه يشربون چاي
اجه سيف ونور
سيف : عندي الكم بشاره
دعاء : الله يبشرك بالخير كول بس نريد بيها فرحه
سيف : انتي مضروب راسج جااا ليش يسمونها بشاره
دعاء : يله كول
روح : اباوع على نور مستحيه وخجلانه بس الفرحه طالعه من اعيونها
سيف : راح يجي ولي العهد.... راح اصير اب
روح : كل احنه فرحنه..... اني احس ملكت العالم .....نور وراح يصير عدها طفل يا عمري
