كُنت دائماً أنتظر تلك اللحظة التي ينتهي فيها الخلافُ بـ جملة "بقاؤنا معاً بينما كنت تجاهدُ أنت لتُثبت أنني الطرف المُذنب، كنتُ أعاتبك بقلبي ولم أنتظر منك إلَّا اللين، وكنت تُعاتبني بعقلك ولم تنتظر مني إلَّا الهزيمة .
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : بقيت كاعده يم خالتي دعاء سوت چاي شربنه و كاعدين نسولف خالتي وصتني انتظر طيف حته من يجي يصعدون الثلاجه هوه وياسر
وراها اخذت الصينيه وغسلت كم ماعون على السنك دعاء : روح صاعده انام تصبحين على خير اتمنالج ليله سعيدة 😉
روح : هههههه وانتي من اهل الخير .......
جاي اغسل السنك حسيت واحد ورايه واكف انداريت
روح : هلو عادل محتاج شي
عادل : اي محتاج
روح : تفضل شنو تريد
عادل : ليش رفضتيني
روح : كلش صدمني بسؤاله ....... عادل كله قسمه ونصيب
عادل : رفضتيني علموده جنتي تحبينه
روح : رفضتك لان ما شفتك الرجال المناسب الي
عادل : روح انتي تحبين طيف
روح : انته ما احبك
عادل : چااااا شنهي عجبج بي بشنو هوه احسن مني
روح : اقل شي ما مخلي عينه على عرض وشرف اخو وابن عمه
عادل : احترمي نفسج هذا المعقد مو احسن مني
روح : وتاج راسك فهمت لو لا........... شوف عادل وكلام الله اذا شفتك لو لمحتك تتقرب مني بعد اله اكول لعمو عليك ........اني مخليه ايام الصداقة بعيني والله اذا حاولت مره ثانيه تحجي وياي بهذا الموضوع بهذاك الوكت ما اعرف شنو يصير ..........اني ما اكدر امنعك هذا بيت عمك بس من تجي تحترم نفسك فهمت لو لا
عفته واكف وصعدت بس روحي طالعه هذا شنو من بشر من شنو مخلوق كعدت على القنفه بس اعصابي تطاير من عيوني شلون عنده صلافه و يحجي وياي هيج هوه منو ويحاسبني
﹏﹏﹏﹏﹏﹏﹏﹏﹏﹏﹏﹏﹏﹏
طيف : رحت ويه صديقي اهله عدهم بساتين رحت كعدت .......هوه هسه خاطب بس خلينه فراش كعد شويه وراها بده يخابر واني صافن ........شنو سويت وراح يصير وياي شنو شلون اكمل .....
هيه بعدهي طفله واني الشييب بده يترس شعري شلون راح اتعامل وياها مره اشوفها طفله تاخذ الكلام ومره اشوفه شابه متمرده ونرجسيه حرت بشخصيتها
من بين صفناتي وصلني فيديو من دعاء مصورات فيديو وتغني هيه ودعاء الوجه يخبل والشامه ماخذه صفحه من جمالها لو عيونها
فوك الــ 10 مرات شفت الفيديو
صارت المغرب كلت الصديقي نرجع ما قبل كال نتعشه يله نرجع
صدك تعشينه وشربنه چاي ورجعنه وصلت للبيت ضليت بالسياره طلعت ايهاب المالكي وصافن بزماني وراها نزلت دخلت ابوي ماكو بس ياسر لابس سماعات ويلعب بموبايله ونايم وجه على الحايط ما شافني ....... جاي اعبر اصعد سمعت صوت واحد بالمطبخ يطگطگ بالمواعين وكفت قريب على المطبخ شفت عادل واكف يباوع عليه والثانية ولا يمها ولا حست بي ردت ادخل بس شفتها حجت وياه انتظرت اشوف
